প্ৰেয়সীৰ বাবে ৩ কোটি টকা খৰছ কৰা নটৱৰলাল পৰিল আৰক্ষীৰ জালত, এটিএম কাৰ্ড সলাই কৰিছিল প্ৰৱঞ্চনা

প্ৰেয়সীৰ বাবে ৩ কোটি টকা খৰচ কৰি চৰ্চালৈ অহা নটৱৰলাল বজৰং বাহাদুৰ ওৰফে সাৱন সিঙক উত্তৰ প্ৰদেশ আৰক্ষীয়ে গ্ৰেপ্তাৰ কৰিছে। আৰক্ষীয়ে তেওঁৰ পৰা জব্দ কৰিছে এখন টাটা ছাফাৰী গাড়ী আৰু অবৈধ অস্ত্ৰ। গোপন সূত্ৰৰ তথ্যৰ ভিত্তিত আৰক্ষীয়ে চেক কৰাৰ বাবে নম্বৰ প্লেট ভাঙি যোৱা সন্দেহযুক্ত ছাফাৰীখনক ৰখাব বিচাৰিছিল, তাৰ পিছত তেওঁ তীব্ৰ বেগত ছাফাৰীখন লৈ পলাবলৈ চেষ্টা কৰিছিল, তাৰ পিছত আৰক্ষীয়ে খেদি খেদি কেণ্টনমেণ্টৰ হনুমানগঞ্জ টিৰাহেৰ পৰা গ্ৰেপ্তাৰ কৰে থানালৈ লৈ আনে।

আৰক্ষীৰ জেৰাত পোহৰলৈ আহিছে যে আৰক্ষীৰ জালত পৰা প্ৰৱঞ্চকজন হৈছে এটিএম কাৰ্ড সলনি কৰি মানুহক প্ৰতাৰণা কৰা নটৱাৰলাল বজৰংগ বাহাদুৰ। তেওঁ আগতে মুম্বাইৰ পৰা নিজৰ গেং চলাইছিল আৰু তেওঁৰ গেঙে সমগ্ৰ দেশতে এটিএম কাৰ্ড সলনি কৰি মানুহক ঠগিছিল। ধৃত গেং নেতা বজৰং প্ৰতাপগড় জিলাৰ জেথৱাৰৰ বাসিন্দা আৰু কানপুৰ বিশ্ববিদ্যালয়ৰ স্নাতক।

২০২০ চনত প্ৰয়াগৰাজ আৰক্ষীয়ে গ্ৰেপ্তাৰ কৰি প্ৰকাশ কৰিছিল

নাৰীৰ প্ৰতি আসক্তিৰ বাবেই তেওঁ তেতিয়াই চৰ্চালৈ আহিছিল, যেতিয়া ২০২০ চনৰ ১২ ডিচেম্বৰত প্ৰয়াগৰাজ আৰক্ষীয়ে তেওঁক গ্ৰেপ্তাৰ কৰি জেললৈ প্ৰেৰণ কৰে। তাৰপিছত তেওঁ জেৰাৰ সময়ত প্ৰকাশ কৰিছিল যে তেওঁ বাৰ গাৰ্লফ্ৰেণ্ডৰ ওপৰত ৩ কোটি টকা ব্যয় কৰিছিল, নিজৰ বিলাসীতাৰ বাবে তেওঁ এ টি এম কাৰ্ড সলনি কৰি এটা ডাঙৰ প্ৰৱঞ্চকৰ দল বনাইছিল আৰু লাহে লাহে তেওঁৰ দলটোৱে গোটেই দেশতে কাম কৰিবলৈ আৰম্ভ কৰিছিল। তেওঁলোকৰ যি টকা সংগ্ৰহ হৈছিল সেই ধনৰ অংশ গেঙৰ মুৰব্বী বজৰং বাহাদুৰে লাভ কৰিছিল আৰু সেই ধনেৰে তেওঁ বিলাসীতা আৰু বাৰৰ প্ৰেমিকাৰ নামত খৰছ কৰিছিল।

বস্তি আৰক্ষীয়েও বহু দিন ধৰি বিচাৰি আছিল নটৱৰলালক
উল্লেখযোগ্য যে এই গেঙে টাউনশ্বিপৰ বহু ঠাইত এটিএম সলনি কৰি জালিয়াতি কৰিছে, ২৬ আগষ্টত তেওঁ পকুৱালিয়া থানা এলেকাত আৰক্ষীক প্ৰতাৰণা কৰি পলায়ন কৰিছিল, আৰক্ষীয়ে বহু দিন এই গেংটো বিচাৰি আছিল, গোপন সূত্ৰৰ তথ্যৰ ভিত্তিত আৰক্ষীয়ে গেংটোৰ নেতাক গ্ৰেপ্তাৰ কৰে, আৰক্ষীয়ে গ্ৰেপ্তাৰ অভিযুক্তৰ বিৰুদ্ধে গোচৰ ৰুজু কৰি তদন্ত চলাই আছে, চি অ’ শেশামণি উপাধ্যায়ে কয় যে প্ৰবঞ্চকজনক গ্ৰেপ্তাৰ কৰি জেললৈ প্ৰেৰণ কৰা হৈছে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।