• Home
  • »
  • News
  • »
  • nation
  • »
  • পৰৱৰ্তী চীফ অফ ডিফেন্স ষ্টাফ কোন হ'ব? নৰেন্দ্ৰ মোদীৰ নিৰাপত্তা বিষয়ক কেবিনেট বৈঠকত আলোচনা

পৰৱৰ্তী চীফ অফ ডিফেন্স ষ্টাফ কোন হ'ব? নৰেন্দ্ৰ মোদীৰ নিৰাপত্তা বিষয়ক কেবিনেট বৈঠকত আলোচনা

সূত্ৰ অনুসৰি, বৈঠকত বিপিন ৰাৱাটৰ ঠাইত নতুন চিডিএছৰ নাম আলোচনা কৰা হয়। জ্যেষ্ঠতা অনুসৰি জেনেৰেল এমএম নাৰৱানে এই দিশত বিবেচিত হোৱাৰ সম্ভাৱনা আছে।

সূত্ৰ অনুসৰি, বৈঠকত বিপিন ৰাৱাটৰ ঠাইত নতুন চিডিএছৰ নাম আলোচনা কৰা হয়। জ্যেষ্ঠতা অনুসৰি জেনেৰেল এমএম নাৰৱানে এই দিশত বিবেচিত হোৱাৰ সম্ভাৱনা আছে।

সূত্ৰ অনুসৰি, বৈঠকত বিপিন ৰাৱাটৰ ঠাইত নতুন চিডিএছৰ নাম আলোচনা কৰা হয়। জ্যেষ্ঠতা অনুসৰি জেনেৰেল এমএম নাৰৱানে এই দিশত বিবেচিত হোৱাৰ সম্ভাৱনা আছে।

  • Share this:

চীফ অফ ডিফেন্স ষ্টাফ (চিডিএছ)ৰ জেনেৰেল বিপিন ৰাৱাটৰ মৃত্যুৰ (military helicopter crash) খবৰে সমগ্ৰ দেশক জোকাৰি গৈছে। দেশৰ প্ৰতিৰক্ষাৰ আটাইতকৈ শীৰ্ষ পদৰ এগৰাকী ব্যক্তিৰ হঠাতে হোৱা মৃত্যুৰ পিছত এই পদটোত নতুন চিডিএছ নিযুক্তি অনতিবিলম্বে প্ৰদান কৰা হব। কিন্তু এই খালী পদটোৰ দাবীদাৰ কোন হ'ব পাৰে? দেশক সুৰক্ষা দিয়াৰ গুৰুত্বপূৰ্ণ দায়িত্ব এতিয়া কাৰ থাকিব?


বিপিন ৰাৱাট (General Bipin Rawat)ৰ দুৰ্ঘটনাটোৰ পিছতে প্ৰধানমন্ত্ৰী নৰেন্দ্ৰ মোদীয়ে (Prime Minsiter Narendra Modi)  সন্ধিয়া প্ৰায় ৬.৩০ বজাত নিৰাপত্তা সম্পৰ্কীয় কেবিনেট কমিটীৰ (Cabinet Committee on Security) এখন বৈঠক অনুষ্ঠিত কৰে। ইয়াত গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিঙকে ধৰি সমিতিৰ সদস্যসকল উপস্থিত আছিল। সূত্ৰ অনুসৰি, বৈঠকত বিপিন ৰাৱাটৰ ঠাইত নতুন চিডিএছৰ নাম আলোচনা কৰা হয়। জ্যেষ্ঠতা অনুসৰি জেনেৰেল এমএম নাৰৱানে এই দিশত বিবেচিত হোৱাৰ সম্ভাৱনা আছে।


