• Home
  • »
  • News
  • »
  • nation
  • »
  • BCCI ৰ ৩৬ সংখ্যক সভাপতিৰূপে নিৰ্বাচিত ৰজাৰ বিনী; অসমৰ দেৱজিত শইকীয়া যুটীয়া সম্পাদকৰূপে নিৰ্বাচিত

BCCI ৰ ৩৬ সংখ্যক সভাপতিৰূপে নিৰ্বাচিত ৰজাৰ বিনী; অসমৰ দেৱজিত শইকীয়া যুটীয়া সম্পাদকৰূপে নিৰ্বাচিত

BCCI ৰ ৩৬ সংখ্যক সভাপতিৰূপে নিৰ্বাচিত ৰজাৰ বিনী; অসমৰ দেৱজিত শইকীয়া যুটীয়া সম্পাদকৰূপে নিৰ্বাচিত

BCCI ৰ ৩৬ সংখ্যক সভাপতিৰূপে নিৰ্বাচিত ৰজাৰ বিনী; অসমৰ দেৱজিত শইকীয়া যুটীয়া সম্পাদকৰূপে নিৰ্বাচিত

অসম ক্ৰিকেট সংস্থাৰ সম্পাদক দেৱজিত শইকীয়া বিচিচিআইৰ যুটীয়া সম্পাদকৰূপে নিৰ্বাচিত হৈছে।

  • Share this:
মুম্বাইত অনুষ্ঠিত বিচিচিআইৰ বাৰ্ষিক সাধাৰণ অধিৱেশনৰ বৈঠকত সৌৰভ গাংগুলীয়ে ৰজাৰ বিনীক বিচিচিআইৰ সভাপতিৰ দায়িত্ব অৰ্পণ কৰে। খবৰ অনুসৰি, ১৯৮৩ চনৰ বিশ্বকাপ বিজয়ীগৰাকীয়ে বিনা প্ৰতিদ্বন্দ্বিতাৰে শীৰ্ষ পদবী লাভ কৰাৰ বিপৰীতে জয় শ্বাহ সম্পাদকৰূপে অব্যাহত আছে।

সৰ্বসন্মতিক্ৰমে নিৰ্বাচিত হোৱা বিচিচিআইৰ আন আন বিষয়ববীয়াসকলৰ ভিতৰত আছে সম্পাদক জয় শ্বাহ, আশীষ শ্বেলাৰ (কোষাধ্যক্ষ), ৰাজীৱ শুক্লা (উপ সভাপতি)। বিদায়ী কোষাধ্যক্ষ অৰুণ ধুমল হ’ব আই পি এলৰ নতুন অধ্যক্ষ।

উল্লেখযোগ্য যে, অসম ক্ৰিকেট সংস্থাৰ সম্পাদক দেৱজিত শইকীয়া বিচিচিআইৰ যুটীয়া সম্পাদকৰূপে নিৰ্বাচিত হৈছে।

পৰৱৰ্তী গোটৰ বিষয়ববীয়া নিৰ্বাচনটো আছিল কেৱল আনুষ্ঠানিকতা কাৰণ সকলোৱে বিনা প্ৰতিদ্বন্দ্বিতাকৈ নিৰ্বাচিত হৈছে। অৱশ্যে, সদস্যসকলে বিবেচনা কৰিব যে বিচিচিআইয়ে আইচিচিৰ আসনৰ বাবে প্ৰাৰ্থী প্ৰক্ষেপ কৰিব লাগে নে বৰ্তমানৰ গ্ৰেগ বাৰ্কলেক দ্বিতীয়টো কাৰ্যকালৰ বাবে সমৰ্থন কৰিব লাগে।


আই চি চিৰ শীৰ্ষ পদবীৰ বাবে মনোনয়ন দাখিলৰ শেষ তাৰিখ ২০ অক্টোবৰ। আই চি চি ব’ৰ্ডৰ বৈঠক ১১ৰ পৰা ১৩ নৱেম্বৰলৈ মেলবৰ্ণত অনুষ্ঠিত হ’ব।

বহু বিতৰ্কিত বি চি চি আইৰ পৰা গাংগুলীৰ প্ৰস্থানে ইতিমধ্যে কেৱল ক্ৰীড়াতে নহয় ৰাজনৈতিক ক্ষেত্ৰতো দৃষ্টি আকৰ্ষণ কৰিছে আৰু প্ৰাক্তন অধিনায়কগৰাকীক শীৰ্ষ পদৰ বাবে বিবেচনা কৰা হৈছে নে নাই সেয়া লক্ষণীয় হ'ব।

আন নামসমূহৰ ভিতৰত আছে ক্ৰীড়া মন্ত্ৰী অনুৰাগ ঠাকুৰ আৰু বিচিচিআইৰ প্ৰাক্তন সভাপতি এন শ্ৰীনিবাসন। শ্ৰীনিবাসনে প্ৰতিদ্বন্দ্বিতা কৰাৰ বাবে যোগ্য যদিও বয়স বিবেচনা কৰি বিচিচিআইয়ে তেওঁক পদবীৰ পৰা আঁতৰাব পাৰে নেকি সেয়া লক্ষণীয় হ’ব। উল্লেখযোগ্য যে, শ্ৰীনিবাসনৰ বয়স ৭৮ বছৰ।

১২ নৱেম্বৰত হিমাচল প্ৰদেশত একক পৰ্যায়ত নিৰ্বাচন অনুষ্ঠিত হ’ব বাবে আইচিচি ব’ৰ্ডৰ বৈঠকৰ সময়ত অনুৰাগ ঠাকুৰ ব্যস্ত থকাৰ সম্ভাৱনা আছে।

"আইচিচি ব’ৰ্ডৰ বৈঠকত জয় শ্বাহ যে ভাৰতৰ প্ৰতিনিধি হ’ব সেয়া প্ৰায় নিশ্চিত। কিন্তু সদস্যসকলে সিদ্ধান্ত লোৱাৰ প্ৰয়োজন যে আমি কাৰোবাক আইচিচিৰ অধ্যক্ষ হোৱাটো বিচাৰো নে নিউজিলেণ্ডৰ গ্ৰেগ বাৰ্কলেক দ্বিতীয় আৰু চূড়ান্ত কাৰ্যকাল সম্পূৰ্ণ কৰিবলৈ দিব বিচাৰো।"- বুলি নাম প্ৰকাশ নকৰাৰ চৰ্তত পিটিআইক এইদৰে কয় বিচিচিআইৰ এজন জ্যেষ্ঠ বিষয়াই।
Published by:Subham Goswami
First published:

শেহতীয়া বাতৰি