ঝাৰখণ্ডত শোকাৱহ ঘটনা ! বিশ্বকৰ্মা বিসৰ্জনৰ সময়ত পানীত ডুব গৈ ৭ গৰাকী ছোৱালীৰ মৃত্য়ু...

ঝাৰখণ্ডৰ লাতেহাৰত (Latehar) এক শোকাৱহ দুৰ্ঘটনা সংঘটিত হৈছে। জিলাখনৰ বালুমাথত বিশ্বকৰ্মা বিসৰ্জনৰ (Karma Immersion) সময়ত পানীত ডুব যোৱাৰ ফলত ৭গৰাকী ছোৱালীৰ মৃত্যু হৈছে। ঘটনাটো বালুমাথ আৰক্ষী থানা অঞ্চলৰ শ্বেৰেগাড়া গাঁৱৰ মননদিহ টোলাত সংঘটিত হৈছে।

বাতৰি অনুসৰি, বিশ্বকৰ্মা বিসৰ্জনৰ সময়ত ৭ গৰাকী ছোৱালী ডুব গৈছে। মৃতকসকলৰ বয়স ১০ ৰ পৰা ২০ বছৰৰ ভিতৰত বুলি কোৱা হয়। ঘটনাটোৰ তথ্যৰ ভিত্তিত বালুমাথ আৰক্ষীয়ে ঘটনাস্থলীত উপস্থিত হৈছিল আৰু মৃতদেহবোৰ মৰণোত্তৰ পৰীক্ষাৰ বাবে প্ৰেৰণ কৰিছে। ঘটনাটোৱে গাওঁখনত শোকাকুল পৰিৱেশৰ সৃষ্টি কৰিছে।

বাতৰি অনুসৰি, মৃতকসকলৰ ভিতৰত ৩গৰাকী ভগ্নী আছিল। মননদিহ টোলা নিবাসী আকলু গাঞ্জুৰ কন্যা আছিল। নিহতসকলৰ ভিতৰত আছে ৰেখা কুমাৰী (১৮ বছৰ), লক্ষ্মী কুমাৰী (৮ বছৰ), ৰীনা কুমাৰী (১১ বছৰ), মীনা কুমাৰী (৮ বছৰ), পিঙ্কি কুমাৰী (১৫ বছৰ), সুষমা কুমাৰী (৭ বছৰ), সুনীতা কুমাৰী (১৭ বছৰ)। আটাইকেইজন শ্বেৰেগাড়া গাঁৱৰ মননদিহ টোলাৰ বাসিন্দা আছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।