» দেশ

দেশত জল সংকটৰ সজাগতা সৃষ্টি কৰাৰ News 18ৰ অভিনৱ উদ্যোগ Mission Paani। এই উদ্যোগৰ কেম্পেইন এম্বেছাডৰ অমিতাভ বচ্চনে যোৱা সপ্তাহত অনুষ্ঠানৰ শুভাৰম্ভনি কৰে। তেওঁ News 18ৰ উদ্যোগক ঐতিহাসিক আখ্যা দি সমগ্ৰ দেশবাসীক জল সঞ্চয় কৰাৰ আহ্বান জনায়। তেওঁ কয় যে, জল থাকিলেহে জীৱন থাকিব। জল মানে জীৱন গতিকে জল সংকট মানে জীৱনৰ সংকট। দেশক এই সংকটৰ পৰা ৰক্ষা কৰাৰ দায়িত্ব প্ৰত্যেক দেশবাসীৰ।

এদিনীয়া এই অনুষ্ঠানত উপস্থিত থাকে কেন্দ্ৰীয় মন্ত্ৰী নিতিন গাডকাৰী। তেওঁ জনায় যে, জল শক্তি মন্ত্ৰী গজেন্দ্ৰ সিং শ্বেখাৱটৰ সৈতে তেওঁ আলচ কৰি শীঘ্ৰেই একাধিক প্ৰজেক্ট আৰম্ভ কৰিব জল সংৰক্ষণৰ বাবে।

উল্লেখযোগ্য যে এইবছৰ দেশত তীব্ৰ জল সংকটে দেখা দিছে। প্ৰায় ৬০কোটি মানুহ বিশুদ্ধ খোৱাপানীৰ পৰা বঞ্চিত। নীতি আয়োগৰ প্ৰতিবেদন অনুসৰি প্ৰদূষিত পানীৰ কাৰণে মৃত্যু হৈছে কমেও দুই লাখ মানুহৰ।