Himachal Cable Car: মাজ আকাশত ওলমি ৰ'ল কেবল কাৰৰ ট্ৰলী, আবদ্ধ ১১ যাত্ৰী

হিমাচল প্ৰদেশৰ জনপ্ৰিয় পাৰৱানু টিম্বাৰ ট্ৰেইলত সোমবাৰে কাৰিকৰী বিসংগতিৰ বাবে ১১ জন পৰ্যটক কঢ়িয়াই অনা কেবল কাৰখন আকাশৰ মাজত আবদ্ধ হৈ পৰে। অৱশ্যে আটাইকেইজন পৰ্যটকক নিৰাপদে উদ্ধাৰ কৰা হয়।

সোলান জিলাৰ আৰক্ষী অধীক্ষকৰ মতে, আৱদ্ধ হৈ থকা পৰ্যটকসকলক উদ্ধাৰৰ বাবে এখন কেবল কাৰ নিয়োগ কৰা হৈছিল, আনহাতে টিম্বাৰ ট্ৰেইল অপাৰেটৰৰ কাৰিকৰী দলটোও থিতাতে উপস্থিত আছিল। আৰক্ষীৰ এটা দলে পৰিস্থিতি নিৰীক্ষণ কৰি আছিল বুলি আৰক্ষী অধীক্ষকগৰাকীয়ে লগতে কয়।

“কেবল কাৰ ব্যৱস্থাৰ কাৰিকৰী বিজুতিৰ বাবে ডেৰ ঘণ্টা ধৰি কেবল কাৰ ট্ৰলীত আবদ্ধ হৈ আছিল দুগৰাকী জ্যেষ্ঠ নাগৰিক আৰু চাৰিগৰাকী মহিলাকে ধৰি এঘাৰজন লোক।’-  পাৰৱানুৰ ডি এছ পি প্ৰণৱ চৌহানে কয়।

#WATCH Cable car trolly with tourists stuck mid-air at Parwanoo Timber Trail, rescue operation underway; tourists safe#HimachalPradesh pic.twitter.com/mqcOqgRGjo

— ANI (@ANI) June 20, 2022

ইয়াৰ পূৰ্বে পৰ্যটকসকলৰ এটা ভিডিঅ’ মেছেজত দেখা গৈছিল যে কেবল কাৰখনৰ ভিতৰত আবদ্ধ হৈ থকা লোকসকলক আকাশৰ মাজত ওলমি থকাৰ সময়তে ৰাইজে সহায়ৰ বাবে আবেদন জনাইছিল। ভিডিঅ’টোত ৰাইজে দাবী কৰিছে যে কেবল গাড়ীখনত এঘণ্টাৰো অধিক সময় আবদ্ধ হৈ থকাৰ পিছতো তেওঁলোকক উদ্ধাৰ কৰা নাছিল।