দিল্লী উচ্চ ন্যায়ালয়ৰ ন্যায়াধীশ হিচাপে পদোন্নতিৰ বাবে 'সমকামী' অধিবক্তা সৌৰভ কিৰপালৰ নাম পুনৰ বিবেচনা কৰিবলৈ উচ্চতম ন্যায়ালয়ৰ কলেজিয়ামক কেন্দ্ৰৰ আহ্বান

কেন্দ্ৰই ভাৰতৰ উচ্চতম ন্যায়ালয়ৰ কলেজিয়ামক জ্যেষ্ঠ অধিবক্তা সৌৰভ কিৰপাল যিয়ে মুকলিকৈ নিজকে সমকামী বুলি চিনাক্ত কৰিছিল, তেওঁক দিল্লী উচ্চ ন্যায়ালয়ৰ ন্যায়াধীশ হিচাপে পদোন্নতি প্ৰদান কৰাৰ পৰামৰ্শক পুনৰ বিবেচনা কৰিবলৈ আহ্বান জনাইছে।
দিল্লী উচ্চ ন্যায়ালয়ৰ ন্যায়াধীশ হিচাপে পদোন্নতিৰ বাবে বিগত ১৫ নৱেম্বৰত তদানীন্তন মুখ্য ন্যায়াধীশ এন ভি ৰমনা নেতৃত্বাধীন কলেজিয়ামে তেওঁৰ নাম পুনৰাবৃত্তি কৰাৰ এবছৰ পিছত এই বিষয়টো আহিছে। এক বিবৃতিত উচ্চতম ন্যায়ালয়ৰ কলেজিয়ামে কয় যে, উচ্চতম ন্যায়ালয়ে দিল্লী উচ্চ ন্যায়ালয়ৰ ন্যায়াধীশ হিচাপে পদোন্নতিৰ বাবে কিৰপালৰ নাম পুনৰাবৃত্তি কৰিছে।

উল্লেখ্য যে, প্ৰক্ৰিয়া চুক্তি অনুসৰি যদি উচ্চতম ন্যায়ালয়ে ইয়াৰ সিদ্ধান্ত পুনৰাবৃত্তি কৰে তেন্তে চৰকাৰে নামবোৰ অৱগত কৰিবলৈ বাধ্য।

বিশেষ সূত্ৰ অনুসৰি, উদ্ধৃত কাৰণটো তেওঁৰ যৌন অভিমুখীতা নহয় কিন্তু তেওঁৰ ইউৰোপীয় পাৰ্টনাৰ দেশৰ সুৰক্ষাৰ বিপদাশংকা হ'ব পাৰে বুলিহে এনে সিদ্ধান্ত লোৱা হৈছে বুলি উল্লেখ আছে।

মন কৰিবলগীয়া যে, চৰকাৰে আঙুলিয়াই দিছে যে কিৰপালৰ পাৰ্টনাৰ এজন ইউৰোপীয় যি চুইছ দূতাবাসত নিযুক্ত আৰু তেওঁ এই চাকৰিৰ আগতে চুইজাৰলেণ্ডস্থিত এটা সংগঠনৰ সৈতে কাম কৰি আছিল।

২০২১ চনৰ ফেব্ৰুৱাৰী মাহত উচ্চতম ন্যায়ালয়ৰ তদানীন্ত মুখ্য ন্যায়াধীশ ববডেই তেতিয়াৰ আইনমন্ত্ৰী ৰবি শংকৰ প্ৰসাদলৈ এখন পত্ৰ লিখি কিৰপালৰ নিযুক্তি সন্দৰ্ভত চোৰাংচোৱা তথ্যৰ ওপৰত চৰকাৰৰ স্থিতি বিচাৰিছিল। কেন্দ্ৰই কিৰপালৰ পাৰ্টনাৰৰ ৰাষ্ট্ৰীয়তা সম্পৰ্কে আপত্তি আছে বুলি কৈ পুনৰ লিখিছিল।

পৰৱৰ্তী সময়ত, উচ্চতম ন্যায়ালয়ৰ কলেজিয়ামে ২০১৯ চনৰ জানুৱাৰী, ২০১৯ চনৰ এপ্ৰিল আৰু ২০২০ চনৰ এপ্ৰিলত কিৰপালৰ পৰামৰ্শৰ ওপৰত ইয়াৰ সিদ্ধান্ত স্থগিত ৰাখে। ইফালে মাৰ্চ মাহত, দিল্লী উচ্চ ন্যায়ালয়ৰ সকলো ৩১ জন ন্যায়াধীশে তেওঁক জ্যেষ্ঠ অধিবক্তা হিচাপে বাছনি কৰে।