প্ৰতিৰক্ষা বিশেষজ্ঞ সুশান্ত চাৰিনে কয় যে এয়া কোনেও নাজানে যে চৰকাৰে পৰৱৰ্তী প্ৰতিৰক্ষা কৰ্মচাৰী হিচাপে কাক বাছনি কৰিব, কিন্তু সম্ভাৱনা প্ৰকাশ কৰিব পাৰি। এই পদটো ইমান গুৰুত্বপূৰ্ণ যে ইয়াৰ বাবে কেৱল এজন জ্যেষ্ঠ আৰু অভিজ্ঞ বিষয়া বাছনি কৰা প্ৰয়োজন। এই অৰ্থত তিনিটা সামৰিক সেৱা স্থল সেনা, নৌ সেনা আৰু বায়ু সেনাৰ মুৰব্বীসকল শক্তিশালী প্ৰতিদ্বন্দ্বী।


তেন্তে তিনিজন মুৰব্বীৰ মাজৰ কোনো এজন এই পদৰ দাবীদাৰ হ'ব পাৰে নেকি? প্ৰতিৰক্ষা বিশেষজ্ঞ চাৰিনে এইদৰে কয়- "চাওক, কাক বাছনি কৰিব লাগে তাৰ বাবে কোনো গাঁথনি প্ৰস্তুত কৰা হোৱা নাই, কিন্তু সম্ভাৱনাৰ ওপৰত আধাৰ কৰি এইটো ক'ব পাৰি যে জ্যেষ্ঠতম আৰু অভিজ্ঞ ব্যক্তিজনক তিনিজন সেনা প্ৰধানৰ পৰা বাছনি কৰিব পাৰি। এই ক্ষেত্ৰত নৌ সেনা বিষয়া এডমিৰেল কৰমবীৰ সিং হৈছে আটাইতকৈ কনিষ্ঠ। স্থল সেনা আৰু বায়ু সেনাৰ মুৰব্বী হৈছে জেনেৰেল মুকুন্দ নাৰৱানে আৰু এয়াৰ চীফ মাৰ্শ্বেল বিবেক ৰাম চৌধুৰী। দুয়োৰে মাজত অভিজ্ঞতা আৰু জ্যেষ্ঠতা লক্ষ্য কৰিলে এম এম নাৰৱানে বাছনিলৈ আহিব পাৰে। ৬০ বছৰীয়া নাৰাৱানেক জেনেৰেল বিপিন ৰাৱাটৰ পিছতে সেনা প্ৰধান হিচাপে নিযুক্ত কৰা হৈছিল। নাৰৱানে সামৰিক যুদ্ধৰ অন্যতম ডাঙৰ বিশেষজ্ঞ। অৱশ্যে, প্ৰতিৰক্ষা বিশেষজ্ঞসকলে লগতে জোৰ দিয়ে যে বিপিন ৰাৱাটৰ পিছত খালী পদত কাক নিযুক্তি দিয়া হ'ব সেয়া কেন্দ্ৰীয় চৰকাৰে সিদ্ধান্ত ল'ব।


এমএম নাৰৱানে কোন?
জেনেৰেল নাৰৱানে বৰ্তমান সেনা প্ৰধান। তেওঁ আগতে সেনাৰ নৰ্ডান কমাণ্ডৰ মুৰব্বী আছিল। সেনাবাহিনীত তেওঁৰ ৪ দশকৰ কাৰ্যকালত বহুতো প্ৰত্যাহ্বানমূলক দায়িত্ব চম্ভালিছে। কাশ্মীৰৰ পৰা উত্তৰ-পূব ৰাজ্যসমূহলৈ নিয়োজিত হোৱাৰ সময়ত সন্ত্ৰাসবাদী কাৰ্যকলাপ নিয়ন্ত্ৰণ কৰাত তেওঁ গুৰুত্বপূৰ্ণ ভূমিকা পালন কৰিছে। নাৰৱানে ১৯৮৭ চনত শ্ৰীলংকাত আৰম্ভ কৰা পীচ কিপিং ফ'ৰ্চ ইন অপাৰেচন পৱনৰ অংশ আছিল। জেনেৰেল এম এম নাৰৱানে ১ ছেপ্টেম্বৰত ভাৰতীয় সেনাৰ উপপ্ৰধান হিচাপে দায়িত্ব গ্ৰহণ কৰিছিল।


 Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
Published by:Gautam Barman
First published: