ৰাষ্ট্ৰপতি ৰূপে দ্ৰৌপদী মুৰ্মুয়ে দায়িত্ব গ্ৰহণ কৰাটো এক ঐতিহাসিক ক্ষণ: প্ৰধানমন্ত্ৰী মোডী

প্ৰধানমন্ত্ৰী নৰেন্দ্ৰ মোদীয়ে দ্ৰৌপদী মুৰ্মুক ভাৰতৰ ১৫ তম ৰাষ্ট্ৰপতি হিচাপে শপত গ্ৰহণ কৰাৰ বাবে অভিনন্দন জ্ঞাপন কৰি কয় যে তেওঁ দেশৰ সৰ্বোচ্চ সাংবিধানিক পদগ্ৰহণ কৰাটো ভাৰতৰ বাবে এক ঐতিহাসিক মুহূৰ্ত, বিশেষকৈ দৰিদ্ৰ, দুখীয়া আৰু দুৰ্বল শ্ৰেণীৰ লোকসকলৰ বাবে। টুইটযোগে প্ৰধানমন্ত্ৰী মোডীয়ে কয় যে শপত গ্ৰহণ কৰাৰ পিছত ৰাষ্ট্ৰপতি দ্ৰৌপদী মুৰ্মুৱে ভাৰতৰ সাফল্যৰ ওপৰত গুৰুত্ব আৰোপ কৰে আৰু আগবাঢ়ি যোৱাৰ পথৰ এক ভৱিষ্যতবাদী দৃষ্টিভংগী উপস্থাপন কৰে।

প্ৰধানমন্ত্ৰী মোডীয়ে লগতে কয় যে সমগ্ৰ দেশে আজি দ্ৰৌপদী মুৰ্মুক ভাৰতৰ ৰাষ্ট্ৰপতি হিচাপে শপত গ্ৰহণ কৰা দেখিছে। তেওঁৰ কাৰ্যভাৰ গ্ৰহণ ভাৰতৰ বাবে এক ঐতিহাসিক মুহূৰ্ত, বিশেষকৈ দৰিদ্ৰ, দুখীয়া আৰু দুৰ্বল শ্ৰেণীৰ লোকসকলৰ বাবে। মই তেওঁক এটা ফলপ্ৰসূ ৰাষ্ট্ৰপতিৰ কাৰ্যকালৰ বাবে শুভকামনা জনাইছো।

দ্ৰৌপদী মুৰ্মুৱে আশা আৰু সহানুভূতিৰ বাৰ্তা প্ৰেৰণ কৰে

প্ৰধানমন্ত্ৰীয়ে কয় যে শপত গ্ৰহণৰ পিছত তেওঁৰ ভাষণত দ্ৰৌপদী মুৰ্মুৱে আশা আৰু সহানুভূতিৰ বাৰ্তা প্ৰদান কৰিছে।  মোডীয়ে কয় যে তেওঁ ভাৰতৰ সাফল্যৰ ওপৰত গুৰুত্ব আৰোপ কৰে আৰু যি সময়ত ভাৰতে স্বাধীনতাৰ অমৃত মহোৎসৱ উদযাপন কৰি আছে, তেতিয়া তেওঁ আগবাঢ়ি যোৱাৰ পথত এক ভৱিষ্যতবাদী দৃষ্টিভংগী উপস্থাপন কৰে।

মুখ্য ন্যায়াধীশে পদৰ শপত গ্ৰহণ কৰায়

দ্ৰৌপদী মুৰ্মুৱে সোমবাৰে সংসদৰ কেন্দ্ৰীয় হলত দেশৰ ১৫ তম ৰাষ্ট্ৰপতি হিচাপে পদ আৰু গোপনীয়তাৰ শপত গ্ৰহণ কৰে। ভাৰতৰ মুখ্য ন্যায়াধীশ এন ভি ৰমনাই তেওঁক শপত গ্ৰহণ কৰায়। শপত গ্ৰহণ অনুষ্ঠানৰ পূৰ্বে সোমবাৰে পুৱা ৰাজঘাটত মহাত্মা গান্ধীৰ স্মাৰকত মুৰ্মুৱে পুষ্পাঞ্জলি জ্ঞাপন কৰে৷ শপত গ্ৰহণ অনুষ্ঠানলৈ ৰাওনা হোৱাৰ পূৰ্বে দ্ৰৌপদী মুৰ্মু ৰাষ্ট্ৰপতি ভৱনত উপস্থিত হয় য'ত তেওঁক বিদায়ী ৰাষ্ট্ৰপতি ৰামনাথ কোবিন্দে আদৰণি জনায়৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।