দুই মিনিটত আপোনাৰ মেগি হওক বা নহওক, BSFএ সাজু কৰি তুলিব পাৰে টুকুৰা-টুকুৰ কৰি দিয়া গাড়ী, চাওক Video

টেলিভিছনত মেগি নুডলছ (Maggi Noodles)ৰ বিখ্যাত বিজ্ঞাপনটো ছাগে সকলোৰে মনত আছে। ভোকত চিঞৰ-বাখৰ কৰা কণমানিকেইটাক ২ মিনিটত মেগি বনাই আনি দিয়ে মাকে। অৱশ্যে বাস্তৱত দুই মিনিটত মেগি হয়নে নহয় অভিজ্ঞসকলে নিজেই জানে। পিছে আপোনাৰ মেগি দুই মিনিটত হওক বা নহওক ভাৰতৰ সীমান্ত সুৰক্ষা বাহিনী (Border Security Force) চমুকৈ BSFএ ২ মিনিটত সাজু কৰি তুলিব পাৰে টুকুৰা টুকুৰ কৰি পেলোৱা এখন বাহন। আপোনাৰ চকুৰ সন্মুখত কৰিব এই কাম।

শেহতীয়াকৈ BSFৰ এটা ভিডিঅ' ভাইৰেল হৈছে যিটোত BSFৰ জোৱানে এখন বাহন খুলি মেলি টুকুৰা টুকুৰ কৰাৰ পিছত আকৌ মাত্ৰ ২ মিনিটতে চলিব পৰাকৈ সাজু কৰি তুলিব পাৰে। বিশ্বাস হোৱা নাই যদি চাওক এই ভিডিঅ'

Chetak Drill

Watch Seema Praharis dismantle & reassemble a light motor vehicle in a demonstration of obstacle crossing during disaster response & operational scenario.

सीमा सुरक्षा बल - सर्वदा सतर्क #BSF #NationFirst #FirstLineofDefence pic.twitter.com/AxhMzhrgVM

— BSF (@BSF_India) April 7, 2022

৭ এপ্ৰিলত BSF দিৱস উপলক্ষে এই ভিডিঅ'টো টুইটাৰত শ্বেয়াৰ কৰিছিল বাহিনীৰ অফিচিেল হেণ্ডেলত। তাৰ পিছতে ভাইৰেল হৈ পৰে ভিডিঅ'টো। ২০২১ চনৰ এই ভিডিঅ'টোত গৃহ মন্ত্ৰী অমিত শ্বাহৰ সন্মুখত মাত্ৰ দুই মিনিটত এই অসম্ভৱ কাৰ্য সম্ভৱ কৰি তোলে BSFৰ দলে যাক দেখি আচৰিত হৈ পৰে অমিত শ্বাহো (Amit Shah)।