হস্তীৰো পিচলে পাৱ, চৰকাৰী বিভাগত পদবী দিয়াৰ টোপ দি উচ্চ ন্যায়ালয়ৰ ন্যায়াধীশৰ পৰা ৮ কোটি টকা সৰকালে ভুৱা জ্যোতিষীয়ে

News18 Assam | News18-Assam
Updated:January 13, 2021, 3:32 PM IST
হস্তীৰো পিচলে পাৱ, চৰকাৰী বিভাগত পদবী দিয়াৰ টোপ দি উচ্চ ন্যায়ালয়ৰ ন্যায়াধীশৰ পৰা ৮ কোটি টকা সৰকালে ভুৱা জ্যোতিষীয়ে
অপৰাধ শাখাৰ যুটীয়া আয়ুক্ত সন্দ্বীপ পাতিলে সংবাদ মাধ্যমত জনোৱা মতে ইন্দ্ৰকলাৰ অভিযোগৰ ভিত্তিত এখন FIR ৰুজু কৰি এতিয়া জে’ল হাজোতত ভৰোৱা হৈছে জ্যোতিষীজনক।

অপৰাধ শাখাৰ যুটীয়া আয়ুক্ত সন্দ্বীপ পাতিলে সংবাদ মাধ্যমত জনোৱা মতে ইন্দ্ৰকলাৰ অভিযোগৰ ভিত্তিত এখন FIR ৰুজু কৰি এতিয়া জে’ল হাজোতত ভৰোৱা হৈছে জ্যোতিষীজনক।

  • Share this:
এজন স্বয়ম্ভু জ্যোতিষীয়ে চৰকাৰী বিভাগত উচ্চ পদবী দিয়াৰ প্ৰতিশ্ৰুতি প্ৰদান কৰি এগৰাকী উচ্চ ন্যায়ালয়ৰ অৱসৰপ্ৰাপ্ত ন্যায়ধীশৰ পৰা সৰকালে ৮ কোটি টকা। ঘটনাটো ঘটিল কৰ্ণাটকৰ ৰাজধানী চহৰ বেংগালুৰুত। কৰ্ণাটক আৰক্ষীয়ে ইতিমধ্যে গ্ৰেপ্তাৰ কৰিছে জ্যোতিষীজনক।

৫২ বছৰীয়া যুৱৰাজ ৰামাদাস নামৰ ভুৱা জ্যোতিষীজনৰ বিৰুদ্ধে পূৰ্বেও এনেধৰণে ঠগ-প্ৰৱঞ্চনা কৰাৰ অভিযোগ আছে বুলি আৰক্ষীয়ে জানিবলৈ দিছে। ২০১৮ চনৰ জুন মাহৰ পৰা ২০১৯ চনৰ নৱেম্বৰ মাহলৈ ৰামাদাসে ইন্দ্ৰকলা বি এছ নামৰ কৰ্ণাটক উচ্চ ন্যায়ালয়ৰ অৱসৰপ্ৰাপ্ত ৬৮ বছৰীয়া ন্যায়াধীশগৰাকীৰ পৰা চৰকাৰী বিভাগত উচ্চ পদবী দিয়াৰ লোভ দি সৰকালে ৮.২৭ কোটি টকা। পিছত অৱসৰপ্ৰাপ্ত ন্যায়াধীশগৰাকীৰ অভিযোগৰ ভিত্তিত আৰক্ষীয়ে যোৱা মাহত গ্ৰেপ্তাৰ কৰে প্ৰবঞ্চকজনক।

অপৰাধ শাখাৰ যুটীয়া আয়ুক্ত সন্দ্বীপ পাতিলে সংবাদ মাধ্যমত জনোৱা মতে ইন্দ্ৰকলাৰ অভিযোগৰ ভিত্তিত এখন FIR ৰুজু কৰি এতিয়া জে’ল হাজোতত ভৰোৱা হৈছে জ্যোতিষীজনক। তেওঁ অৱসৰপ্ৰাপ্ত ন্যায়াধীশগৰাকীক চৰকাৰী যন্ত্ৰত প্রভাৱশালী ব্যক্তিৰে পৰিচিত বুলি কৈ তেওঁৰ যোগেদি মোটা ধনৰ বিনিময়ত উচ্চ পৰ্যায়ৰ চৰকাৰী পদবী দিয়াৰ প্ৰলোভন দিছিল।

আৰক্ষীয়ে অভিযুক্ত জ্যোতিষীজনৰ ঘৰৰ পৰা ২৬ লাখ টকা আৰু ৯১ কোটি টকাৰ এখন চেক জব্দ কৰিছে। উল্লেখযোগ্য ২০২০ চনৰ জুন মাহত তেওঁ মুম্বাইৰ ব্যৱসায় এজন পৰা ১০কোটি সৰকোৱাৰ এটা গোচৰত anticipatory bail লাভ কৰিছিল।

নিজৰ অভিযোগ পত্ৰত অৱসৰপ্ৰাপ্ত ন্যায়ধীশ গৰাকীয়ে জনোৱা মতে ২০২০জনৰ পৰা তেওঁৰে পৰিচিত এজন আৰক্ষী অধীক্ষকে অভিযুক্ত লোক জনক ২০১৭চনত তেওঁৰ লগত পৰিচয় কৰাই দিছিল । ভণ্ড জ্যোতিষীয়ে মহিলা ন্যায়ধীশ গৰাকীয়ে চৰকাৰী যন্ত্ৰত উচ্চ পদস্থ পদবী পোৱাৰ ভৱিষ্যত বাণী কৰিছিল আৰু দিল্লীৰ শীৰ্ষ পৰ্যায়ৰ নেতাৰে তেওঁৰ সুসম্পৰ্ক আছে বুলি দাবী কৰিছিল । একাংশ নেতাৰ সৈতে উঠা ফটোও প্ৰমাণ হিচাপে ন্যায়ধীশ গৰাকীক দেখুৱাইছিল । ভণ্ড বাবাই সেই লোকৰ যোগেদি কাম সিদ্ধি কৰাৰ প্ৰতিশ্ৰুতি দিয়াত ন্যায়ধীশ গৰাকীয় পতিয়ন যায় আৰু শীৰ্ষ পদৰ লোভত মোটা অংকৰ ধন আদায় দিয়ে ।
Published by: Sanjay Kumar Das
First published: January 13, 2021, 3:32 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading