সাৱৰকাৰৰ পাছত গোপীনাথ বৰদলৈৰ নামেৰে নামাকৰণ হ’ব JNUৰ বিশেষ পথ

হিন্দুত্ব চিন্তাধাৰাৰ পৃষ্ঠপোষক বিনায়ক দামোদৰ সাৱৰকাৰৰ পাছত অসমৰ প্ৰথম মুখ্যমন্ত্ৰী  গোপীনাথ বৰদলৈৰ নামেৰে নামাংকিত হ’ব দিল্লীৰ জৱাহৰলাল নেহৰু বিশ্ববিদ্যালয়ৰ এটা বিশেষ পথ । বিশ্ববিদ্যালয়ৰ খনৰ পঞ্জীয়ক প্ৰমোদ কুমাৰৰ মতে, যোৱা বছৰৰ নৱেম্বৰ মাহত অনুষ্ঠিত হৈ যোৱা কাৰ্যবাহী পৰিষদৰ বৈঠকত এই সিদ্ধান্ত গ্ৰহণ কৰা হয় । তাৰ পূৰ্বে জুলাইৰ ২৪ তাৰিখে প্ৰফেছৰ ইউ চি কুলক্ষেত্ৰৰ অধ্যক্ষতাত অনুষ্ঠিত আন এখন কাৰ্যনিৰ্বাহকৰ বৈঠকত বিশ্ববিদ্যালয়ৰ চৌহদৰ ৰাস্তা সমূহ নামাকৰণ কৰিবলৈ ১৩ জন ব্যক্তিৰ নাম প্ৰস্তাৱ কৰা হৈছিল ।

নৱেম্বৰ মাহৰ বৈঠক খনত সেই নাম সমূহত অনুমোদন জনোৱা হৈছিল । সাৱৰকাৰ আৰু বৰদলৈৰ বাদে আন নাম সমূহ হৈছে দয়ানন্দ সৰস্বতী, ছত্ৰপতি শিৱাজী, মহাৰাণা প্ৰতাপ সিংহ, বাল গংগাধৰ তিলক, গুৰু ৰবিদাস, ৰাণী আব্বাকা, আব্দুল হামিড, মাহৰ্ষি বাল্মীকি, গাৰ্গী বচনকবি, বল্লভ ভাই পেটেল আৰু দ্বাৰা শিখহি ।

ইতিমধ্যেই সাৱৰকাৰৰ নামত জেএনইউত এটা পথৰ নামাকৰণ কৰা হৈছে। অৱশ্যে ইয়াকলৈ বিতৰ্কৰ সূত্ৰপাতো হৈছে । জৱাহৰলাল নেহৰু বিশ্ববিদ্যালয়ৰ ছাত্ৰ সংঘৰ সভানেত্ৰী আশীষ ঘোষৰ মতে এই পদক্ষেপ বিশ্ববিদ্যালয়ৰ legacyৰ কাৰণে লজ্জাজনক । আনহাতে অখিল ভাৰতীয় বিদ্যাৰ্থী পৰিষদে বিশ্ববিদ্যালয় কৰ্তৃপক্ষৰ এই পদক্ষেপক স্বাগতম জনাইছে । মঙলবাৰে নতুনকৈ লগোৱা সাৱৰকাৰৰ নাম ফলক খনত ৰং সানি দিয়াৰ ঘটনাও সংঘটিত হৈছে।