Supreme Court on Covid Compensation: কোভিডত মৃত্যু হোৱা লোকৰ পৰিয়ালক চৰকাৰে দিব লাগিব ক্ষতিপূৰণ, জনালে উচ্চতম ন্যায়ালয়ে

কিছুদিন পূৰ্বে কোৰোণাত মৃত্যু হোৱা লোকৰ পৰিয়ালক আৰ্থিক ক্ষতিপূৰণৰ বিষয়ক লৈ প্ৰশ্ন কৰিছিল উচ্চতম ন্যায়ালয়ে। সেই সন্দৰ্ভত কেন্দ্ৰীয় চৰকাৰৰ তৰফৰ পৰা জনোৱা হৈছিল যে কোৰোণাত মৃত্যু হোৱা লোকৰ পৰিয়ালক ৪ লাখ টকাকৈ ক্ষতিপূৰণ দিয়া সম্ভৱ নহয়। কেন্দ্ৰৰ বক্তব্য আছিল, প্ৰত্যেক পৰিয়ালক সাহায্য প্ৰদান কৰাৰ সামৰ্থ্য নাই চৰকাৰৰ। কেন্দ্ৰীয় চৰকাৰে জনাইছিল, কেৱল কোভিডৰ ক্ষেত্ৰত আৰ্থিক সাহায্য দি আন ৰোগৰ ক্ষেত্ৰত নিদিলে সেয়া অন্যায় হ’ব। চলিচিটৰ জেনেৰেল তুষাৰ মেহতাই উচ্চতম ন্যায়ালয়ত ১৮৩ পৃষ্ঠাৰ শপতনামা দাখিল কৰে। তাত কেন্দ্ৰৰ ফালৰ পৰা যুক্তি দিয়া হৈছিল, এতিয়ালৈ ভাৰতত কোভিডত আক্ৰান্ত হৈ ৩ লাখ ৮৫ হাজাৰৰো অধিক লোকৰ মৃত্যু হৈছে। এই সংখ্যা আৰু বৃদ্ধি পাব। আৰু সমগ্ৰ পৰিস্থিতিৰ বাবে কেন্দ্ৰৰ ওপৰত ভীষণ চাপ পৰিছে। এই আৰ্থিক চাপৰ ভিতৰত দেশৰ কোভিডত মৃত্যু হোৱা সকলো লোকৰ পৰিয়ালক আৰ্থিক সাহায্য প্ৰদান কৰাটো সম্ভৱ নহয়।