உங்கள் மாவட்டத்தைத் தேர்வுசெய்க

    • Home
    • »
    • News
    • »
    • nation
    • »
    • JNUত দুই ছাত্ৰ গোটৰ মাজত সংঘৰ্ষ, আহত ১২ ছাত্ৰ, সংকটজনক ৩ ছাত্ৰক এইমছত ভৰ্তি

    JNUত দুই ছাত্ৰ গোটৰ মাজত সংঘৰ্ষ, আহত ১২ ছাত্ৰ, সংকটজনক ৩ ছাত্ৰক এইমছত ভৰ্তি

    ছাত্ৰ সন্থাৰ হলত এখন সভা অনুষ্ঠিত কৰাৰ ক্ষেত্ৰত ছাত্ৰ-ছাত্ৰীৰ দুটা গোটৰ মাজত উত্তপ্ত বাৰ্তালাপৰ পিছত সংঘৰ্ষ।

    ছাত্ৰ সন্থাৰ হলত এখন সভা অনুষ্ঠিত কৰাৰ ক্ষেত্ৰত ছাত্ৰ-ছাত্ৰীৰ দুটা গোটৰ মাজত উত্তপ্ত বাৰ্তালাপৰ পিছত সংঘৰ্ষ।

    ছাত্ৰ সন্থাৰ হলত এখন সভা অনুষ্ঠিত কৰাৰ ক্ষেত্ৰত ছাত্ৰ-ছাত্ৰীৰ দুটা গোটৰ মাজত উত্তপ্ত বাৰ্তালাপৰ পিছত সংঘৰ্ষ।

    • Share this:

    দেশৰ ৰাজধানী দিল্লীৰ সন্মানীয় জৱাহৰলাল নেহৰু বিশ্ববিদ্যালয়ত (JNU) ছাত্ৰ সংগঠনসমূহৰ মাজত পুনৰ এবাৰ হিংসাত্মক ঘটনা সংঘটিত হৈছে। সূত্ৰ অনুসৰি, যোৱানিশা বাঁও মিত্ৰজোঁট অল ইণ্ডিয়া ষ্টুডেণ্ট এছ'চিয়েচন (AISA), ষ্টুডেণ্টছ ফেডাৰেচন অৱ ইণ্ডিয়া (SFI) আৰু অল ইণ্ডিয়া ষ্টুডেণ্টছ কাউন্সিল (ABVP)ৰ সদস্যসকলৰ মাজত হোৱা সংঘৰ্ষত ১২জনৰো অধিক শিক্ষাৰ্থী আহত হোৱাৰ খবৰ পোৱা গৈছে।


    আহত ছাত্ৰ-ছাত্ৰীৰ ৩ জনৰ অৱস্থা অত্যন্ত সংকটজনক হৈ আছে। ছাত্ৰ সন্থাৰ সদস্যসকলে জনোৱা মতে, সংঘৰ্ষত গুৰুতৰভাৱে আহত শিক্ষাৰ্থীসকলক নতুন দিল্লীৰ এইমছত ভৰ্তি কৰোৱা হৈছে।


    বাতৰি অনুসৰি, দেওবাৰে সন্ধিয়া দিল্লীত জেএনইউৰ ভিতৰত ছাত্ৰ-ছাত্ৰীৰ দুটা গোটৰ মাজত তৰ্ক আৰু হতাহতি হৈছিল। আৰক্ষীৰ ওচৰত কৰা এক অভিযোগত দুয়োটা গোটৰ শিক্ষাৰ্থীয়ে ইজনে সিজনক আক্ৰমণ কৰাৰ অভিযোগ উত্থাপন কৰিছে।


    আৰক্ষী বিষয়া গৌৰৱ শৰ্মাৰ মতে, ছাত্ৰ সন্থাৰ হলত এখন সভা অনুষ্ঠিত কৰাৰ ক্ষেত্ৰত ছাত্ৰ-ছাত্ৰীৰ দুটা গোটৰ মাজত উত্তপ্ত বাৰ্তালাপ হৈছিল। অৱশ্যে জেএনইউএছইউয়ে এতিয়ালৈকে কোনো অভিযোগ দাখিল কৰা নাই। আনহাতে, এবিভিপিৰ সৈতে জড়িত শিক্ষাৰ্থীসকলে আৰক্ষী থানালৈ গৈ লিখিত অভিযোগ দাখিল কৰে। আৰক্ষীয়ে তদন্ত অব্যাহত ৰাখিছে আৰু সেই অনুসৰি আইনী ব্যৱস্থা গ্ৰহণ কৰা হ'ব বুলি জানিবলৈ দিছে।

    Published by:Gautam Barman
    First published: