মধ্য প্ৰদেশৰ পৰীক্ষা কেলেংকাৰীত জড়িত দুজন অসমীয়া; চিবিআইৰ জালত ভাস্কৰ মেধি আৰু মনোজ বৰা 

News18 Assam | News18-Assam
Updated:February 17, 2021, 6:06 PM IST
মধ্য প্ৰদেশৰ পৰীক্ষা কেলেংকাৰীত জড়িত দুজন অসমীয়া; চিবিআইৰ জালত ভাস্কৰ মেধি আৰু মনোজ বৰা 
২০১৭চনৰ সমগ্ৰ দেশ জোঁকাৰি যোৱা মধ্য প্ৰদেশৰ পৰীক্ষা কেলেংকাৰীৰে জড়িত হৈ আছে দুজন অসমৰ যুৱক।

২০১৭চনৰ সমগ্ৰ দেশ জোঁকাৰি যোৱা মধ্য প্ৰদেশৰ পৰীক্ষা কেলেংকাৰীৰে জড়িত হৈ আছে দুজন অসমৰ যুৱক।

  • Share this:
২০১৭চনৰ সমগ্ৰ দেশ জোঁকাৰি যোৱা মধ্য প্ৰদেশৰ পৰীক্ষা কেলেংকাৰীৰে জড়িত হৈ আছে দুজন অসমৰ যুৱক। আজি তদন্তকাৰী সংস্থা Central Bureau of Investigation চমুকৈ চিবিআইয়ে দাখিল কৰা অতিৰিক্ত অভিযোগনামাত নাম অন্তৰ্ভুত্ক হৈছে দুজন অসমীয়া যুৱকৰ।

ভূপালৰ চিবিআই বিশেষ ন্যায়াধীশৰ আদালতত সংস্থাটোৱে দাখিল কৰা চার্জশ্বীটত অভিযুক্ত হিচাপে চিহ্নিত হৈছে মনোজ জ্যোতি বৰা আৰু ভাস্কৰ মেধিৰ নাম। অভিযুক্ত আন কেইজন হৈছে আশীষ মাছে, ৰাজেশ কুমাৰ, সন্দ্বীপ কুমাৰ, ধনী ৰাম, ৰাহুল কুমাৰ আৰু অনিশ কুমাৰ যাদৱ ।

২০১৭চনৰ এপ্ৰিল মাহত National Institute of Open School (NIOS)এ অনুষ্ঠিত কৰা দশম আৰু দ্বাদশ শ্ৰেণীৰ পৰীক্ষাত ব্যাপক কেলেংকাৰী সংঘটিত হৈছিল। মধ্য প্ৰদেশৰ চেহুৰ, ৰতলাম আৰু উমৰিয়াৰ পৰীক্ষা কেন্দ্রত উৰিষ্যা আৰু পঞ্জাৱৰ প্ৰায় ১৭০০ গৰাকী পৰীক্ষাৰ্থীয়ে পৰীক্ষা নিদিয়াকৈ মাৰ্কশ্বীট লাভ কৰিছিল। তাৰ কাৰণে প্ৰতিজনে ৫০,০০০ টকা আদায় দিছিল।

কেলেংকাৰীৰ কথা পোহৰলৈ অহাৰ পাছত চিবিআইক তদন্তৰ দায়িত্ব অৰ্পণ কৰে কেন্দ্ৰীয় চৰকাৰে। ২০১৮ চনৰ নৱেম্বৰত সংস্থাটোৰ ২০০জন বিষয়াৰে গঠিত ২৪টা দলে দেশৰ বিভিন্ন স্থানত অভিযান চলাইছিল। উল্লেখযোগ্য যে, চিবিআইৰ এটা দলে গুৱাহাটী আৰু লখিমপুৰতো অভিযান চলাইছিল।
Published by: Himangshu Bhuyan
First published: February 17, 2021, 6:06 PM IST
আৰু চাওক
পৰৱৰ্তী বাতৰি

শেহতীয়া বাতৰি