India-Bangladesh Love Story: প্ৰেমে কোনো সীমা নামানে, কাঁইটীয়া তাঁৰৰ বেৰ পাৰ হৈ ভাৰত পালেহি বাংলাদেশৰ প্ৰমিকা

প্ৰেমৰ বহু অমৰ কাহিনীৰে ইতিহাসৰ পাত সমৃদ্ধ হৈ আছে। আৰু আজিও তেনে কিছুমান ঘটনা ঘটে যি প্ৰেমৰ মহিমাক নিজেই মণ্ডিত কৰি তোলে। এনে এক প্ৰেম কাহিনী (Love Story)ৰ পটভূমি ভাৰত-বাংলাদেশ।

প্ৰেমিকা বাংলাদেশ (Bangladesh)ৰ আৱছানা নুৰ ৷ প্ৰমিক কোচবিহাৰৰ তুফানগঞ্জৰ ৷ ছমাহ ধৰি  দুখন দেশৰ প্ৰমিক-প্ৰেমিকাৰ মাজত ছচিয়েল মিডিয়াত চলি আছিল প্ৰেম ৷ কিন্তু বাস্তৱত কোনেও কাকো লগ পোৱা নাই। বাধা হৈ থিয় দি আছে ভাৰত-বাংলাদেশ (India-Bangladesh)ৰ মাজত থকা কাঁইটীয়া তাঁৰৰ বিশাল বেৰ ৷ ইয়াৰ মাজতে বাংলাদেশৰ প্ৰমিকাক বিয়া দিবলৈ ওলাইছিল পিতৃ-মাতৃ ৷ সেয়ে একো উপায় নেদেখি প্ৰেমাস্পদৰ কাষলৈ সীমান্তৰ কাঁইটীয়া তাঁৰৰ বেৰ পাৰ হৈ সোমাল ভাৰতত ৷

ইয়াৰ পিছতে পিছতে পোহৰলৈ আহিল দুই দেশৰ প্ৰেমিক-প্ৰেমিকাৰ প্ৰেম কাহিনী ৷ অবৈধভাবে কাঁইটীয়া তাঁৰৰ বেৰ পাৰ হৈ ভাৰতত প্ৰবেশ কৰি আটক আৱছানা হ'ল সীমান্ত সুৰক্ষা বাহিনী (BSF)ৰ হাতত। বাংলাদেশ সীমান্তৰ দিঘলচাৰীত সীমা সুৰক্ষা বাহিনীৰ 129 নং বাহিনীয়ে বাংলাদেশী  প্ৰেমিকা আৱছানাক কৰায়ত্ব কৰে ৷  বাংলাদেশী প্ৰেমিকা আৱছানাৰ ঘৰ বাংলাদেশৰ বগুড়া জিলাত। সীমান্ত সুৰক্ষা বাহিনীয়ে আৱছানাক আটক কৰি সাহেৱগঞ্জ আৰক্ষীক গতাই দিয়ে । বংগ আৰক্ষীয়ে আজি ধৃত যুৱতী গৰাকীক  দিনহাটা মহকুমা স্বাস্থ্য কেন্দ্ৰত স্বাস্থ্য পৰীক্ষা কৰি দিনহাটা মহকুমা আদালতত হাজিৰ কৰায়। আদালতে যুৱতী গৰাকীক চৈধ্য দিনৰ বাবে জেল হাজোলৈ প্ৰেৰণ কৰে ।

উল্লেখ্য যে বংগৰ তুফানগঞ্জৰ এজন যুৱকৰ সৈতে বাংলাদেশী যুৱতীগৰাকীৰ ছমাহ  ধৰি ছচিয়েল মিডিয়াৰ (Social Media Love Story) জৰিয়তে প্ৰেম চলি আছিল । এই ঘটনাই ভাল উৎসুকতা দেখা দিয়ে তুফানগঞ্জ আদালত চৌহদত ৷ কিন্তু প্ৰেমিকৰ নোলাল ঠিকনা ৷ এতিয়ালৈ কিন্তু প্ৰেমিকে লগ নিদিলে বাংলাদেশী প্ৰেমিকাক ৷