চলি আছিল শেষকৃত্যৰ প্ৰস্তুতি, হঠাৎ ধহমহাই উঠি বহিল ‘মৃতা’ মহিলা, সুস্থ হৈ কাঢ়িলে খোজ

এই আজব কাণ্ড সংঘটিত গৈছে কৰ্ণাটকৰ বেলাগাভিৰ মুচাণ্ডি গাঁৱত। এগৰাকী ‘মৃতা’ অন্তিম শয়নত জী উঠাকৈ লৈ অঞ্চলটোত সৃষ্টি হৈছে উৎকণ্ঠা আৰু কৌতুহলৰ। মহিলাগৰাকীৰ নাম ইয়ালাপ্পা চৌগুলে। মহিলাৰ পৰিয়ালৰ এগৰাকী সদস্যৰ মতে, চিকিৎসকে মৃত ঘোষণা কৰিছিল মহিলাগৰাকীক। ইয়াৰ পিছতে মৃতদেহ হাস্পতালৰ পৰা ঘৰলৈ আনি শ্মশানলৈ নিয়াৰ প্ৰস্তুতি চলে, হঠাৎ চক খাই উঠি বহে ‘মৃতা’। খুব সহজভাবে সকলোৰে সৈতে কথা পাতিবলৈ আৰম্ভ কৰে।

ঘনে ঘনে জ্বৰত আক্ৰান্ত হৈছিল মালু। স্থানীয় এখন চৰকাৰী হাস্পতালত ভৰ্তি কৰোৱাৰ পিছত বুধবাৰে পিছবেলা মালুৰ পৰিয়ালৰ সদস্যসকলক হাস্পতালৰ ফালৰ পৰা মালুৰ মৃত্যুৰ কথা কোৱা হয়। মৃতদেহ ঘৰলৈ অনাৰ পিছত পৰিয়ালে শেষকৃত্যৰ আয়োজন কৰাৰ সময়তে মালুৱে উঠি বহাক লৈ চাঞ্চল্যৰ সৃষ্টি হৈছে।

হাস্পতাল কৰ্তৃপক্ষই অৱশ্যে জনায়, মালু ইয়ালাপ্পা চৌগুলক হাস্পতালৰ পৰা এৰি দিয়া হৈছিল পৰিয়ালৰ অনুৰোধত। হাস্পতালত ভৰ্তি থকা সময়ত মালুৰ মৃত্যু হোৱা নাছিল।