• Home
  • »
  • News
  • »
  • nation
  • »
  • Vivek Agnihotri : অক্সফ'ৰ্ড বিশ্ববিদ্যালয়ত ''দ্য কাশ্মীৰ ফাইলছ''ৰ পৰিচালক বিবেক অগ্নিহোত্ৰীৰ অনুষ্ঠান বাতিল, হিন্দু বিদ্বেষৰ অভিযোগ উত্থাপন অগ্নিহোত্ৰীৰ

Vivek Agnihotri : অক্সফ'ৰ্ড বিশ্ববিদ্যালয়ত ''দ্য কাশ্মীৰ ফাইলছ''ৰ পৰিচালক বিবেক অগ্নিহোত্ৰীৰ অনুষ্ঠান বাতিল, হিন্দু বিদ্বেষৰ অভিযোগ উত্থাপন অগ্নিহোত্ৰীৰ

তেওঁ অক্সফৰ্ডৰ বিৰুদ্ধে গোচৰ ৰুজু কৰাৰ লগতে দেশৰ লোকসকলক তেওঁৰ কাষত থিয় হ'বলৈ আহ্বান

তেওঁ অক্সফৰ্ডৰ বিৰুদ্ধে গোচৰ ৰুজু কৰাৰ লগতে দেশৰ লোকসকলক তেওঁৰ কাষত থিয় হ'বলৈ আহ্বান

তেওঁ অক্সফৰ্ডৰ বিৰুদ্ধে গোচৰ ৰুজু কৰাৰ লগতে দেশৰ লোকসকলক তেওঁৰ কাষত থিয় হ'বলৈ আহ্বান

  • Share this:
চলচ্চিত্ৰ  ''দ্য কাশ্মীৰ ফাইলছ''ৰ পৰিচালক বিবেক অগ্নিহোত্ৰীৰ বিস্ফোৰক টুইট। বিবেকে বিশ্বৰ দুখন শ্ৰেষ্ঠ বিশ্ববিদ্যালয় অক্সফৰ্ড আৰু কেমব্ৰিজ বিশ্ববিদ্যালয়ৰ (Cambridge University) বিৰুদ্ধে গুৰুতৰ অভিযোগ উত্থাপন কৰিছে। তেওঁ কয় যে কেমব্ৰিজ বিশ্ববিদ্যালয়ত কাশ্মীৰী আৰু পাকিস্তানী শিক্ষাৰ্থীয়ে কৰা প্ৰতিবাদৰ বাবে তেওঁক এটা ভিডিঅ' ৰেকৰ্ডিং কৰাত বাধা দিয়া হৈছে আৰু অক্সফৰ্ডত ( Oxford University) তেওঁৰ অনুষ্ঠান বাতিল কৰা হৈছে। ইয়াৰ প্ৰতিবাদত বিবেকে টুইটাৰত এটা ভিডিঅ' পোষ্ট কৰে। তেওঁ অক্সফৰ্ডৰ বিৰুদ্ধে গোচৰ ৰুজু কৰাৰ লগতে দেশৰ লোকসকলক তেওঁৰ কাষত থিয় হ'বলৈ আহ্বান জনায়।

দুই মিনিটৰ ভিডিঅ'টোত বিবেকে কি কৈছিল?

ভিডিঅ'টোত পৰিচালক বিবেক অগ্নিহোত্ৰীয়ে (Kashmir Files director Vivek Agnihotri) কয়– "আপোনালোক জানে, মই ইউৰোপত মানৱতামূলক ভ্ৰমণত আছোঁ। কিয়নো ইউৰোপৰ বহুতো সন্মানীয় প্ৰতিষ্ঠানে মোক ফোন কৰিছে, যেনে কেমব্ৰিজ বিশ্ববিদ্যালয়, অক্সফৰ্ড বিশ্ববিদ্যালয়, ব্ৰিটিছ সংসদ, জাৰ্মানী আৰু নেডাৰলেণ্ড। কিন্তু কালি এটা অদ্ভুত ঘটনা ঘটিছিল, যেতিয়া মই কেমব্ৰিজ বিশ্ববিদ্যালয়ত উপস্থিত হৈছিলোঁ, শেষ মুহূৰ্তত মোক কোৱা হৈছিল যে মই অনুষ্ঠানটোৰ ভিডিঅ' ৰেকৰ্ড কৰিব নোৱাৰোঁ, ই হৈছে ১০০ শতাংশই বাক স্বাধীনতাৰ হৰণ। কিয়নো কিছুমান পাকিস্তানী আৰু মুছলমান শিক্ষাৰ্থীয়ে প্ৰতিবাদ কৰিছিল, তেওঁলোক সকলোৱে ফেচিষ্ট আছিল। তেওঁলোকে সামাজিক মাধ্যমত লিখিছিল যে তেওঁলোকে প্ৰতিবাদ কৰিছিল কাৰণ মই নৰেন্দ্ৰ মোদীক সমৰ্থন কৰোঁ। এই বিশ্ববিদ্যালয়খন হৈছে এনে এখন বিশ্ববিদ্যালয়, য'ত নেতাজী সুভাষ চন্দ্ৰ বসুক তেওঁৰ ১০০সংখ্যক জন্ম জয়ন্তীত অস্বীকাৰ কৰা হৈছে, ফেচিষ্ট বুলি কোৱা হৈছে।''

তেওঁ পুনৰ কয়– ''তাৰ পিছত, মই অক্সফৰ্ড বিশ্ববিদ্যালয়ৰ ইউনিয়নৰ আমন্ত্ৰণত সেই বিশ্ববিদ্যালয়লৈ যোৱাৰ কথা আছিল। অৱশ্যে, অনুষ্ঠানটোৰ কেইঘণ্টামান আগতে বাতিল কৰা হৈছিল। তেওঁলোকে কৈছিল যে আজিৰ দিনটোত দুবাৰ বুকিং কৰা হৈছিল, সেয়েহে অনুষ্ঠানটো ১ জুলাইলৈ পিছুৱাই দিব লগা হৈছে। কিন্তু ১ জুলাইত কোনো শিক্ষাৰ্থী নাথাকিব। দৰাচলতে, তেওঁলোকে নৰেন্দ্ৰ মোদীৰ (Narendra Modi) বিৰোধিতা কৰি এনে কৰিছে। তেওঁলোকে আমাক ইছলামোফোবিক বুলি কয়। যদি কাশ্মীৰত হাজাৰ হাজাৰ কাশ্মীৰী পণ্ডিতক হত্যা কৰাৰ ঘটনা হিন্দুভীতি (Hinduphobic) নহয়, ই ইছলামোফোবিয়াও নহয়। তেওঁলোকে হিন্দুসকলক অত্যাচাৰ কৰিছে, মই নহয়, তেওঁলোকে হিন্দুসকলক বাতিল কৰিছে।

গতিকে মোক সমৰ্থন কৰক। মই তেওঁলোকৰ বিৰুদ্ধে গোচৰ ৰুজু কৰিম। মই যি ক্ষতিৰ সন্মুখীন হৈছোঁ, তাৰ ক্ষতিপূৰণ বিচাৰিম। মোৰ কাষত থাকক। জয় হিন্দ।''
Published by:Gautam Barman
First published:

শেহতীয়া বাতৰি