• Home
  • »
  • News
  • »
  • nation
  • »
  • LPG Insurance : গেছ চিলিণ্ডাৰৰ ফলত সংঘটিত দূৰ্ঘটনাৰ বাবে লাভ কৰিব ৫০ লাখ টকাৰ ক্ষতিপূৰণ ! জানক ক্ষতিপূৰণ দাবীৰ সমস্ত প্ৰক্ৰিয়া ....

LPG Insurance : গেছ চিলিণ্ডাৰৰ ফলত সংঘটিত দূৰ্ঘটনাৰ বাবে লাভ কৰিব ৫০ লাখ টকাৰ ক্ষতিপূৰণ ! জানক ক্ষতিপূৰণ দাবীৰ সমস্ত প্ৰক্ৰিয়া ....

এয়া কোনো ব্যক্তিগত গ্ৰাহকৰ নামত নহয়, প্ৰতিগৰাকী গ্ৰাহক এই আঁচনিত অন্তৰ্ভূক্ত।  ইয়াৰ বাবে তেওঁ কোনোধৰণৰ প্ৰিমিয়াম পৰিশোধ কৰিব নালাগে।

এয়া কোনো ব্যক্তিগত গ্ৰাহকৰ নামত নহয়, প্ৰতিগৰাকী গ্ৰাহক এই আঁচনিত অন্তৰ্ভূক্ত।  ইয়াৰ বাবে তেওঁ কোনোধৰণৰ প্ৰিমিয়াম পৰিশোধ কৰিব নালাগে।

এয়া কোনো ব্যক্তিগত গ্ৰাহকৰ নামত নহয়, প্ৰতিগৰাকী গ্ৰাহক এই আঁচনিত অন্তৰ্ভূক্ত।  ইয়াৰ বাবে তেওঁ কোনোধৰণৰ প্ৰিমিয়াম পৰিশোধ কৰিব নালাগে।

  • Share this:
আজিৰ এই সময়ত প্ৰায় প্ৰতিগৰাকী লোকৰ ঘৰতেই ব্যৱহাৰ কৰা হয় গেছ চিলিণ্ডাৰ । কিন্তু সকলোৱে ইয়াক অতি সাৱধানে ব্যৱহাৰ কৰে, কিয়নো গেছ চিলিণ্ডাৰক লৈ কৰা এটা সামান্য ভুলৰ বাবেই কোনো ডাঙৰ দূৰ্ঘটনা সংঘটিব হ'ব পাৰে ।

এনে পৰিস্থিতিত এলপিজি (LPG) ব্যৱহাৰ কৰোতে কেনে ধৰণৰ সাৱধানতা অৱলম্বন কৰা উচিত আৰু কোনো দূৰ্ঘটনা সংঘটিত হ'লে কি কৰা উচিত সেই সম্পৰ্কে সকলো জানি থোৱাটো অতি গুৰুত্বপূৰ্ণ । লগতে এলপিজি গেছ চিলিণ্ডাৰ বিস্ফোৰিত হ'লে বা গেছ লিক হোৱাৰ দৰে দূৰ্ঘটনা সংঘটিত হ'লে, এগৰাকী গ্ৰাহক  হিচাপে আপোনাৰ কি কি অধিকাৰ আছে সেই সম্পৰ্কেও জানি থোৱাটো অতি গুৰুত্বপূৰ্ণ ।

৫০ লাখ টকা পৰ্যন্ত বীমা -

এলপিজি অৰ্থাৎ ৰন্ধন গেছৰ সংযোগ লোৱাৰ সময়ত পেট্ৰ'লিয়াম কোম্পানীবোৰে গ্ৰাহকক ব্যক্তিগত দূৰ্ঘটনা আৱৰণ প্ৰদান কৰে । ৫০ লাখ টকা পৰ্যন্ত থকা এই বীমা হৈছে এক বিত্তীয় সহায়, যি এলপিজি চিলিণ্ডাৰৰ পৰা গেছ লিকেজ বা বিস্ফোৰণৰ ফলত সংঘটিত দূৰ্ঘটনাৰ বাবেই প্ৰদান কৰা হয় । এই বীমা প্ৰদানৰ বাবে পেট্ৰ'লিয়াম কোম্পানী আৰু বীমা কোম্পানীবোৰৰ মাজত বুজাপৰা থাকে ।

ডিলাৰে ডেলিভাৰীৰ পূৰ্বেই চিলিণ্ডাৰটো ঠিকে আছে নে নাই পৰীক্ষা কৰিব লাগে । লগতে গ্ৰাহকৰ ঘৰত এলপিজি চিলিণ্ডাৰৰ ফলত প্ৰাণ হানি আৰু সম্পত্তিৰ ক্ষতি হ'লে ব্যক্তিগত দূৰ্ঘটনা আৱৰণ পৰিশোধ কৰিব লাগে । যদিহে দূৰ্ঘটনাত গ্ৰাহকৰ সম্পত্তি/ঘৰ ক্ষতিগ্ৰস্ত হয় তেন্তে প্ৰতিটো দূৰ্ঘটনাত ২ লাখ টকালৈকে বীমা দাবী লাভ কৰিব পাৰে গ্ৰাহকে ।

