• Home
  • »
  • News
  • »
  • nation
  • »
  • লগে ভাগে এসাজ খোৱাৰ প্ৰস্তুতি, সাজিছে ভেলাঘৰো...ভৌগোলিক সীমা অতিক্ৰম কৰি মেঘালয়তো চলিছে উৰুকাৰ প্ৰস্তুতি

লগে ভাগে এসাজ খোৱাৰ প্ৰস্তুতি, সাজিছে ভেলাঘৰো...ভৌগোলিক সীমা অতিক্ৰম কৰি মেঘালয়তো চলিছে উৰুকাৰ প্ৰস্তুতি

উত্তৰ গাৰো পাহাৰ জিলাৰ মাণিকগঞ্জ, জোংলা , ৰোম, দাৰাম, থাপাত বসবাস কৰা ৰাভা জনগোষ্ঠীৰ লোক সকলে ভোগালীৰ আনন্দত মতলীয়া হৈ পৰিছে ৷

উত্তৰ গাৰো পাহাৰ জিলাৰ মাণিকগঞ্জ, জোংলা , ৰোম, দাৰাম, থাপাত বসবাস কৰা ৰাভা জনগোষ্ঠীৰ লোক সকলে ভোগালীৰ আনন্দত মতলীয়া হৈ পৰিছে ৷

উত্তৰ গাৰো পাহাৰ জিলাৰ মাণিকগঞ্জ, জোংলা , ৰোম, দাৰাম, থাপাত বসবাস কৰা ৰাভা জনগোষ্ঠীৰ লোক সকলে ভোগালীৰ আনন্দত মতলীয়া হৈ পৰিছে ৷

  • Share this:
অসমীয়াৰ পদূলি আহি পালে ভোগালী, অহাকালি উৰুকা ৷ উৰুকাৰ নিশা মেজি আৰু ভেলাঘৰৰ তলত লগেভাগে খাব এসাঁজ সকলোয়ে ৷ এই বিহুক লৈ ব্যাপক উচাহ ৰাজ্যবাসীৰ মাজত ৷ কেৱল অসমতে নহয়, ভৌগোলিক সীমা অতিক্ৰম কৰি  চুবুৰীয়া ৰাজ্য মেঘালয়তো এক উথপথপ পৰিৱেশৰ সৃষ্টি হৈছে এই বিহুকলৈয়ে ৷

ভোগালীক আদৰাৰ প্ৰস্তুতি প্ৰায় সম্পূৰ্ণ হৈ উঠিছে মেঘালয়ৰ উত্তৰ গাৰোপাহাৰ জিলাত ৷ মেঘালয়ৰ উত্তৰ গাৰো পাহাৰৰ মাণিকগঞ্জ হৰিনকাটাত ভোগালীৰ উচাহ ৷ দিনে নিশাই ভেলাঘৰ সজাত ব্যস্ত যুৱক-যুৱতী, পুৰুষ-মহিলা ৷ ভৌগোলিক ভাবে অসমৰ পৰা বিচিন্ন হ’লেও সাংস্কৃতিকভাৱে বিচ্ছিন্ন হ’ব পৰা নাই ৰাভা জনগোষ্ঠীও ভাই-ভনী সকলে ৷

সেয়ে বিহু বুলি কলে গাত তৎ নাইকিয়া হৈ পৰে মেঘালয়ত বসবাস ৰাভা জনগোষ্ঠীৰ লোক সকল ৷ অসমৰ দৰে মেঘালয়তো এতিয়া ভোগালীৰ পাৰ ভঙা উচাহ ৷ উত্তৰ গাৰো পাহাৰ জিলাৰ মাণিকগঞ্জৰ হৰিনকাটাত কছাৰী পাৰাত পৰম্পৰা ৰক্ষা কৰি পালন কৰি আহিছে হেঁপাহৰ ভোগালী বিহু ৷ ভেলাঘৰৰ বাকৰিত ভোগালীক আদৰাৰ লগতে ৰাভা জনগোষ্ঠীও মহিলা-যুৱতী সকলে কঁকাল ঘুৰাই নাছিলে বিহু, ৰাভা নৃত্য কৰাৰ লগতে গালে গানও ৷ মুঠৰ ওপৰত আনন্দৰ যেন সীমা নাই ৷ এক কথাত ক’ব পাৰি অসমতকৈ কোনো গুণে কম নহয় মেঘালয়ত ভোগালীৰ উচাহ ৷

অকল ভোগালীয়ে নহয়  অসমৰ প্ৰতিটো উৎসৱ এওঁলোকে পালন কৰে ৰঙালী, ভোগালী আৰু কঙালী সকলো উৎসৱে বৰ ধুমধামেৰে পালন কৰে মেঘালয়ত বসবাস কৰা ৰাভা জন গোষ্ঠীৰ লোক সকলে ৷ এই বেলি অট্টালিকাৰ আৰ্হিত দুই মহলীয়া ভেলাঘৰ সাজিছে ৰাভা যুৱক যুৱতী সকল ৷ সকলোয়ে এতিয়া বিহুকলৈ ব্যস্ত ৷ উত্তৰ গাৰো পাহাৰ জিলাৰ মাণিকগঞ্জ, জোংলা , ৰোম, দাৰাম, থাপাত বসবাস কৰা ৰাভা জনগোষ্ঠীৰ লোক সকলে ভোগালীৰ আনন্দত মতলীয়া হৈ পৰিছে ৷

ইয়াৰ পৰা এটা কথায়ে বুজা যায় যে, প্ৰতিগৰাকী অসমীয়াৰ শিৰাই শিৰাই বৈ আছে বিহু, কৃষ্টি, সংস্কৃতি ৷ দেশতে থাকক বা বিদেশতে থাকক, অসমতে থাকক বা মেঘালয়তে থাকক, অসমীয়া সদায় অসমীয়া হৈয়ে থাকিব ৷ বিহু বুলি ক’লেই বলিয়া প্ৰতিজন অসমীয়া ৷ বিহু বুলি ক’লেই ৰৈ থাকিব নোৱাৰা এক অনুভূতি ৷ বুজাব নোৱাৰা এক অনুভৱ ৷ এয়াইটো খাটি খোৱা অসমীয়াৰ বাপোতিসাহোন বিহু৷
First published:

শেহতীয়া বাতৰি