বিয়াৰ প্ৰস্তাৱত সন্মতি নিদিয়া বাবে প্ৰেমিকাক চলন্ত ৰে’লৰ আগত পেলাই দিয়াৰ চেষ্টা প্ৰেমিকৰ, চাওক শিহৰণকাৰী ভিডিঅ’

News18 Assam | News18-Assam
Updated:February 21, 2021, 5:44 PM IST
বিয়াৰ প্ৰস্তাৱত সন্মতি নিদিয়া বাবে প্ৰেমিকাক চলন্ত ৰে’লৰ আগত পেলাই দিয়াৰ চেষ্টা প্ৰেমিকৰ, চাওক শিহৰণকাৰী ভিডিঅ’
প্ৰথমে যুৱকজনে ৰে’লৰ আগত জঁপিওৱাৰ নাটক কৰে আৰু তাৰ পিছত যুৱতীগৰাকীক টানি নি চলন্ত ৰে’লৰ তলত পেলাই দিবলৈ চেষ্টা চলায়।

প্ৰথমে যুৱকজনে ৰে’লৰ আগত জঁপিওৱাৰ নাটক কৰে আৰু তাৰ পিছত যুৱতীগৰাকীক টানি নি চলন্ত ৰে’লৰ তলত পেলাই দিবলৈ চেষ্টা চলায়।

  • Share this:
মুম্বাইৰ খাৰ ৰে’লৱে ষ্টেচনত সংঘটিত হয় এক ভয়ংকৰ ঘটনা। প্ৰেম আৰু বিয়াৰ প্ৰস্তাৱ প্ৰত্যাখ্যান কৰাৰ বাবে চলন্ত ৰে’লৰ আগত এগৰাকী যুৱতীক পেলাই দিয়াৰ চেষ্টা এজন যুৱকৰ।

এই ঘটনাত কথমপি প্ৰাণ ৰক্ষা পৰে যুৱতীগৰাকীৰ। ৰে’লৰ আগত টানি পেলাই দিবলৈ চেষ্টা কৰাত যুৱতীগৰাকীৰ মাতৃয়ে কোনোমতে টানি ৰাখে যুৱতীগৰাকীক।

প্ৰথমে যুৱকজনে ৰে’লৰ আগত জঁপিওৱাৰ নাটক কৰে আৰু তাৰ পিছত যুৱতীগৰাকীক টানি নি চলন্ত ৰে’লৰ তলত পেলাই দিবলৈ চেষ্টা চলায়।

অভিযুক্ত যুৱকজনৰ নাম সুমেধ যাদৱ। যুৱতীগৰাকীৰ সৈতে এটা কাৰ্যালয়তে কৰ্মৰত। ইাৰ পূৰ্বেও যুৱতীগৰাকীক একাধিকবাৰ প্ৰেমৰ প্ৰস্তাৱ দিছিল। প্ৰতিবাৰেই যুৱতীগৰাকীয়ে প্ৰত্যাখ্যান কৰিছিল সেই প্ৰস্তাৱ। ১৯ ফেব্ৰুৱাৰীত একপক্ষীয় প্ৰেমে লয় ভয়ংকৰ ৰূপ।

যুৱতীগৰাকী খাৰ ষ্টেচনলৈ আহিব বুলি জানিব পাৰি ষ্টেচনত উপস্থিত হৈছিল যুৱকজন। প্ৰথমে নিজে অহা ৰে’লখনৰ পৰা জঁপিওৱাৰ নাটক কৰে যুৱকজনে। তাৰ পিছতে যুৱতীগৰাকী অহা ৰে’লখনৰ পৰা যুৱতীগৰাকীক টানি নমাই আনি ৰে’লৰ আগত পেলাই দিয়াৰ চেষ্টা কৰে। এই চেষ্টা বিফল হোৱাত সেই স্থানৰ পৰা পলায়ন কৰে যুৱকজনে।

এই সমগ্ৰ ঘটনা চিচিটিভিত বন্দী হৈ ৰয়। অভিযুক্তৰ বিৰুদ্ধে ৰুজু কৰা হৈছে এটা গোচৰ। পূৰ্বেও যুৱতীগৰাকীয়ে যুৱকজনৰ বিৰুদ্ধে এখন এজাহাৰ দাখিল কৰিছিল।
Published by: Sanjay Kumar Das
First published: February 21, 2021, 5:44 PM IST
আৰু চাওক
পৰৱৰ্তী বাতৰি

শেহতীয়া বাতৰি