உங்கள் மாவட்டத்தைத் தேர்வுசெய்க

    • Home
    • »
    • News
    • »
    • nation
    • »
    • ২০০৫চনৰ পৰাই পাকিস্তানী সন্ত্ৰাসবাদীৰ সৈতে DSP দেৱীন্দৰ সিঙৰ সম্পৰ্ক, IBৰ হাতত এখন বিস্ফোৰক পত্ৰ!

    ২০০৫চনৰ পৰাই পাকিস্তানী সন্ত্ৰাসবাদীৰ সৈতে DSP দেৱীন্দৰ সিঙৰ সম্পৰ্ক, IBৰ হাতত এখন বিস্ফোৰক পত্ৰ!

    সূত্ৰমতে যদি ২০০৫চনতে জম্মু–কাশ্মীৰ আৰক্ষী আৰু দিল্লী আৰক্ষীয়ে এই প্ৰমাণসমূহ গুৰুত্ব সহকাৰে গ্ৰহণ কৰিলেহেতেন তেতিয়া আজি দেৱীন্দৰ সিঙৰ দ্বাৰা আৰক্ষী আৰু সংস্থাৰ ইমান বদনাম নহ’লহেতেন। 

    সূত্ৰমতে যদি ২০০৫চনতে জম্মু–কাশ্মীৰ আৰক্ষী আৰু দিল্লী আৰক্ষীয়ে এই প্ৰমাণসমূহ গুৰুত্ব সহকাৰে গ্ৰহণ কৰিলেহেতেন তেতিয়া আজি দেৱীন্দৰ সিঙৰ দ্বাৰা আৰক্ষী আৰু সংস্থাৰ ইমান বদনাম নহ’লহেতেন। 

    সূত্ৰমতে যদি ২০০৫চনতে জম্মু–কাশ্মীৰ আৰক্ষী আৰু দিল্লী আৰক্ষীয়ে এই প্ৰমাণসমূহ গুৰুত্ব সহকাৰে গ্ৰহণ কৰিলেহেতেন তেতিয়া আজি দেৱীন্দৰ সিঙৰ দ্বাৰা আৰক্ষী আৰু সংস্থাৰ ইমান বদনাম নহ’লহেতেন। 

    • Share this:
    কেন্দ্ৰীয় অনুসন্ধানকাৰী সংস্থা আইবি–এ জম্মু–কাশ্মীৰৰ ধৃত ডিএছপি দেৱীন্দৰ সিঙৰ গোচৰত এক বিশেষ গুৰুত্বপূৰ্ণ তথ্য লাভ কৰিছে। দেৱীন্দৰৰ সংযোগ স্থাপন হৈছে ২০০৫চনত গ্ৰেপ্তাৰ কৰা সন্দেহযুক্ত সন্ত্ৰাসবাদীৰ সৈতে। আইবিৰ গোপন সূত্ৰৰ মতে ২০০৫বৰ্ষত দিল্লী আৰক্ষীয়ে সাতজন সন্দেহযুক্ত সন্ত্ৰাসবাদীক গ্ৰেপ্তাৰ কৰিছিল। সেই গ্ৰেপ্তাৰ হোৱা অভিযুক্তৰ ওচৰত AK-47 আৰু বৃহৎ সংখ্যক নকল নোট উদ্ধাৰ কৰা হৈছিল। ইয়াৰ লগতে পোৱা গৈছে এখন বিশেষ পত্ৰ।

    কি আছে সেই পত্ৰত?

    গ্ৰেপ্তাৰ হোৱা ব্যক্তিকেইজনে সন্ত্ৰাসবাদী সংগঠন হিজবুল মুজাহিদীনৰ হৈ কাম কৰা অভিযোগ আছিল। গ্ৰেপ্তাৰ হোৱা এটা সন্দেহযুক্ত সন্ত্ৰাসবাদীৰ নাম আছিল হাজী গুলাম মইনুদ্দিন ডৰ ওৰফে জাহিদ। তাৰ ওচৰত পোৱা গৈছে এখন পত্ৰ। সেই পত্ৰখন ডিএছপি দেৱীন্দৰ সিঙে নিজৰ লেটাৰ হেডত নিজৰ হস্তাক্ষৰৰ সৈতে তেওঁক দিছিল। সেই পত্ৰত লিখা আছিল, গুলাম মইনুদ্দিন পুলৱামাৰ নিবাসী। তেওঁ সদায় নিজৰ লগত এটা পিষ্টল আৰু এটা ৱায়াৰলেছ ছেট ৰাখে। সেইকাৰণে সকলো বাহিনীক অনুৰোধ যে কোনো ধৰণৰ সোধা–পোছা নকৰাকৈ তেওঁক যাবলৈ দিয়া হওক। ক’তো তেওঁক ৰখাব নালাগে।

    আইবিৰ সূত্ৰমতে গুলাম মইনুদ্দিনৰ গ্ৰেপ্তাৰৰ পিছত দিল্লী আৰক্ষীৰ দলে দেৱীন্দৰ সিঙৰ সৈতে কথা পাতি তথ্য খুজিছিল। দেৱীন্দৰ সিঙে পত্ৰখন শুদ্ধ বুলি কৈছিল। পৰৱৰ্তী সময়ত সেই নথিৰ আধাৰতে ক’ৰ্টে অভিযুক্তক যাবলৈ দিছিল।

    ক’ত ভুল হ’ল?

    প্ৰশ্ন উঠিছে যে দেৱীন্দৰ সিঙে কোনো এজন ব্যক্তিক কিয় ৱায়াৰলেছ ছেট লৈ যাবলৈ অনুমতি দিব পাৰে। অস্ত্ৰ আৰু ৱায়াৰলেছ ছেট কোনো অনুসন্ধান নোহোৱাকৈ সন্দেহযুক্ত যুৱকক লৈ যাবলৈ দিয়াৰ অনুমতি কেনেকৈ দিয়া হ’ল। সূত্ৰমতে, তেতিয়াই অৰ্থাৎ ২০০৫বৰ্ষত জম্মু–কাশ্মীৰত আৰক্ষী আৰু দিল্লী আৰক্ষীয়ে সেই প্ৰতিবেদন গম্ভীৰভাৱে লোৱা হ’লে আজি দেৱীন্দৰ সিঙে আৰক্ষীৰ নাক এনেকৈ কাটিবলৈ নাপালেহেতেন! দেৱীন্দৰ সিঙক এতিয়া দিল্লীৰ মুখ্য কাৰ্যালয়ত এই প্ৰসংগতো সোধা–পোছা কৰা হ’ব।

    (Exclusive report by Shankar Anand)
    Published by:Tulika Devi
    First published: