এইবাৰ ফলৰ নাম সলনি কৰিলে বিজেপি চৰকাৰে, 'ড্ৰেগন ফ্ৰুট'ৰ নাম সলনি কৰি দিলে এইটো নাম

News18 Assam | News18-Assam
Updated:January 20, 2021, 12:48 PM IST
এইবাৰ ফলৰ নাম সলনি কৰিলে বিজেপি চৰকাৰে, 'ড্ৰেগন ফ্ৰুট'ৰ নাম সলনি কৰি দিলে এইটো নাম
মঙলবাৰে মুখ্যমন্ত্ৰীয়ে কয়, ৰাজ্য চৰকাৰে ড্ৰেগন ফ্ৰুটৰ নাম সলনি কৰাৰ সিদ্ধান্ত কৰিছে।

মঙলবাৰে মুখ্যমন্ত্ৰীয়ে কয়, ৰাজ্য চৰকাৰে ড্ৰেগন ফ্ৰুটৰ নাম সলনি কৰাৰ সিদ্ধান্ত কৰিছে।

  • Share this:
গুজৰাট চৰকাৰে ড্ৰেগন ফ্ৰুটৰ নাম সলনি কৰি ‘কমলম’ ৰাখিছে। গুজৰাটৰ মুখ্যমন্ত্ৰী বিজয় ৰূপাণীয়ে ইয়াৰ কাৰণ বাখ্যা কৰি কয় যে এই ফলৰ বাহিৰৰ আকৃতি পদু ফুলৰ দৰে সেইবাবে ইয়াৰ নাম সলনি কৰি কমলম কৰা হৈছে। বিগত কিছু বছৰত গুজৰাটৰ কচ্চৰ সমীপৰ অঞ্চলত কৃষকে ড্ৰেগন ফ্ৰটুৰ খেতি কৰি আহিছে।

মঙলবাৰে মুখ্যমন্ত্ৰীয়ে কয়, ৰাজ্য চৰকাৰে ড্ৰেগন ফ্ৰুটৰ নাম সলনি কৰাৰ সিদ্ধান্ত কৰিছে। কিয়নো এই ফলৰ বাহিৰৰ আকৃতি পদুমৰ দৰে, সেই ড্ৰেগন ফ্ৰুটৰ নাম এতিয়া কমলম ৰখা হৈছে। তেওঁ আৰু কয়, ‘আমি চীনৰ সৈতে সম্পৰ্ক থকা ড্ৰেগন ফ্ৰুটৰ নাম সলনি কৰিছো। কমলম এক সাংস্কৃতিক শব্দ আৰু ফলবিধৰ আকাৰ পদুমৰ হোৱা বাবে ইয়াৰ নাম কমলম ৰখাৰ সিদ্ধান্ত লোৱা হৈছে। ইয়াত কোনো ৰাজনীতি নাই।’



গুজৰাটৰ বি বিভাগে ভাৰতীয় কৃষি অনুসন্ধান পৰিষদক ড্ৰেগন ফলৰ নাম কমলম ৰখাৰ প্ৰস্তাৱ দিছিল। বিষয়াক কৃষকসকলে কৈছিল ফলবিধ পদুমৰ আকাৰৰ দৰে আৰু ইয়াৰ নাম কমলম হোৱা উচিত। কচ্চত প্ৰায় ১৫০ গৰাকী কৃষকে এই ফলৰ খেতি কৰে। কচ্চত ড্ৰেগন ফল ২৭৫ একৰ ভূমিত কৰা হয়।

ফলবিধক কমলম হিচাপে নামকৰণ কৰাত কংগ্ৰেছৰ মুখপাত্ৰ মনীষ দোশীয়ে কয় যে গুজৰাট চৰকাৰে নামকৰণত ব্যস্ত আছে। এই চৰকাৰে মানুহক হাৰাশাস্তি কৰিছে। এতিয়া গুজৰাট চৰকাৰৰ কোনো বিষয় নাই, সেই বাবে ফলৰ নামকৰণ কৰি আছে।
Published by: Sanjay Kumar Das
First published: January 20, 2021, 12:48 PM IST
আৰু চাওক
পৰৱৰ্তী বাতৰি

শেহতীয়া বাতৰি