পিষ্টল লৈ Tik Tok কৰি থাকোতে ভুলতে চলিল গুলী, থিতাতে নিহত ছাত্ৰ

News18 Assam | News18-Assam
Updated:January 14, 2020, 6:27 PM IST
পিষ্টল লৈ Tik Tok কৰি থাকোতে ভুলতে চলিল গুলী, থিতাতে নিহত ছাত্ৰ

  • Share this:
উত্তৰ প্ৰদেশৰ বৰেলীৰ হাফিজগঞ্জ এলেকাত লাইচেঞ্চ থকা পিষ্টল মুৰত লগাই টিকটক ভিডিও কৰি থকা এজন সৈনিকৰ ইণ্টাৰমিডিয়েটত অধ্যয়নৰত ছাত্ৰৰ অকাল মৃত্যুৱে চাঞ্চল্যৰ সৃষ্টি কৰিছে। ভিডিও কৰিবলৈ বিচৰা ল’ৰাটোক লাইচেঞ্চ থকা পিষ্টল আলমাৰীৰ উলিয়াই দিছিল নিজৰ মাতৃয়ে। কিছুসময়ৰ পিছত ল’ৰাটোৰ ৰূমৰ পৰা গুলীচালনাৰ শব্দ অহাত মাতৃয়ে দৌৰি গৈ দেখে যে ভিতৰত পুত্ৰ নিষ্প্ৰাণ হৈ মজিয়াত পৰি আছিল। পৰৱৰ্তী সময়ত পৰিয়ালে পোষ্টমৰ্টেম কৰাবলৈও অস্বীকাৰ কৰে। আৰক্ষীক মৃতদেহ নিবলৈও নিদিয়ে। সোমবাৰে পিতৃ চাকৰিৰ পৰা উভতি অহাৰ পিছতে কিশোৰজনৰ অন্তিম সৎকাৰ কৰি দিয়া হয়। গাঁৱবাসীয়ে জনোৱা মতে ল’ৰাজনৰ ফেচবুক আৰু হোৱাটছএপ একাউণ্টৰ প্ৰফাইল ফটো সলনি কৰাৰ যথেষ্ট চখ আছিল।

লাইচেঞ্চ থকা পিষ্টলেৰে চলিছিল গুলী

জানিব পৰা মতে মুড়িয়া গাঁৱৰ ভিকমপুৰ নিবাসী সৈনিক বীৰেন্দ্ৰ কুমাৰে শেহতীয়াকৈ ৰুৰকীত কৰ্তব্যৰত অৱস্থাত আছে। গাঁৱত তেওঁৰ পত্নী গায়ত্ৰী দেৱী আৰু দুটি সন্তান কেশৱ আৰু প্ৰিয়াংশী থাকে। ১৮বছৰীয়া পুত্ৰ কেশৱ হায়াৰ ছেকেণ্ডাৰীৰ ছাত্ৰ। যেন মৰণেহে টানি নিছিল কেশৱক! মৃত্যুৰ দিনা পুৱাৰে পৰা কেশৱে লাইচেঞ্চ থকা পিষ্টলটো বিচাৰি কুটুৰি আছিল। গায়ত্ৰী দেৱীয়ে পুত্ৰক পিষ্টলটো সেইমতে বিশেষ চিন্তা নকৰাকৈ উলিয়াই দিছিল। কেশৱে পিষ্টল লৈ নিজৰ ৰুমত সুমোৱাৰ পিছতে গুলীচালনাৰ শব্দ আহে আৰু মাকে গৈ চাইমানে পুত্ৰ মজিয়াত ধৰফৰাই আছিল। মুৰৰ খোলাত গুলী লাগিছিল কেশৱৰ। লগে লগে কেশৱক বৰেলীৰে এখন হাস্পতাললৈ নিয়া হয় যদিও চিকিৎসকে তেওঁক মৃত ঘোষণা কৰে। পৰিয়ালে কোনো ধৰনৰ আইনী ব্যৱস্থা গ্ৰহণ কৰিবলৈ অস্বীকাৰ কৰে আৰু আৰক্ষীয়েও এই ঘটনাক টিকটকৰ ভিডিও বনাওতে হোৱা মৃত্যু বুলিয়ে গণ্য কৰিছে। মৰণোত্তৰ পৰীক্ষা নকৰাকৈ কেশৱৰ শেষকৃত্য সম্পন্ন কৰা হয়।
আৰু চাওক
পৰৱৰ্তী বাতৰি
corona virus btn
corona virus btn
Loading