• Home
  • »
  • News
  • »
  • nation
  • »
  • পঞ্জাৱৰ প্ৰাক্তন মন্ত্ৰী সুন্দৰ শ্যাম অৰোৰাক গ্ৰেপ্তাৰ, ভিজিলেন্স বিষয়াক এক কোটি টকাৰ উৎকোচ দিয়াৰ অভিযোগ

পঞ্জাৱৰ প্ৰাক্তন মন্ত্ৰী সুন্দৰ শ্যাম অৰোৰাক গ্ৰেপ্তাৰ, ভিজিলেন্স বিষয়াক এক কোটি টকাৰ উৎকোচ দিয়াৰ অভিযোগ

ভিজিলেন্স বিষয়াক এক কোটি টকাৰ উৎকোচ দিয়াৰ অভিযোগত পঞ্জাৱৰ প্ৰাক্তন মন্ত্ৰী সুন্দৰ শ্যাম অৰোৰাক গ্ৰেপ্তাৰ

ভিজিলেন্স বিষয়াক এক কোটি টকাৰ উৎকোচ দিয়াৰ অভিযোগত পঞ্জাৱৰ প্ৰাক্তন মন্ত্ৰী সুন্দৰ শ্যাম অৰোৰাক গ্ৰেপ্তাৰ

প্ৰাক্তন মন্ত্ৰী এছ এছ অৰোৰাই উৎকোচ দি থকা অৱস্থাত হাতে-লোটে ধৰা পেলাই ভিজিলেন্সৰ দলে

  • Share this:
পঞ্জাৱৰ প্ৰাক্তন মন্ত্ৰী সুন্দৰ শ্যাম অৰোৰাই এ আই জি মনমোহন কুমাৰক ৫০ লাখ টকা উৎকোচ দিয়াৰ অভিযোগত ভিজিলেন্স ব্যুৰোৱে গ্ৰেপ্তাৰ কৰিছে। ভিজিলেন্সৰ তদন্ত সন্দৰ্ভত তেওঁৰ বিৰুদ্ধে এই ব্যৱস্থা গ্ৰহণ কৰা হৈছে। পঞ্জাৱৰ ভিজিলেন্স ব্যুৰোৱে জনোৱা মতে, প্ৰাক্তন মন্ত্ৰীগৰাকীৰ বিৰুদ্ধে দুৰ্নীতি প্ৰতিৰোধ আইনৰ অধীনত এফ আই আৰ ৰুজু কৰা হৈছে আৰু অভিযুক্তৰ পৰা ৫০ লাখ টকা উৎকোচ ধন উদ্ধাৰ কৰা হৈছে। ভিজিলেন্স ব্যুৰো পঞ্জাৱৰ মুখ্য সঞ্চালক ভি কুমাৰে এক মিডিয়া ব্রিফিঙত কয় যে, “আমাৰ দলটোৱে সুন্দৰ শ্যাম অৰোৰাক উৎকোচ দি থকাৰ সময়ত হাতে-লোটে ধৰি ৮ নং ধাৰা (দুর্নীতি প্ৰতিৰোধ আইন)ৰ অধীনত গ্ৰেপ্তাৰ কৰে; লগতে উদ্ধাৰ কৰা হৈছে ৫০ লাখ টকাৰ উৎকোচৰ ধনৰাশি। আমি আজি অভিযুক্ত প্ৰাক্তন মন্ত্ৰীজনক আদালতত হাজিৰ কৰিম আৰু জেৰাৰ বাবে ৰিমাণ্ড বিচাৰিম।"

ভিজিলেন্স ব্যুৰোৰ মুখ্য সঞ্চালক বৰিন্দৰ কুমাৰে জনোৱা মতে, অসমতাপূৰ্ণ সম্পত্তিৰ গোচৰত তদন্তৰ সন্মুখীন হৈ থকা প্ৰাক্তন মন্ত্ৰী এছ এছ অৰোৰাই যোৱা ১৪ অক্টোবৰত তেওঁক সাক্ষাৎ কৰি তেওঁৰ বিৰুদ্ধে পঞ্জীয়ন কৰা ভিজিলেন্স তদন্তত অনুকূলতা বিচাৰি এ আই জি মনমোহন কুমাৰক উৎকোচ দিয়া বুলি অভিযোগ কৰে। পিছদিনা অৰ্থাৎ ১৫ অক্টোবৰত ৫০ লাখ টকা দিয়াৰ লগতে বাকী থকা ধনৰাশি পৰৱৰ্তী সময়ত দিয়াৰ প্ৰস্তাৱ দিছিল প্ৰাক্তন মন্ত্ৰীগৰাকীয়ে। ৫০ লাখ টকাৰ অগ্ৰিম ধন লৈ তেওঁ আহি মোহালীত উপস্থিত হয়।

