প্ৰাণৰক্ষা কৰা ভাৰতীয় জোৱানসকলক দেখি সন্ত্ৰাসবাদীয়ে ক’লে– মই সৈনিক হ’ব লাগিছিল

জম্মু–কাশ্মীৰত নিৰাপত্তাৰক্ষী আৰু সন্ত্ৰাসবাদীৰ মাজত সংঘৰ্ষ দিনক দিনে বৃদ্ধি হৈ গৈ আছে। এই সংঘৰ্ষত শনিবাৰে এটা সন্ত্ৰাসবাদীক সংগী এজনে গুলীচালনা কৰে। সন্ত্ৰাসবাদীটোক সেই স্থানতে এৰি তাৰ সংগী পলায়ন কৰে, কিন্তু পেট্ৰ’লিঙৰ মাজতে ভাৰতীয় জোৱানৰ চকুত পৰিল সন্ত্ৰাসবাদীটো। ভাৰতীয় সুৰক্ষাকৰ্মীয়ে সন্ত্ৰাসবাদীটোক ততালিকে হাস্পতাললৈ প্ৰেৰণ কৰে। ভাৰতীয় সুৰক্ষাকৰ্মীৰ এই উৎসাহ দেখি সন্ত্ৰাসবাদীটোৱে ক’লে– আপোনালোকৰ দৰে মই সৈনিক হ’ব লাগিছিল।

সন্ত্ৰাসবাদী আৰিফ হুছেইন বটে ক’লে যে তাক হিজবুল আৰু লস্কৰৰ সন্ত্ৰাসবাদীয়ে সেনাৰ ওপৰত আক্ৰমণ কৰাৰ প্লেন প্ৰস্তুত কৰিবলৈ মাতিছিল। আৰিফে ক’লে আলোচনা শেষ হোৱাৰ পিছত মই আৰু মোৰ বন্ধু আদিল আহমেদ দুয়ো কেম্পলৈ গতি কৰিছিলো, সেই সময়তে আন সন্ত্ৰাসবাদীয়ে আমাক ঘেৰাও কৰিছিল। সন্ত্ৰাসবাদীৰ সৈতে প্ৰথমে আদিলৰ মাৰপিট হৈছিল তাৰ পিছত সন্ত্ৰাসবাদীয়ে তাক গুলীচালনা কৰে।



আৰিফে যেতিয়া তেওঁলোকক ৰখাব বিচাৰিছিল সন্ত্ৰাসবাদীয়ে তাৰ ভৰিত গুলী মাৰি দিয়ে আৰু তাক সেইস্থানতে অসহায় অৱস্থাত পেলাই থৈ যায়। সেই সময়খিনিতে সেইফালেৰে পাৰ হৈ যোৱা সুৰক্ষাকৰ্মীৰ পেট্ৰ’লিং চকু আৰফিৰ ওপৰত পৰিল আৰু আৰিফক ততালিকে হাস্পতাললৈ প্ৰেৰণ কৰে।



আৰিফে ক’লে যে, সেনাই মোক প্ৰত্যক্ষ কৰি সাৱধানবাণী শুনাই ক’লে যে যদি লগত কোনো অস্ত্ৰ আছে তেন্তে তলত পেলাই দিয়া। আৰিফে ক’লে মোৰ গুলী লাগিছে, তেতিয়া সেনা বিষয়াএগৰাকীয়ে ক’লে আমি তোমাক মৰিবলৈ নিদিও আৰু হাস্পতাললৈ লৈ যাম। হাস্পতালত আৰিফে নিজৰ ভুল স্বীকাৰ কৰি ক’লে যে ‘মই ডাঙৰ ভুল কৰিলো, মই আপোনালোকৰ দৰে ইউনিফৰ্ম পিন্ধিব লাগিছিল। মই সুস্থ হৈ উঠিলেই আনকো বুজাম যে ভুল দিশে যোৱা লোকসকল যাতে সৎ দিশে গতি কৰে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।