Covid19 Delhi: সকাহ! ৰাজধানী দিল্লীত সপ্তাহান্তিক কাৰ্ফিউ প্ৰত্যাহাৰ, খুলিব হোটেল-ৰেষ্টুৰেণ্ট আৰু সকলো দোকান

দিল্লী চৰকাৰে (Delhi government) বৃহস্পতিবাৰে ৰাষ্ট্ৰীয় ৰাজধানীত সপ্তাহান্তিক কাৰ্ফিউ (weekend curfew) প্ৰত্যাহাৰ কৰে। লগতে দোকানৰ বাবে অড-ইভেন নিয়মো প্ৰত্যাহাৰ কৰে। দিল্লী দুৰ্যোগ ব্যৱস্থাপনা কৰ্তৃপক্ষৰ (DDMA) পৰৱৰ্তী বৈঠকত বিদ্যালয়সমূহ পুনৰ খোলাৰ বিষয়টো আলোচনা কৰা হ'ব। এজন বিষয়াই কয় যে চৰকাৰে সৰ্বাধিক ২০০ জন লোক বা ৫০ শতাংশ ক্ষমতাৰ সৈতে অনুষ্ঠিত হ'বলগীয়া বিবাহৰ অনুমতিও প্ৰদান কৰিছে। ৫০ শতাংশ উপস্থিতিৰ নিয়ম বাৰ, ৰেষ্টুৰেণ্ট, চিনেমা হল আৰু চৰকাৰী কাৰ্যালয়ৰ বাবেও প্ৰযোজ্য হ'ব।

দিল্লী চৰকাৰে সপ্তাহান্তিক কাৰ্ফিউ উঠাই লোৱাৰ, দোকান খোলাৰ বাবে অড-ইভেন নিয়ম প্ৰত্যাহাৰ কৰা, আৰু চহৰখনত 50 শতাংশ কৰ্মচাৰীৰ সৈতে ব্যক্তিগত কাৰ্যালয় চলাবলৈ অনুমতি দিছে। ৰাজধানী চহৰখনত কোভিড-19 (Covid19) ঘটনাৰ সংখ্যা হ্ৰাস হোৱাৰ পৰিপ্ৰেক্ষিতত নিষেধাজ্ঞাবোৰ হ্ৰাস কৰাৰ প্ৰস্তাৱ লোৱা হৈছিল। ৰাজ্যৰ স্বাস্থ্য মন্ত্ৰী সত্য়েন্দ্ৰ জৈনে এই মাহৰ আৰম্ভণিতে কৈছিল যে দিল্লীত কৰোনাভাইৰাছ তৃতীয় লহৰ (Coronavirus Third Wave)ৰ শিখৰ "সম্ভৱতঃ শেষ" হৈছে।