মধ্য প্ৰদেশত দুখন ৰে’লৰ মাজত মুখামুখি সংঘৰ্ষ, নিহত তিনিজন

মধ্য প্ৰদেশৰ ছিংৰৌলী জিলাত কয়লা পৰিবাহী দুখন ৰে’লৰ মাজত ভয়ংকৰ সংঘৰ্ষ। এই দুৰ্ঘটনাত তিনিজন লোকৰ মৃত্যু হৈছে। দুৰ্ঘটনাত ৰে’ল দুখনৰ কেইবাটাও ডবা লাইচ্যুত হয়। জানিব পৰা মতে, দুৰ্ঘটনাৰ ফলত ৰে’লৰ ইঞ্জিন দুটা সম্পূৰ্ণৰূপে ক্ষতিগ্ৰস্ত হয়। আৰক্ষীৰ মতে, তদন্তৰ পিছতহে পোহৰলৈ আহিব দুৰ্ঘটনাৰ কাৰণ।

দুৰ্ঘটনাগ্ৰস্ত ৰে’ল দুখন NTPCৰ মালিকানাধীন। পূব–মধ্য ৰে’লৱেৰ জনসম্পৰ্ক বিষয়াই কয় যে, দুৰ্ঘটনাৰ পিছতে NTPC–এ তদন্ত আৰম্ভ কৰিছে। তেওঁ স্পষ্ট কৰি দিয়ে যে এই দুৰ্ঘটনাৰ সৈতে ভাৰতীয় ৰে’লৱেৰ কোনো সম্পৰ্ক নাই।

#UPDATE Madhya Pradesh: 3 people dead after two cargo trains carrying coal collided earlier today in Singrauli. pic.twitter.com/TzXAFdHoGD

— ANI (@ANI) March 1, 2020

অৱশ্যে, NTPCৰ অনুৰোধত ক্ৰেনসহ প্ৰয়োজনীয় সামগ্ৰী যোগান ধৰা হৈছে।