• Home
  • »
  • News
  • »
  • nation
  • »
  • উৰণৰ সময়ত নিজৰ আসনত বাগৰি পৰা এজন সেনা জোৱানৰ ত্ৰাণকৰ্তাৰ ৰূপত থিয় দিলে গীতাই

উৰণৰ সময়ত নিজৰ আসনত বাগৰি পৰা এজন সেনা জোৱানৰ ত্ৰাণকৰ্তাৰ ৰূপত থিয় দিলে গীতাই

গীতা হৈছে ২০২০ চনৰ ৰাষ্ট্ৰীয় ফ্লৰেন্স নাইটিংগেল বঁটা বিজয়ী এগৰাকী নাৰ্চ

গীতা হৈছে ২০২০ চনৰ ৰাষ্ট্ৰীয় ফ্লৰেন্স নাইটিংগেল বঁটা বিজয়ী এগৰাকী নাৰ্চ

গীতা হৈছে ২০২০ চনৰ ৰাষ্ট্ৰীয় ফ্লৰেন্স নাইটিংগেল বঁটা বিজয়ী এগৰাকী নাৰ্চ

  • Share this:
কেৰালাৰ কোজিকোডৰ এগৰাকী নাৰ্চ এজন সেনা জোৱানৰ বাবে ত্ৰাণকৰ্তা হিচাপে পৰিগণিত হৈছে। উৰাজাহাজত থকা সময়ত সেনা জোৱানজন যেতিয়া নিজৰ আসনত বাগৰি পৰিছিল তেতিয়া নাৰ্চে সৈনিকজনক প্ৰাণ ৰক্ষা কৰাত সহায় কৰিছিল। ঘটনাটো দেওবাৰে কোজিকোড-নতুন দিল্লীৰ বিমানৰ সময়ত সংঘটিত হৈছিল। জানিব পৰা মতে, পি গীতা নামৰ নাৰ্চে ৰাষ্ট্ৰপতি ভৱনত সম্বৰ্ধনা অনুষ্ঠানত অংশ ল'বলৈ নতুন দিল্লীলৈ গৈ আছিল।

জানিব পৰা মতে, উৰণৰ সময়ত বিমানৰ কৰ্মচাৰীসকলে জৰুৰীকালীন পৰিস্থিতি ঘোষণা কৰিছিল আৰু নিজৰ আসনত বাগৰি পৰা এজন সৈনিকক সহায় কৰিবলৈ বিমানখনত থকা যিকোনো চিকিৎসক বা নাৰ্চক মাতিছিল। টাইমছ অৱ ইণ্ডিয়াৰ এক প্ৰতিবেদন অনুসৰি ৩২ বছৰীয়া সুমন বি বুলি চিনাক্ত কৰা জোৱানজনে নিজৰ জ্ঞান হেৰুৱাইছিল আৰু তেওঁৰ কোনো স্পন্দন আৰু বিপি নাছিল। কোনো সময় নষ্ট নকৰাকৈ নাৰ্চ গীতাই সৈনিকজনক সহায় কৰিবলৈ আৰু বিমানত জৰুৰীকালীন চিকিৎসাৰ সৈতে তেওঁক চিপিআৰ প্ৰদান কৰিবলৈ আগবাঢ়ি আহিছিল আৰু এনেদৰে সৈনিকজনে এটা নতুন জীৱন লাভ কৰিছিল। সুমনে তেওঁৰ কৰ্তব্যত যোগদান কৰিবলৈ দিল্লীলৈ যাত্ৰা কৰি আছিল।

নাৰ্চ গীতাই দেশৰ এক আগশাৰীৰ সংবাদ মাধ্যমক এইদৰে কয় যে, "মই চিপিআৰ আৰম্ভ কৰিছিলো কিয়নো ৰোগীৰ কোনো বিপি আৰু স্পন্দন নাছিল। আমি তেওঁক তৰল আৰু ঔষধও প্ৰদান কৰিছিলো আৰু তেওঁ সুস্থ নোহোৱালৈকে তেওঁৰ অৱস্থা নিৰন্তৰ নিৰীক্ষণ কৰিছিলো। আমি বিমানত থকা বাবে মই অলপ টেনচনত পৰিছিলো কিন্তু তেওঁৰ জীৱন বচাবলৈ পাই সুখী হৈছিলো।"

বিশ্ব স্বাস্থ্য সংস্থাৰ হৈ কাম কৰা ড০ মহম্মদ আশ্বিল নামৰ এজন যাত্ৰীয়ে এটা ফেচবুক পোষ্টত ঘটনাটোৰ কথা উল্লেখ কৰিছে। আশ্বিলৰ মতে, যেতিয়া তেওঁ জাহাজত ঘোষণাটোৰ প্ৰতি সঁহাৰি জনাইছিল, এগৰাকী মহিলাই ৰোগীক চিপিআৰ দি আছিল। পিছত, ৰোগীজনক জৰুৰীকালীন চিকিৎসকে বিমানখনৰ পিছফালে স্থানান্তৰিত কৰে।

উল্লেখযোগ্য যে, ২০২০ চনৰ ৰাষ্ট্ৰীয় ফ্লৰেন্স নাইটিংগেল বঁটা বিজয়ী গীতাই তেওঁৰ কাৰ্যৰ জৰিয়তে আকৌ এবাৰ প্ৰমাণ কৰিলে যে তেওঁ প্ৰশংসাৰ যোগ্য।
Published by:Sehnaz Begum
First published:

শেহতীয়া বাতৰি