உங்கள் மாவட்டத்தைத் தேர்வுசெய்க

    • Home
    • »
    • News
    • »
    • nation
    • »
    • Delhi University Admission: হাতত ১০০নম্বৰ লৈ কেৰালা বোৰ্ডৰ শিক্ষাৰ্থীৰ আধিপত্য; বিধ্বস্ত অসম শিক্ষা সংসদ 

    Delhi University Admission: হাতত ১০০নম্বৰ লৈ কেৰালা বোৰ্ডৰ শিক্ষাৰ্থীৰ আধিপত্য; বিধ্বস্ত অসম শিক্ষা সংসদ 

    দিল্লী বিশ্ববিদ্যালয়ৰ অধ্যাপকৰ অভিযোগ: এইয়া কেৰেলাৰ “নম্বৰ জেহাদ”

    দিল্লী বিশ্ববিদ্যালয়ৰ অধ্যাপকৰ অভিযোগ: এইয়া কেৰেলাৰ “নম্বৰ জেহাদ”

    দিল্লী বিশ্ববিদ্যালয়ৰ অধ্যাপকৰ অভিযোগ: এইয়া কেৰেলাৰ “নম্বৰ জেহাদ”

    • Share this:
    দিল্লী বিশ্ববিদ্যালয়ৰ অধীনস্থ বহুকেইখন মহাবিদ্যালয়ে বিভিন্ন স্নাতক পাঠ্যক্ৰমত সৰ্বনিম্ন ১০০ নম্বৰৰ সীমা ধার্য কৰাৰ পিছত এতিয়া সূচনা হৈছে এক নতুন বিতৰ্কৰ। প্ৰায় ১১টা পাঠ্যক্ৰমত দ্বাদশ শ্ৰেণীৰ চূড়ান্ত পৰীক্ষাত নিৰ্দ্দিষ্ট তিনিটা বা চাৰিটা বিষয়ত ১০০নম্বৰ পালেহে নামভৰ্তি কৰিব পৰাৰ নিয়ম বান্ধি দিছিল বিশ্ববিদ্যালয়ৰ প্ৰায় ৭খন মহাবিদ্যালয়ে। এতিয়া সেই সমূহ Courseত নামভৰ্তি কাৰণে হাতে হাতে ১০০শতাংশ নম্বৰ লৈ ভিৰ কৰিছেহি কেৰালা শিক্ষা বোৰ্ডৰ ছাত্ৰ-ছাত্ৰীসকলে ।

    উল্লেখযোগ্য যে, হংসৰাজ মহাবিদ্যালয়ৰ BA (Honours) Computer Science আৰু হিন্দু তথা ৰামজাচ কলেজৰ BA (Honours) Political Scienceৰ মুক্ত আসন কেইখনত বান্ধি দিয়া হৈছিল ১০০শতাংশ Cut off  mark। কিন্তু তাৰ পিছতো প্ৰথম Cut off তালিকাতে আসন ভৰ্তি হৈছে এইকেইটা পাঠ্যক্ৰমত। এই তিনিটা পাঠ্যক্ৰমত নামভৰ্তি কৰা ২০৬জন শিক্ষাৰ্থীৰ ভিতৰত ৯৫ শতাংশই কেৰালা শিক্ষা বোৰ্ডৰ ।

    অক্টোবৰৰ ৭ তাৰিখলৈ হিন্দু মহাবিদ্যালয়ৰ ৰাজনীতি বিজ্ঞান বিভাগে ১৩৪জন শিক্ষাৰ্থীৰ আবেদন গ্ৰহণ কৰিছে। তাৰে মাত্ৰ এজন কেন্দ্ৰীয় মাধ্যমিক শিক্ষা বোৰ্ড চমুকৈ CBSEৰ হোৱাৰ বিপৰীতে ১৩৩জনেই কেৰালা উচ্চতৰ মাধ্যমিক শিক্ষা বোর্ডৰ। অৰ্থাৎ আটাইখিনিয়ে দ্বাদশ শ্ৰেণীত ৰাজনীতি বিজ্ঞানকে ধৰি আন তিনিটা বিষয়ত ১০০নম্বৰ লাভ কৰিছে।

    ১০০ শতাংশ Cut off ধার্য কৰা ৰামজাচ কলেজৰ ৰাজনীতি বিজ্ঞান বিভাগে এতিয়ালৈ ৩৩জন শিক্ষাৰ্থীৰ নামভৰ্তিত অনুমোদন প্ৰদান কৰিছে। ইয়াৰ ৩২জনেই কেৰালাৰ । হংসৰাজ মহাবিদ্যালয়তো একেই অৱস্থা। মহাবিদ্যালয়খনে কম্পিউটাৰ ছায়েঞ্চ বিভাগৰ স্নাতক পাঠ্যক্ৰমত নামভৰ্তি কৰা ২৩জনৰ দুজনহে কেৰালাৰ বাহিৰৰ। এজন মেঘালয় শিক্ষা বোর্ডৰ আৰু আনজন ৰাজস্থান শিক্ষা বোর্ডৰ। শ্ৰী ৰাম কলেজ অৱ কমাৰ্চৰ বিভিন্ন পাঠ্যক্ৰমত নামভৰ্তি কৰা প্ৰায় ৫০শতাংশ কেৰালাৰ বুলি জানিবলৈ দিয়ে মহাবিদ্যালয় কৰ্তৃপক্ষই ।

    হাতত ১০০ নম্বৰলৈ  দিল্লী বিশ্ববিদ্যালয়ৰ মহাবিদ্যালয় সমূহ ভিৰ কৰা কেৰালাৰ ছাত্র-ছাত্ৰীক লৈ এতিয়া ক্ষোভিত হৈ পৰিছে একাংশ ছাত্ৰ সংগঠন আৰু শিক্ষক। বিশ্ববিদ্যালয়ৰ অধ্যাপক ৰাকেশ কুমাৰ পাণ্ডেই এই ঘটনাক “Marks  Jihad” আখ্যা দিছে। সংবাদ মাধ্যমত তেওঁ দিল্লী বিশ্ববিদ্যালয়ত কেৰালাৰ এয়া অনুপ্ৰৱেশ বুলিও অভিহিত কৰিছে। তেওঁ কয় – এনেধৰণৰ trend আজি কিছু বছৰৰ পৰা চলি আছে। নামভৰ্তি বিচাৰি দিল্লী বিশ্ববিদ্যালয়লৈ অহা কেৰালাৰ প্ৰায় সকলোৱে ১০০শতাংশ লৈ আহে। এই শিক্ষাৰ্থী সকলে বিশ্ববিদ্যালয়লৈ জেহাদ আৰু বামপন্থী চিন্তাধাৰা প্ৰসাৰ কৰিবলৈ আহে বুলিও অভিযোগ অধ্যাপকৰ।

    অধ্যাপকৰ এনে মন্তব্যত জাঙুৰ খাই উঠিছে কংগ্ৰেছৰ লোকসভা সাংসদ শশী থৰুৰ আৰু CPMৰ ৰাজ্যসভা সাংসদ জন ব্ৰিটাছ। ব্ৰিটাছে শিক্ষামন্ত্ৰী ধৰ্মেন্দ্ৰ প্রধানলৈ এক অভিযোগ পত্ৰও প্ৰেৰণ কৰিছে। যদিহে কেৰালাৰ ছাত্ৰ-ছাত্ৰীৰ সন্দৰ্ভত  নম্বৰ থকা স্বত্বেও সন্দেহ আছে তেন্তে সাংসদ শশী থৰুৰে শিক্ষাৰ্থীসকলৰ সাক্ষাৎকাৰ ল’বলৈ আহ্বান জনায়।

    আনহাতে ছাত্ৰ সংগঠন অখিল ভাৰতীয় বিদ্যাৰ্থী পৰিষদেও সমগ্ৰ বিষয়টোত অসন্তুষ্টি প্ৰকাশ কৰে। ৰাজ্যৰ শিক্ষা বোৰ্ড সমূহৰ মিল নথকা মূল্যাংকনৰ কাৰণে যোগ্য ছাত্ৰ ছাত্ৰী নামভৰ্তিৰ পৰা বঞ্চিত হয় বুলি মতপোষণ কৰে ছাত্ৰ সংগঠনটোৱে। সেয়ে নামভৰ্তিৰ পূৰ্বে বোৰ্ড সমূহৰ নম্বৰ “moderation”ৰ দাবী কৰে সংগঠনটোৱে।
    Published by:Himangshu Bhuyan
    First published: