உங்கள் மாவட்டத்தைத் தேர்வுசெய்க

    • Home
    • »
    • News
    • »
    • nation
    • »
    • 'মই ৫ মাহৰ গৰ্ভৱতী, কিন্তু সন্তানৰ হ'বলগীয়া পিতৃ কোন নাজানো'- দলবদ্ধ ধৰ্ষণৰ বলি হোৱা এগৰাকী দুৰ্ভগীয়া মহিলাৰ কৰুণ আৰ্তনাদ

    'মই ৫ মাহৰ গৰ্ভৱতী, কিন্তু সন্তানৰ হ'বলগীয়া পিতৃ কোন নাজানো'- দলবদ্ধ ধৰ্ষণৰ বলি হোৱা এগৰাকী দুৰ্ভগীয়া মহিলাৰ কৰুণ আৰ্তনাদ

    উত্তৰ প্ৰদেশত সংঘটিত হৈছে এই ঘটনা

    উত্তৰ প্ৰদেশত সংঘটিত হৈছে এই ঘটনা

    উত্তৰ প্ৰদেশত সংঘটিত হৈছে এই ঘটনা

    • Share this:
    প্ৰায়ে চৰ্চাত থাকে উত্তৰ প্ৰদেশ। বিভিন্ন ধৰণৰ অপৰাধজনিত ঘটনাই বাৰে বাৰে চৰ্চাৰ মাজলৈ আনে ৰাজ্যখনক। ৰাজ্যখনৰ আমৰোহাত সংঘটিত হোৱা এক ভয়ংকৰ ঘটনা শেহতীয়াকৈ পোহৰলৈ আহিছে।

    এগৰাকী দুৰ্ভগীয়া মহিলাৰ কৰুণ আৰ্তনাদ ৰাজ্যখনত। মহিলাগৰাকী এতিয়া পাঁচ মাহৰ গৰ্ভৱতী। যোৱা ৬মাহে মহিলাগৰাকীক বহুলোকে কৰিছিল উপৰ্যুপৰী ধৰ্ষণ। মহিলাগৰাকীয়ে নাজানে গৰ্ভত থকা সন্তানৰ পিতৃ কোন। কিন্তু আৰক্ষীয়ে বিশ্বাস নকৰিলে মহিলাগৰাকীৰ এই কথা। প্ৰায় চাৰি, পাঁচ দিন ঘটনাৰ সংক্ৰান্তত মহিলাগৰাকী আৰক্ষী চকীলৈ গৈছিল যদিও, আৰক্ষীয়ে নিদিলে কোনো ধৰণৰ গুৰুত্ব। আৰু অৱশেষত  চিৎকাৰ কৰি উঠিল ভুক্তভোগী মহিলাগৰাকী।

    দুৰ্ভগীয়া মহিলাগৰাকীয়ে জনোৱা মতে, তিনিজন যুৱকে বলপূৰ্বক ভাবে ঘৰৰ পৰা অপহৰণ কৰি লৈ গৈছিল মহিলাগৰাকীক।  আৰু কেইবাদিনো উপৰ্যুপৰী কৰিছিল ধৰ্ষণ। আনকি ভিডিও প্ৰস্তুত কৰি মহিলাগৰাকীক ব্লেকমেইল কৰিবলৈ আৰম্ভ  কৰিছিল। আৰু শেষত ৩ লাখ টকাৰ বিনিময়ত পাষণ্ড কেইটাই মহিলাগৰাকীক অন্য এখন গাঁৱৰ তিনিজন ল'ৰাক গটাই দিয়ে। এনেদৰে প্ৰায় ছমাহ যুৱতীগৰাকীক ইঠাইৰ পৰা আন ঠাইলৈ নি ধৰ্ষণ কৰে বিভিন্নজনে।

    কিন্তু যোৱা ১১ ফেব্ৰুৱাৰীত মহিলাগৰাকী কোনোমতে পলাই আহে ঘৰলৈ আৰু ঘৰৰ মানুহৰ আগত সকলো কথা জনায়। পৰৱৰ্তী সময়ত মহিলাগৰাকীয়ে আৰক্ষীকো সমগ্ৰ ঘটনাৰ বিষয়ে অৱগত কৰে যদিও কোনেও মানি নললে মহিলাগৰাকীৰ অভিযোগ। আৰু উপায়ন্ত হৈ চিৎকাৰ কৰি উঠিল ভুক্তভোগী মহিলাগৰাকী।
    Published by:Himangshu Bhuyan
    First published: