বৃদ্ধি হ’ব পাৰে ছোৱালীৰ বিয়াৰ বয়সৰ ন্যূনতম সীমা! সিদ্ধান্তৰ বাবে মোদী চৰকাৰে গঠন কৰিলে টাস্ক ফ’ৰ্চ

News18 Assam | News18-Assam
Updated:June 5, 2020, 11:11 AM IST
বৃদ্ধি হ’ব পাৰে ছোৱালীৰ বিয়াৰ বয়সৰ ন্যূনতম সীমা! সিদ্ধান্তৰ বাবে মোদী চৰকাৰে গঠন কৰিলে টাস্ক ফ’ৰ্চ
বিত্ত মন্ত্ৰী নিৰ্মলা সীতাৰমণে বাজেট ভাষণত উল্লেখ কৰিছিল যে মহিলাৰ মাতৃ হোৱাৰ সঠিক বয়সৰ বিষয়ে পৰামৰ্শ দিয়াৰ বাবে এক টাস্ক ফ’ৰ্চ গঠন কৰা হ’ব।

বিত্ত মন্ত্ৰী নিৰ্মলা সীতাৰমণে বাজেট ভাষণত উল্লেখ কৰিছিল যে মহিলাৰ মাতৃ হোৱাৰ সঠিক বয়সৰ বিষয়ে পৰামৰ্শ দিয়াৰ বাবে এক টাস্ক ফ’ৰ্চ গঠন কৰা হ’ব।

  • Share this:
মোদী চৰকাৰে ছোৱালীৰ বিয়া আৰু মাতৃত্বৰ সৈতে সম্পৰ্কিত এক গুৰুত্বপূৰ্ণ সিদ্ধান্ত গ্ৰহণ কৰিছে। চৰকাৰে ইয়াৰ বাবে এখন টাস্ক ফ’ৰ্চ গঠন কৰিছে। টাস্ক ফ’ৰ্চৰ মুখ্য কাম হ’ব বিয়া আৰু মাতৃ হোৱা মহিলা আৰু তেওঁলোকৰ শিশুৰ স্বাস্থ্য আৰু পুষ্টিৰ সৈতে কিমান সম্পৰ্ক আছে সেয়া সমীক্ষা কৰা। লগতে কেন্দ্ৰীয় চৰকাৰৰ দ্বাৰা গঠিত টাস্ক ফ’ৰ্চে ছোৱালীৰ বিয়াৰ বয়সৰো সমীক্ষা কৰিব। ছোৱালীৰ উচ্চ শিক্ষাত আৰু অধিক গুৰুত্ব দিয়াৰ পৰামৰ্শ দিয়াৰ বাবেও কোৱা হৈছে টাস্ক ফ’ৰ্চক।

টাস্ক ফ’ৰ্চে ৩১ জুলাইত নিজৰ ৰিপ’ৰ্ট দাখিল কৰিব। জয়া জেটলীৰ অধ্যক্ষতাত গঠিত এই টাস্ক ফ’ৰ্চত আছে ডাঃ ভি কে পাল, শিক্ষাবিদ নাজমা আখতাৰ, ৱসুধা কামাত আৰু দীপ্তি শ্বাহ।

উল্লেখযোগ্য যে বিত্ত মন্ত্ৰী নিৰ্মলা সীতাৰমণে বাজেট ভাষণত উল্লেখ কৰিছিল যে মহিলাৰ মাতৃ হোৱাৰ সঠিক বয়সৰ বিষয়ে পৰামৰ্শ দিয়াৰ বাবে এক টাস্ক ফ’ৰ্চ গঠন কৰা হ’ব। চৰকাৰৰ এই পদক্ষেপৰ আঁৰত উচ্চতম ন্যায়ালয়ৰ এক সিদ্ধান্ত আছে। বৰ্তমান সময়ত ছোৱালীৰ বিয়াৰ ন্যূনতম বয়স ১৮ বছৰ আৰু ল’ৰাৰ বাবে ২১ বছৰ।
First published: June 5, 2020, 11:11 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading