Bikaner express accident : ৰে'ল লাইনত হোৱা ত্ৰুটিৰ বাবেই বিকানেৰ এক্সপ্ৰেছ লাইনচ্যুত হৈছিল নেকি? আওপুৰণি ডবাৰ বাবেই বাঢ়িল নেকি হতাহতৰ সংখ্যা?

ৰে'ললাইনত হোৱা কোনো ত্ৰুটিৰ বাবেই বিকানেৰ এক্সপ্ৰেছ (Bikaner express accident) লাইনচ্যুত হৈছিল নেকি? দুৰ্ঘটনাটোৰ পিছত ৰে'ল বিভাগৰ বিষয়াসকলে প্ৰথমতে এই সন্দেহ কৰিছে৷ ইয়াৰ উপৰি বিকানেৰ এক্সপ্ৰেছত অত্যাধুনিক LHB ডবাৰ পৰিৱৰ্তে পুৰণি ICF ডবাৰ বাবেও ক্ষতি অধিক হোৱাৰ আশংকা কৰিছে ৷

প্ৰাৰম্ভিক বাতৰি অনুসৰি, মাইনাগুড়িৰ দোমোহনীত উজনিমুৱা বিকানেৰ এক্সপ্ৰেছ লাইনচ্যুত হয় ৷ দুৰ্ঘটনাটোৰ  (Train Accident in North Bengal) ফলত ছয়টা ডবা লাইনচ্যুত হৈছিল ৷ এটা ডবাৰ ওপৰত আন এটা ডবা পৰিছিল ৷ ৰে'লৱে বিষয়াসকলৰ প্ৰাৰম্ভিকভৱে অনুমান কৰিছে যে ৰে'ল লাইনত সম্ভৱতঃ ফাট মেলিছিল নাইবা আন কোনো ত্ৰুটি আছিল ৷ ইঞ্জিন আৰু প্ৰথম কেইটামান ডবা পাৰ হৈ যোৱাৰ পিছতে লাইনৰ ফাটবোৰ সম্ভৱতঃ ডাঙৰ হৈ গৈছিল আৰু বাকী ডবাবোৰ লাইনচ্যুত হৈছিল৷

এইটোও পঢ়ক : Guwahati-Bikaner express train accident: বিশেষ ৰে'লেৰে গুৱাহাটীলৈ অনা হৈছে অসমৰ যাত্ৰীসকলক, গুৱাহাটীৰ পৰা বাছেৰে ঘৰলৈ প্ৰেৰণৰ ব্যৱস্থা ৰাজ্য চৰকাৰৰ

তদুপৰি, ৰে'ল বিষয়াসকলৰ মতে বিকানেৰ এক্সপ্ৰেছৰ সকলো ডবা পুৰণি ICF মডেলৰ আছিল৷ যদি নতুন প্ৰযুক্তিৰ LHB ডবা থাকিলহেঁতেন, তেন্তে দুৰ্ঘটনাটোৰ আকস্মিক ক্ষতি  তুলনাকভাৱে কম হ'লহেঁতেন বুলি মত দিছে ৰে'ল বিষয়াসকলে ৷ তেনে ক্ষেত্ৰত দুৰ্ঘটনাৰ ফলত ডবাৰ ভিতৰত আঘাত কম হ'লহেঁতেন৷

এইটোও পঢ়ক : নিউজ চেনেলৰ ৰেটিং প্ৰক্ৰিয়াৰ আৰম্ভৰ নিৰ্দেশ, কেন্দ্ৰীয় চৰকাৰৰ সিদ্ধান্তক আদৰণি NBDAৰ

উত্তৰপূব সীমান্ত ৰে'লৱেৰ মুখ্য জনসম্পৰ্ক বিষয়া গুনিত কৌৰে কয় যে দুৰ্ঘটনাটো সন্ধিয়া প্ৰায় ৫ বজাত সংঘটিত হৈছিল কিন্তু দুৰ্ঘটনাটোৰ কাৰণ এতিয়াও জানিব পৰা হোৱা নাই।