ৰাজ্যৰ অন্যতম প্ৰকাশন গোষ্ঠী "বনলতা"ৰ স্বত্বাধিকাৰী মাখন হাজৰিকা আৰু নাই

News18 Assam | News18-Assam
Updated:February 21, 2021, 1:24 PM IST
ৰাজ্যৰ অন্যতম প্ৰকাশন গোষ্ঠী
কিছুদিনৰে পৰা স্বাস্থ্যজনিত কাৰণত নিজ ঘৰতে চিকিৎসাধীন হৈ আছিল মাখন হাজৰিকা

কিছুদিনৰে পৰা স্বাস্থ্যজনিত কাৰণত নিজ ঘৰতে চিকিৎসাধীন হৈ আছিল মাখন হাজৰিকা

  • Share this:
অসমৰ আগশাৰীৰ গ্ৰন্থ প্ৰকাশক আৰু বিক্ৰেতা প্ৰতিষ্ঠান বনলতাৰ স্বত্বাধিকাৰী মাখন হাজৰিকা(৭৪)ই শনিবাৰে ডিব্ৰুগড়ৰ পূৱ মিলন নগৰৰ নিজা বাসভৱনত শেষ নিশ্বাস ত্যাগ কৰে। কিছুদিনৰে পৰা স্বাস্থ্যজনিত কাৰণত নিজ ঘৰতে চিকিৎসাধীন হৈ থকা মাখন হাজৰিকাই শুকুৰবাৰে নিশা দুগৰাকীমান সাহিত্যিকৰ সৈতে আলাপ আলোচনা কৰি থাকোতেই হঠাৎ ঢলি পৰে আৰু লগে লগে মৃত্যুক আঁকোৱালি লয়। মৃত্যুৰ সময়ত পত্নী,পুত্ৰ আৰু ভাতৃসহ ভালেসংখ্যক আত্মীয় স্বজনক এৰি থৈ যায়।

সুৰ্দীৰ্ঘকাল গ্ৰন্থ প্ৰকাশ আৰু বিক্ৰীৰ সৈতে জড়িত প্ৰয়াত সৰ্ব্বেশ্বৰ হাজৰিকা তথা ফুল হাজৰিকাৰ পুত্ৰ মাখন হাজৰিকাই ১৯৪৭ চনত মাজুলীত জন্ম গ্ৰহণ কৰি খুৰাক চন্দ্ৰ কান্ত হাজৰিকাৰ সৈতে ডিব্ৰুগড়লৈ আহে আৰু ১৯৭২ চনত ডিব্ৰুগড়ত বনলতা নামেৰে এখন গ্ৰন্থৰ বিপনী চহৰৰ নতুন বজাৰত স্থাপন কৰে।

তাৰ পিছৰ পৰাই সমগ্ৰ অসমত নিজৰ ব্যৱসায় সম্প্ৰসাৰণ ঘটাবলৈ সক্ষম হৈছিল মাখন হাজৰিকা।মৃত্যুৰ সময়ত পত্নী ৰুলী হাজৰিকা,পুত্ৰ প্ৰদ্যুৎ হাজৰিকা,বোৱাৰী বিদিশা হাজৰিকাকে ধৰি অনেক গুণমুগ্ধক এৰি থৈ যায়। তেখেতৰ মৃত্যুত সমগ্ৰ ডিব্ৰুগড়তে গভীৰ শোকৰ ছাঁ পৰিছে।
Published by: Himangshu Bhuyan
First published: February 21, 2021, 1:24 PM IST
আৰু চাওক
পৰৱৰ্তী বাতৰি

শেহতীয়া বাতৰি