অন্য এক ৰূপত দেশৰ মুখ্য ন্যায়াধীশ শাৰদ অৰবিন্দ ববড়ে, Harley Davidson বাইকৰ সৈতে দেখা গ’ল ৰাজপথত

News18 Assam | News18-Assam
Updated:June 29, 2020, 6:47 PM IST
অন্য এক ৰূপত দেশৰ মুখ্য ন্যায়াধীশ শাৰদ অৰবিন্দ ববড়ে, Harley Davidson বাইকৰ সৈতে দেখা গ’ল ৰাজপথত
বাইক মুখ্য ন্যায়াধীশ গৰাকীৰ বৰ প্ৰিয়। এক সাক্ষাৎকাৰত এই কথা উল্লেখ কৰি তেওঁ কৈছিল ডেকা কালত বুলেট চলোৱাৰ কথা। 

বাইক মুখ্য ন্যায়াধীশ গৰাকীৰ বৰ প্ৰিয়। এক সাক্ষাৎকাৰত এই কথা উল্লেখ কৰি তেওঁ কৈছিল ডেকা কালত বুলেট চলোৱাৰ কথা। 

  • Share this:
এইবাৰ এক অন্য ৰূপত দেখা পোৱা গ’ল দেশৰ মুখ্য ন্যায়াধীশ শাৰদ অৰবিন্দ ববড়েক। মটৰ চাইকেল চলাই ভাল পোৱা দেশৰ মুখ্য ন্যায়াধীশগৰাকীয়ে এবাৰ চলাই চালে এখন আটক ধুনীয়া Harley Davidson বাইক। সংবাদ মাধ্যম আৰু সামাজিক মাধ্যমত এখন ফটোত দেখা পোৱা গৈছে ‘Limited Edition CVO 2020’ৰ ওপৰত ন্যায়াধীশ ববড়েক। বাইক মুখ্য ন্যায়াধীশ গৰাকীৰ বৰ প্ৰিয়। এক সাক্ষাৎকাৰত এই কথা উল্লেখ কৰি তেওঁ কৈছিল ডেকা কালত বুলেট চলোৱাৰ কথা।

কিন্তু মুখ্য ন্যায়াধীশগৰাকীয়ে ক’ত পালে এই ৫৬ লাখ টকাৰ বাইক খন? বাইকখন আচলতে তেওঁৰ নহয়। News18 Hindiত প্ৰকাশ পোৱা মতে, নাগপুৰৰ নিজা বাসগৃহৰ পৰা মৰ্ণিং ৱাকত ওলাই গৈছিল মুখ্য ন্যায়াধীশ ববড়ে। তেতিয়াই তেওঁৰ বাইকখনলৈ চকু গ’ল আৰু বাইকৰ মালিকৰ উপস্থিতিত এপাক চলাই চালে। Covid-19 মহামাৰীৰ কাৰণে তেওঁ ভালেকেইদিন ধৰি গৃহ চহৰ নাগপুৰতে আছে আৰু তাৰ পৰাই Video Conferencingৰ যোগেদি শুনানি গ্ৰহণ কৰি আছে।

আনহাতে, টুইটাৰত বাইকখন এজন বিজেপিৰ নেতাৰ পুত্ৰৰ বুলি বহুল চর্চা হৈছে। কিন্তু একাংশই মুখ্য ন্যায়াধীশগৰাকী বাইকৰ মালিকৰ বিষয়ে একেবাৰে অৱগত নহয় বুুুলিও মন্তব্য কৰিছে; তেওঁ মাথোঁ বাইকখন এবাৰ চলাই চাব বিচাৰিছিল।
First published: June 29, 2020, 6:47 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading