IND vs NZ: ৰোহিত শৰ্মা আৰু টীম ইণ্ডিয়াই জয়ৰ সৈতে কৰিলে শৃংখলাৰ আৰম্ভণি ! নিউজিলেণ্ডক ৫ উইকেটত পৰাস্ত কৰিলে ভাৰতে ...

ৰোহিত শৰ্মাই (Rohit Sharma) টি-২০ শৃংখলাত টীম ইণ্ডিয়াক এটা ভাল আৰম্ভণি দিছে। দলটোৱে প্ৰথমখন খেলত (India vs New Zealand) নিউজিলেণ্ডক ৫ উইকেটত পৰাস্ত কৰে। অধিনায়ক ৰোহিতে খেলখনত এটা সুন্দৰ ইনিংছ খেলিছে। তেওঁ ৪৮ ৰাণ সংগ্ৰহ কৰিছিল। সূৰ্যকুমাৰ যাদৱেও (Suryakumar Yadav) ৬২ ৰাণৰ আক্ৰমণাত্মক ইনিংছ খেলে। খেলখনত নিউজিলেণ্ডে তেওঁলোকৰ প্ৰথম ইনিংছত ৬ উইকেটত ১৬৪ ৰাণ সংগ্ৰহ কৰে। মাৰ্টিন গাপ্টিল আৰু মাৰ্ক চেপমেনে অৰ্ধশতক অৰ্জন কৰে। ইয়াৰ প্ৰত্যুত্তৰত টীম ইণ্ডিয়াই ১৯.৪ অভাৰত ৫ উইকেটত লক্ষ্য প্ৰাপ্ত কৰে। শৃংখলাটোৰ দ্বিতীয়খন খেল ১৯ নৱেম্বৰত ৰাঁচীত অনুষ্ঠিত হ'ব।

লক্ষ্যৰ পিছে পিছে টীম ইণ্ডিয়াই প্ৰথম ৫ অভাৰত কোনো উইকেট অবিহনে ৫০ ৰাণ সংগ্ৰহ কৰি ভাল আৰম্ভণি কৰে। তাৰ পিছত কে এল ৰাহুল বাওঁহাতৰ স্পিন বলাৰ মিচেল চেণ্টনাৰৰ বলত ১৫ ৰাণত আউট হয়। অধিনায়ক ৰোহিত শৰ্মা তাৰ পিছত ৪৮ ৰাণত আউট হয়। তেওঁ ৩৬ টা বলৰ সন্মুখীন হৈ ৫ টা চাৰি আৰু ২ টা ছয় কোবাই। তেওঁ দ্বিতীয় উইকেটৰ বাবে সূৰ্যকুমাৰ যাদৱৰ সৈতে ৫৯ ৰাণ যোগ কৰে।