প্ৰধানমন্ত্ৰীৰ সন্দৰ্ভত অশ্লীল মন্তব্য, চাকৰি হেৰুৱালে Go Airৰ পাইলটে

নিজৰ ছচিয়েল মিডিয়া একাউণ্টৰ পৰা প্ৰধানমন্ত্ৰী নৰেন্দ্ৰ মোদীৰ সন্দৰ্ভত বিতৰ্কিত মন্তব্য কৰি চাকৰি হেৰুৱালে পাইলটে। পাইলট জনৰ নাম মিকি মালিক।

Go Airৰ পাইলট মিকি মালিকে ছচিয়েল মিডিয়াত প্ৰধানমন্ত্ৰীৰ সন্দৰ্ভত আপত্তিজনক মন্তব্য কৰে। লগে লগে বিষয়টোৱে ব্যাপক চৰ্চা লাভ কৰে। পাইলট জনে ছচিয়েল মিডিয়াৰ একাউণ্টৰ পৰা পোষ্ট ডিলিট কৰিও নাপালে ৰেহাই। মিকি মালিকক চাকৰিৰ পৰা অপসাৰণ কৰিলে Go Air কৰ্তৃপক্ষই।

ঘটনাটো সংঘটিত হৈছিল বৃহস্পতিবাৰে। মিকি মালিকে নিজৰ টুইটাৰ একাউণ্টত লিখিছিল যে, ‘প্ৰধানমন্ত্ৰী ইডিয়ট। আপুনিও মোক ক’ব পাৰে ইডিয়ট। কোনো কথা নাই, মইটো প্ৰধানমন্ত্ৰী নহয়। কিন্তু প্ৰধানমন্ত্ৰী ইডিয়ট।’

পোষ্ট শ্বেয়াৰ হোৱাৰ পিছতে আৰম্ভ হয় বিতৰ্ক। কিন্তু পিছত নিজৰ ভুল স্বীকাৰ কৰি প্ৰধানমন্ত্ৰীৰ ওচৰত ক্ষমা খোজে মিকি মালিকে।