বাংলাদেশত সামগ্ৰী উৎপাদন কৰি উত্তৰ পূৱত বিক্ৰী কৰিবলৈ ভাৰতীয় উদ্যোগীক আহ্বান শ্বেখ হাছিনাৰ

দিল্লীত মন্তব্য শ্বেখ হাছিনাৰ।

News18
Updated:October 5, 2019, 1:04 PM IST
বাংলাদেশত সামগ্ৰী উৎপাদন কৰি উত্তৰ পূৱত বিক্ৰী কৰিবলৈ ভাৰতীয় উদ্যোগীক আহ্বান শ্বেখ হাছিনাৰ
দিল্লীত মন্তব্য শ্বেখ হাছিনাৰ।
News18
Updated: October 5, 2019, 1:04 PM IST
পাৰ্থ জ্যোতি বৰা, নতুন দিল্লীঃ দিল্লীত India Economic Summit ত অংশগ্ৰহণ কৰি শুকুৰবাৰে বাংলাদেশৰ প্ৰধানমন্ত্ৰী শ্বেখ হাছিনাই ভাৰতীয় উদ্যোগ প্ৰতিষ্ঠান সমূহক বাংলাদেশত বিনিয়োগ কৰিবলৈ আহ্বান জনায় । কেন্দ্ৰীয় বাণিজ্য মন্ত্ৰী পিয়ুষ গোৱেলৰ উপস্থিতিত হাছিনাই ভাৰতীয় ব্যৱসায়ীক উদ্যোগ প্ৰতিষ্ঠা কৰিবলৈ তথা উৎপাদিত সামগ্ৰী বাংলাদেশৰ যোগেদি বিক্ৰী কৰিবলৈ আহ্বান জনায় । বাংলাদেশত উৎপাদিত সামগ্ৰী তেওঁলোকে উত্তৰ পূৱৰ ৰাজ্য কেইখনত বিক্ৰী কৰিব পাৰিব বুলিও মন্তব্য কৰে হাচিনাই ।

বিনিয়োগ আৰু বিক্ৰীৰ সুবিধাৰ কাৰণে চুবুৰীয়া দেশ খনে ১০০ টা বিশেষ অৰ্থনৈতিক জ’ন নির্মাণৰ অনুমোদন জনাইছে আৰু তাৰে ১২ টা ইতিমধ্যে কাৰ্যক্ষম হৈ উঠিছে বুলি দাবী কৰিছে বাংলাদেশৰ প্রধানমন্ত্ৰী গৰাকীয়ে।

ভাৰতীয় উদ্যোগীয়ে উত্তৰ পূৱত বিনিয়োগ নকৰি বাংলাদেশত সামগ্ৰী উৎপাদন কৰি উত্তৰ পূৱক মাথো বজাৰ হিচাপে গণ্য কৰাৰ দিশত হাচিনাই কৰা এই মন্তব্যই তীব্র প্ৰতিক্ৰিয়া সৃষ্টি কৰিছে ।
আৰু চাওক পৰৱৰ্তী বাতৰি