অৰোৰাক জিৰাকপুৰৰ কাছমো মলৰ পৰা গ্ৰেপ্তাৰ কৰা হয়। গ্ৰেপ্তাৰৰ পিছতে শনিবাৰে নিশা প্ৰায় ১১ বজাত ভিজিলেন্সৰ এটা দলে তেওঁৰ হোছিয়াৰপুৰৰ ঘৰত উপস্থিত হৈ ২:৩০ ঘণ্টা তালাচী অভিযান চলায়। পঞ্জাৱৰ পূৰ্বৰ কংগ্ৰেছ চৰকাৰৰ মন্ত্ৰী সাধু সিং ধৰ্মসত, ভাৰত ভূষণ আশ্বুকে ধৰি কেইবাজনো নেতাক দুৰ্নীতিৰ অভিযোগত গ্ৰেপ্তাৰ কৰা হৈছে। বহু প্ৰাক্তন মন্ত্ৰী ভিজিলেন্সৰ ৰাডাৰত আছে বুলি প্ৰকাশ কৰিছে। কিছুদিন পূৰ্বে পঞ্জাৱৰ প্ৰাক্তন মুখ্যমন্ত্ৰী কেপ্তেইন অমৰিন্দৰ সিঙৰ সৈতে সুন্দৰ শ্যাম অৰোৰাই বিজেপিত যোগদান কৰিছিল। কেপ্তেইনে নিজৰ দল পঞ্জাৱ লোক কংগ্ৰেছক বিজেপিৰ সৈতে একত্ৰিত কৰে।


প্ৰাক্তন মন্ত্ৰী এছ এছ অৰোৰাই উৎকোচ দি থকা অৱস্থাত হাতে-লোটে ধৰা পেলাই ভিজিলেন্সৰ দলে

আচলতে, মনমোহন কুমাৰ হাৰিয়ানাৰ হোছিয়াৰপুৰ চহৰৰ বাসিন্দা। তেওঁৰ সৰু ভাতৃও পঞ্জাৱ আৰক্ষীৰ উপ-আৰক্ষী অধীক্ষক। যিহেতু মনমোহন কুমাৰ এজন স্থানীয় লোক, সেয়েহে এছ এছ অৰোৰা তেওঁৰ লগত সুপৰিচিত। এই কাৰণতে প্ৰাক্তন মন্ত্ৰীগৰাকীয়ে মনমোহনৰ সৈতে যোগাযোগ কৰে। অৰোৰাই ১৪ অক্টোবৰত চণ্ডীগড়ত মনমোহন কুমাৰক সাক্ষাৎ কৰি আলোচনাত মিলিত হয়। সেই সময়তে তেওঁ এটা অসমতাপূৰ্ণ গোচৰত, উক্ত গোচৰটো বন্ধ কৰিবলৈ ১ কোটি টকাৰ উৎকোচৰ প্ৰস্তাৱ আগবঢ়ায়। কাম শেষ হোৱাৰ পিছত পঞ্চাশ লাখ টকা আৰু আগতীয়াকৈ পঞ্চাশ লাখ টকা দিয়াৰ কথা চৰ্চা হৈছিল।

এছ এছ অৰোৰা যোৱাৰ পিছত মনমোহন কুমাৰে সকলো তথ্য মুখ্য ভিজিলেন্স বিষয়াক প্ৰদান কৰে। ইয়াৰ পিছত লিখিত অভিযোগ দাখিল কৰে। তাৰ পিছত পৰিকল্পনা অনুসৰি শনিবাৰে সুন্দৰ শ্যাম অৰোৰাক জিৰকপুৰলৈ মাতি অনা হয়। শনিবাৰে সন্ধিয়া এ আই জি মনমোহন কুমাৰক ফোন কৰি এছ এছ আৰোৰাই কয় যে মই উৎকোচৰ টকা লৈ আহিছো। ডিজিপি অজয় কপিলাই এটা দল গঠন কৰি ব্যৱস্থা গ্ৰহণ কৰে। সমগ্ৰ কমাণ্ডটো স্বয়ং মনমোহন কুমাৰে নিজৰ হাতত লৈছিল আৰু অৰোৰাই ৫০ লাখ উৎকোচ দিয়াৰ লগে লগে ভিজিলেন্সৰ দলটোৱে তেওঁক গ্ৰেপ্তাৰ কৰে।
Published by:Subham Goswami
First published:

শেহতীয়া বাতৰি