গেছ চিলিণ্ডাৰত কেনেদৰে লাভ কৰিব ৫০ লাখ টকাৰ দাবী - 

দূৰ্ঘটনাৰ পিছত ধন দাবী কৰাৰ পদ্ধতি চৰকাৰী ৱেবছাইট MyLPG.in (http://mylpg.in) উল্লেখ কৰা হৈছে । ৱেবছাইটটোৰ মতে এলপিজি সংযোগ লোৱাৰ সময়ত লাভ কৰা চিলিণ্ডাৰৰ পৰা দূৰ্ঘটনা সংঘটিত হ'লে সেই ব্যক্তিগৰাকী ৫০ লাখ টকা পৰ্যন্ত বীমা দাবীৰ অধিকাৰী হৈ পৰিব ।

১. দূৰ্ঘটনাত সৰ্বাধিক ৫০ লাখ টকালৈকে ক্ষতিপূৰণ লাভ কৰিব পাৰি। দূৰ্ঘটনাত ভুগি থকা প্ৰতিগৰাকী ব্যক্তিক সৰ্বাধিক ১০ লাখ টকাৰ ক্ষতিপূৰণ পৰিশোধ কৰা হয় ।

২. LPG চিলিণ্ডাৰৰ বীমা আৱৰণ প্ৰাপ্ত কৰিবলৈ গ্ৰাহকে দূৰ্ঘটনা সংঘটিত হোৱাৰ খবৰ তৎক্ষণাৎ নিকটতম আৰক্ষী থানা আৰু তেওঁৰ LPG যোগান ধৰোতাক জনাব লাগিব।

৩. PSU তেল বিপণন কোম্পানী যেনে ইণ্ডিয়ান অইল, HP আৰু BPCৰ বিতৰকে ব্যক্তি আৰু সম্পত্তিৰ বাবে তৃতীয় পক্ষৰ বীমা আৱৰণসহ দূৰ্ঘটনাৰ বাবে বীমা আঁচনি ল'ব লাগে ।

৪. এয়া কোনো ব্যক্তিগত গ্ৰাহকৰ নামত নহয়, প্ৰতিগৰাকী গ্ৰাহক এই আঁচনিত অন্তৰ্ভূক্ত।  ইয়াৰ বাবে তেওঁ কোনোধৰণৰ প্ৰিমিয়াম পৰিশোধ কৰিব নালাগে।

৫. এজাহাৰৰ প্ৰতিলিপি, আঘাতপ্ৰাপ্তসকলৰ চিকিৎসাৰ প্ৰেছক্ৰিপচন, চিকিৎসা বিল আৰু মৰণোত্তৰ পৰীক্ষাৰ প্ৰতিবেদন, মৃত্যুৰ ক্ষেত্ৰত মৃত্যুৰ প্ৰমাণপত্ৰ ভালকৈ ৰাখিব লাগিব ।

এই ক্ষতিপূৰণ লাভৰ বাবে গেছ চিলিণ্ডাৰৰ পৰা দূৰ্ঘটনা সংঘটিত হ'লে প্ৰথমতেই আৰক্ষী থানাত ইয়াৰ ৰিপোৰ্ট দাখিল কৰিব লাগিব । ইয়াৰ পিছত সংশ্লিষ্ট এৰিয়া কাৰ্যালয়ে কি কাৰণত দূৰ্ঘটনাটো সংঘটিত হৈছে সেয়া পৰীক্ষা কৰিব । দূৰ্ঘটনাটো এলপিজিৰ ফলত সংঘটিত হোৱা বুলি চিনাক্ত হ'লে লপিজি বিতৰকে এজেঞ্চী/এৰিয়া কাৰ্যালয়ে বীমা কোম্পানীৰ স্থানীয় কাৰ্যালয়ক অৱগত কৰিব । ইয়াৰ পিছত সংশ্লিষ্ট বীমা কোম্পানীৰ ওচৰত ক্লেইম অৰ্থাত্ ফাইল কৰা হ'ব ।  এইক্ষেত্ৰত গ্ৰাহকে বীমা কোম্পানীৰ সৈতে পোনপটীয়াকৈ যোগাযোগ কৰাৰ প্ৰয়োজন নাই।

(https://hindi.news18.com/news/business/lpg-gas-cylinder-insurance-cover-upto-rupees-50-lakh-know-the-claim-process-and-other-details-samp-3594372.html)
Published by:Manjumoni Borah
First published: