‘ভেকচিন কেতিয়া আহে ঠিক নাই কিন্তু লেকাম ঢিলাই দিলে নহ’ব’, ৰাজ্যসমূহৰ সৈতে বৈঠক প্ৰধানমন্ত্ৰীৰ

নতুন দিল্লীঃ উৎসৱৰ বতৰ শেষ হোৱাৰ লগে লগে বিভিন্ন ঠাইত কোৰোণাৰ সংক্ৰমণ আৰম্ভ হৈছে। এই পৰিস্থিতিত আঠখন ৰাজ্যৰ মুখ্যমন্ত্ৰীৰ সৈতে বৈঠকত মিলিত হয় নৰেন্দ্ৰ মোদী। কোৰোণা বৃদ্ধিৰ কাৰণ হিচাপে অসুখ লুকুৱাৰ কথাকে দায়ী কৰিলে তেওঁ। তেওঁ মতে, ভেকচিন কেতিয়া আহে ঠিক নাই কিন্তু সেইবুলি আত্মসমৰ্পণ কৰিলে নচলিব। সতৰ্কতাৰ ক্ষেত্ৰত ঢিলাই দিলে কোনোমতে নচলিব। সংক্ৰমণ হ্ৰাস কৰিবলৈ চেষ্টা কৰিব লাগিব।

প্ৰধানমন্ত্ৰী নৰেন্দ্ৰ মোদীয়ে লগতে পৰিস্থিতিক আশ্বস্ত কৰি কয় যে, অন্য দেশৰ তুলনাত সুস্থতাৰ হাৰ বাঢ়িছে কিন্তু সতৰ্কতা থাকিব লাগিবই। "ভেকচিন কেতিয়া আহিব সেয়া বিজ্ঞানীসকলে ঠিক কৰিব। কিমান ভেকচিন লাগিব, কোনটো ড’জ কাৰ্যকৰী হ’ব তাক লৈও গৱেষণা চলি আছে। এইক্ষেত্ৰত ঢাপে ঢাপে আগবাঢ়িব লাগিব। আমি ভাৰতীয় উৎপাদক, আন্তঃৰাষ্ট্ৰীয় নিয়ামক সংস্থা, আন্তঃৰাষ্ট্ৰীয় গৱেষণা সংস্থাৰ সৈতে যোগাযোগ কৰিছো।"

তেওঁ লগতে কয়, ভেকচিন আহিলেই নহয়, সকলোৱে যেন পায় তালৈ চকু দিব লাগিব। প্ৰধানমন্ত্ৰীৰ মতে, ইমান ডাঙৰ টিকাকৰণ অভিযান দীঘলীয়া সময় চলিব গতিকে বিবাদ পাহৰি দলগত ভাৱে একেলগে কাম নকৰিলে টিকাকৰণ অভিযান সফল নহয়। তাৰ মাজতে তেওঁ কয় যে, ভাৰতে যি ভেকচিন দিব সেয়া সমগ্ৰ বৈজ্ঞানিক পৰীক্ষা–নিৰীক্ষাৰ পিছত সিদ্ধান্ত লৈহে দিব।

Interaction with Chief Ministers on COVID-19. https://t.co/lw3b6vQwRc

— Narendra Modi (@narendramodi) November 24, 2020

ৰাজ্য-কেন্দ্রই যৌথভাবে কাজ কৰিব লাগিব ভেকচিন দিয়াৰ ক্ষেত্ৰত, এই নিদান দি তেওঁ কয়,"ৰাজ্যসমূহৰ সৈতে কথা পতা হৈছে। ক’ত ক’ল্ড ষ্টৰেজৰ দৰকাৰ, কিভাৱে সৰবৰাহ কৰা হ’ব সেই প্ৰসংগত ৰাজ্যসমূহৰ সৈতে কথা পতা হৈছে। ভেকচিনৰ কাৰণে ৰাজ্যস্তৰত ষ্টিয়াৰিং কমিটিৰ কথা কোৱা হৈছে। ব্লক লেভেলত টাস্ক ফ’ৰ্চ গঢ়িব লাগিব ভেকচিন প্ৰদান কৰিবলৈ। এই ক্ষেত্ৰত মনিটৰিং, অনলাইন ট্ৰেনিঙৰ কাৰণে একনিষ্ঠ পেছাদাৰী লাগিব।"

উল্লেখ্য যে, অসমৰ মুখ্যমন্ত্ৰী সৰ্বানন্দ সোণোৱালে প্ৰধানমন্ত্ৰী নৰেন্দ্ৰ মোদীৰ সৈতে এই ভিডিঅ' কনফাৰেন্সত কেন্দ্ৰীয় গৃহমন্ত্ৰী অমিত শ্বাহ আৰু ৰাজ্যসমূহৰ মুখ্যমন্ত্ৰীসকলৰ সৈতে অংশগ্ৰহণ কৰে।