দেশৰ তিনিওটা সেনাবাহিনীত জানেনে কিমান আছে খালী পদ? পৰিসংখ্যাত উন্মোচিত হৈছে বৃহৎ তথ্য

দেশৰ তিনিওটা সশস্ত্ৰ বাহিনীত প্ৰায় ১ লাখ ৫০ হাজাৰ পদ খালী হৈ আছে। লোকসভাত লিখিত প্ৰশ্নৰ উত্তৰত এই মন্তব্য ৰাজ্যিক প্ৰতিৰক্ষা মন্ত্ৰী অজয় ভাটৰ। তিনিওটা বাহিনীৰ ভিতৰত আছে ভাৰতীয় সেনা, বায়ুসেনা আৰু ভাৰতীয় নৌসেনা।

অজয় ভাটে কয় যে ২০২২ চনৰ ১ জুলাইলৈকে ভাৰতীয় সেনাবাহিনীৰ খালী পদৰ সংখ্যা ১ লাখ ১৮ হাজাৰ ৪৮৫ টা। তিনিওটা বাহিনীৰ ভিতৰত সৰ্বাধিক পদ খালী হৈছে সেনাবাহিনীৰ। ৰাজ্যিক প্ৰতিৰক্ষা মন্ত্ৰীগৰাকীৰ তথ্য অনুসৰি যোৱা ২২ ছেপ্টেম্বৰলৈকে নৌসেনাৰ ১১ হাজাৰ ৫৮৭টা আৰু ভাৰতীয় বায়ুসেনাৰ ৫ হাজাৰ ৮১৯টা পদ খালী হৈ আছে। লগতে তেওঁ কয় যে ২০২২ চনত 'অগ্নিপথ' প্ৰকল্পৰ বাবে সেনাবাহিনীত ৪০ হাজাৰ, ভাৰতীয় নৌসেনাত ৩ হাজাৰ আৰু অগ্নিপথ প্ৰকল্পৰ বাবে বায়ুসেনাত ৩ হাজাৰ পদৰ বিজ্ঞাপন দিয়া হৈছে। কংগ্ৰেছৰ সাংসদ দীপক বাজীৰ প্ৰশ্নৰ উত্তৰত অজয় ভট্টে কয় যে এতিয়া সকলো নিযুক্তি প্ৰক্ৰিয়া চলি আছে।

তেওঁ আৰু কয় যে প্ৰতিৰক্ষাৰ ক্ষেত্ৰত বিষয়াৰ পদত মহিলাৰ হাৰ সেনাবাহিনীত ৩.৭ শতাংশ, সেনাবাহিনীৰ চিকিৎসা পদত ২১.২৫ শতাংশ, আৰু নাৰ্চিং সেৱাত ১০০ শতাংশ। চলিত বৰ্ষৰ ১ ডিচেম্বৰলৈকে নৌসেনাত মহিলাৰ হাৰ ৬ শতাংশ, আৰু বায়ুসেনাত ১৩.৬৯ শতাংশ। মহিলাৰ সংখ্যা ক্ৰমাগতভাৱে বৃদ্ধি পোৱাৰ বাবে প্ৰতিৰক্ষাৰ ক্ষেত্ৰত মহিলাৰ অনুপাত হ্ৰাস পোৱাৰ ওপৰত কোনো অধ্যয়ন কৰা হোৱা নাই।

২০২০ চনৰ ১৭ ফেব্ৰুৱাৰীত উচ্চতম ন্যায়ালয়ে কেন্দ্ৰৰ এই দাবী নাকচ কৰি সেনাবাহিনীৰ মহিলা বিষয়াসকলক স্থায়ী কমিচন দিয়া হ’ব বুলি ৰায় দিয়ে। আদালতে কয় যে মহিলাক স্থায়ী কমিচন নিদিয়াৰ বাবে লিংগ বৈষম্য হৈছে। আদালতে নিৰ্দেশ দিয়ে যে তিনি মাহৰ ভিতৰত শ্বৰ্ট চাৰ্ভিচ কমিছন থকা সকলো মহিলা বিষয়াক স্থায়ী কমিছনৰ বাবে বিবেচনা কৰা উচিত।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|