অযোধ্যা বিবাদৰ শুনানি সম্পূৰ্ণ, আজি গোচৰটোৰ সংশ্লিষ্ট দিশসমূহ আলোচনা কৰিব বিচাৰপীঠে

ৰাজনৈতিক দৃষ্টিকোণৰ পৰা অত্যন্ত সংবেদনশীল এই বিষয়টোৰ ওপৰত ১৭ নৱেম্বৰৰ পূৰ্বে ৰায় দিয়াৰ সম্ভাৱনা আছে। কিয়নো ১৭ নৱেম্বৰত অৱসৰ গ্ৰহণ কৰিব মুখ্য ন্যায়াধীশ ৰঞ্জন গগৈয়ে।

News18-Assam
Updated:October 17, 2019, 8:38 AM IST
অযোধ্যা বিবাদৰ শুনানি সম্পূৰ্ণ, আজি গোচৰটোৰ সংশ্লিষ্ট দিশসমূহ আলোচনা কৰিব বিচাৰপীঠে
ৰাজনৈতিক দৃষ্টিকোণৰ পৰা অত্যন্ত সংবেদনশীল এই বিষয়টোৰ ওপৰত ১৭ নৱেম্বৰৰ পূৰ্বে ৰায় দিয়াৰ সম্ভাৱনা আছে। কিয়নো ১৭ নৱেম্বৰত অৱসৰ গ্ৰহণ কৰিব মুখ্য ন্যায়াধীশ ৰঞ্জন গগৈয়ে।
News18-Assam
Updated: October 17, 2019, 8:38 AM IST
অযোধ্যাৰ ভূমি বিবাদক লৈ উচ্চতম ন্যায়ালয়ত ৬ আগষ্টৰ পৰা চলি থকা শুনানি বুধবাৰে সম্পূৰ্ণ হয়। এতিয়া উচ্চতম ন্যায়ালয়ৰ সংবিধান পীঠে বৃহস্পতিবাৰে পুনৰ একত্ৰিত হ’ব। সূত্ৰ অনুসৰি, পাঁচজন ন্যায়াধীশৰে গঠিত বিচাৰপীঠে আজি বন্ধ বিচাৰকক্ষত মিলিত হ’ব। এই বৈঠকত উচ্চতম ন্যায়ালয়ৰ মধ্যস্থতা পেনেলৰ প্ৰতিবেদনক লৈ পৰৱৰ্তী পদক্ষেপক লৈ আলোচনা কৰিব।

ইফালে, ন্যায়ালয়ে ছুন্নী ৱাকফ ব’ৰ্ডৰ দাবী প্ৰত্যাহাৰক লৈ আলোচনা কৰাৰ সম্ভাৱনা আছে। মধ্যস্থতা পেনেলৰ প্ৰতিবেদন ৰাজহুৱা কৰা প্ৰয়োজন আছেনে নাই সেই বিষয়টোক লৈও এই বৈঠকত আলোচনা কৰা হ’ব।

দেশৰ মুখ্য ন্যায়াধীশ ৰঞ্জন গগৈৰ নেতৃত্বত পাঁচজনীয়া বিচাৰপীঠে এলাহাবাদ উচ্চ ন্যায়ালয়ে ২০১০ চনৰ ছেপ্টেম্বৰত দিয়া ৰায়ৰ বিৰুদ্ধে দাখিল হোৱা আবেদনৰ ওপৰত ৬ আগষ্টৰ পৰা দৈনিক শুনানি গ্ৰহণ কৰে। ৪০ দিন ধৰি চলিল এই গোচৰৰ শুনানি। বিভিন্ন পক্ষই নিজৰ নিজৰ মতামত দাখিল কৰে ন্যায়ালয়ত।

ৰাজনৈতিক দৃষ্টিকোণৰ পৰা অত্যন্ত সংবেদনশীল এই বিষয়টোৰ ওপৰত ১৭ নৱেম্বৰৰ পূৰ্বে ৰায় দিয়াৰ সম্ভাৱনা আছে। কিয়নো ১৭ নৱেম্বৰত অৱসৰ গ্ৰহণ কৰিব মুখ্য ন্যায়াধীশ ৰঞ্জন গগৈয়ে।
NEWS18 অসম সকলো খবৰ সকলোতকৈ আগত। প্ৰতি মুহূৰ্তৰ খবৰ পাবলৈ YouTube Facebook আৰু Twitter ত আমাক ফল’ কৰক।
আৰু চাওক পৰৱৰ্তী বাতৰি