বহিঃৰাজ্যত আৰক্ষীয়ে উলংগ কৰি প্ৰহাৰ কৰিলে অসমৰ যুৱতীক

News18-Assam
Updated:September 5, 2019, 7:16 PM IST
বহিঃৰাজ্যত আৰক্ষীয়ে উলংগ কৰি প্ৰহাৰ কৰিলে অসমৰ যুৱতীক
Source-Google

কেইজনমান পুলিচে যুৱতীগৰাকীক ৰুমৰ ভিতৰলৈ লৈ যায় আৰু গাৰ কাপোৰ খুলিবলৈ বাধ্য কৰায়। প্ৰহাৰ কৰে গোপন অংগত

  • Share this:
আকৌ এবাৰ বহিঃ ৰাজ্যত আক্ৰমণৰ বলি হ’ল অসমৰ যুৱতী। নতুন দিল্লীৰ সমীপৰ গুৰুগ্ৰামৰ এখন থানাত আৰক্ষীয়ে নাঙঠ কৰি প্ৰচণ্ড মাৰপিট মাৰপিট কৰে অসমৰ এগৰাকী যুৱতীক। আৰক্ষীয়ে ইচ্ছাকৃত ভাবে যুৱতীগৰাকীৰ গোপন অংগত গুৰুতৰ ভাবে প্ৰহাৰ কৰাত এতিয়া চিকিৎসালৰ বিচনাত জীৱন মৃত্যুৰে যুঁজীছে মহিলাগৰাকীয়ে।

ঘৰুৱা সহায়কাৰী হিচাপে গুৰুগ্ৰামত কৰ্মৰত যুৱতীগৰাকীৰ বিৰুদ্ধে ঘৰৰ মালিকে মঙলবাৰে চুৰিৰ অভিযোগ দাখিল কৰিছিল। কিন্তু যুৱতী গৰাকীয়ে এই অভিযোগ অস্বীকাৰ কৰাৰ পিছত আৰক্ষীৰ কাষ চাপে ঘৰৰ মালিক।

ঘৰৰ মালিকৰ অভিযোগৰ ভিত্তিত তদন্তকাৰী বিষয়া এ এছ আই মধুবালাই, যুৱতী গৰাকীক থানাত হাজিৰ হ’বলৈ নিৰ্দেশ দিয়ে। থানাত হাজিৰ হোৱাৰ পিছত কেইজনমান পুলিচে যুৱতীগৰাকীক ৰুমৰ ভিতৰলৈ লৈ যায় আৰু গাৰ কাপোৰ খুলিবলৈ বাধ্য কৰায়। সকলো কাপোৰ খুলি বেল্ট আৰু লাঠীৰে যুৱতীগৰাকীক নৃশংসভাৱে মাৰপিট কৰে। আৰক্ষীয়ে ইচ্ছাকৃত ভাবে মহিলাগৰাকীৰ গোপন অংগত প্ৰচণ্ডভাৱে প্ৰহাৰ কৰে বুলি অভিযোগ উত্থাপিত কৰিছে যুৱতীগৰাকীৰ স্বামীয়ে।

ঘটনা পোহৰলৈ অহাৰ পিছতে  দিল্লীবাসী অসমীয়াকে ধৰি উত্তৰ-পূবৰ প্ৰায় দুশ লোকে প্ৰতিবাদ সাব্যস্ত কৰি গুৰুগ্ৰামৰ আৰক্ষী আয়ুক্ত মহম্মদ অকিলৰ সন্মুখত ঘটনাৰ উচিত বিচাৰ বিচাৰে। উত্তৰ-পূববাসীৰ প্ৰতিবাদৰ পিছতে আৰক্ষী আয়ুক্তই অভিযুক্ত চাৰিজন আৰক্ষীকে ধৰি থানাখনৰ এছ এইচ অ’জনক শাস্তিমূলক ছুটীত পঠাই আৰু ঘটনাটোৰ সঠিক তদন্তৰ আশ্বাস দিছে।
First published: September 5, 2019, 7:11 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading