உங்கள் மாவட்டத்தைத் தேர்வுசெய்க

    • Home
    • »
    • News
    • »
    • nation
    • »
    • Assembly Election 2022: দিলীপ শইকীয়াৰ গণিত! 'পাঁচৰ ভিতৰত পাঁচ' পোৱাৰ দাবী বিজেপিৰ

    Assembly Election 2022: দিলীপ শইকীয়াৰ গণিত! 'পাঁচৰ ভিতৰত পাঁচ' পোৱাৰ দাবী বিজেপিৰ

    তথ্য প্ৰযুক্তি, সামাজিক মাধ্যমেৰে ভোটাৰৰ কাষ চাপিছে বিজেপি 

    তথ্য প্ৰযুক্তি, সামাজিক মাধ্যমেৰে ভোটাৰৰ কাষ চাপিছে বিজেপি 

    তথ্য প্ৰযুক্তি, সামাজিক মাধ্যমেৰে ভোটাৰৰ কাষ চাপিছে বিজেপি 

    • Share this:

    সন্মুখত পাঁচ ৰাজ্যৰ নিৰ্বাচন ৷ নিৰ্বাচনৰ ঠিক আগে আগে উত্তৰ প্ৰদেশত বিজেপি এৰি আন দলৰ শৰণাপন্ন হৈছে মন্ত্ৰী-বিধায়ক ৷ কিন্তু এইবোৰ কথাই হেনো ক্ষতি নকৰে বিজেপিৰ ৷ বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়াৰ দাবী পাঁচৰ ভিতৰত পাঁচেই পাব বিজেপিয়ে ৷ লগতে ক'লে, বিজেপিয়ে এইবাৰ ডিজিটেল মাধ্যমৰ কৰিব বহুল ব্যৱহাৰ।


    ইতিমধ্যে উত্তৰ প্ৰদেশ, উত্তৰাখণ্ড, গোৱা,পঞ্জাব আৰু চুবুৰীয়া ৰাজ্য মণিপুৰৰ নিৰ্বাচনৰ দিন ঘোষণা কৰিছে নিৰ্বাচন আয়োগে ৷ নিৰ্বাচনৰ দিন ঘোষণাৰ পূৰ্বৰে পৰা এই পাঁচোখন ৰাজ্যত নিৰ্বাচনী কুচকাৱাজ অব্যাহত ৰখা প্ৰত্যেকটো ৰাজনৈতিক দল এতিয়া নিৰ্বাচনী প্ৰচাৰত উঠি-পৰি লাগিছে ৷ কিন্তু কোভিডসৃষ্ট পৰিৱেশৰ বাবে কোনো এটা ৰাজনৈতিক দলে চমকপ্ৰদ নিৰ্বাচনী সভা অনুষ্ঠিত কৰিব পৰা নাই ৷


    এনে স্থলত নিৰ্বাচনী প্ৰচাৰৰ অন্যতম পন্থা হৈ পৰিছে তথ্য-প্ৰযুক্তিৰ বহুল প্ৰয়োগৰ লগতে সামাজিক মাধ্যমসমূহৰ ব্যৱহাৰ ৷ বিজেপিয়ে এইক্ষেত্ৰত সামাজিক মাধ্যমৰ জৰিয়তে 'মেন টু মেন' সংযোগ গঢ়ি তুলিছে ৷ ব্যৱহাৰ কৰিছে তথ্য প্ৰযুক্তিৰ প্ৰতিটো আহিলা ৷ হাতত থকা চাৰিখন ৰাজ্যৰ লগতে পঞ্জাৱতো জয়ৰ লক্ষ্যৰে নিৰ্বাচনী যুঁজত নমা গেৰুৱা দলটোৰ ২১টা বিভিন্ন বিভাগে দিনে নিশাই কৰিছে সৰু সৰু বুথ সভা ৷


    যোগী আদিত্য নাথক ব্ৰেণ্ড হিচাপে লৈ উত্তৰ প্ৰদেশত নিৰ্বাচনী যুঁজত নমা বিজেপিৰ দাবী উত্তৰ প্ৰদেশত 'আকৌ এবাৰ তিনিশ পাৰ' ৷ উত্তৰাখণ্ডত পুষ্কৰ সিং ধামী আৰু উত্তৰ প্ৰদেশত যোগী আদিত্যনাথেই পুনৰ মুখ্যমন্ত্ৰী হোৱাৰ ইংগিত দিলে ৰাষ্ট্ৰীয় নেতা দিলীপ শইকীয়াই ৷ ইয়াৰ বিপৰীতে গোৱাত প্ৰমোদ শাৱন্ত আৰু মণিপুৰত এন বীৰেন সিং মুখ্যমন্ত্ৰীৰ প্ৰাৰ্থী হ'বনে নহয় খুলি নক'লে বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়াই ৷


    আনহাতে শেহতীয়াকৈ উত্তৰ প্ৰদেশত বিজেপি এৰি আন দললৈ যোৱা-মন্ত্ৰী বিধায়কৰ বাবে নিৰ্বাচনত কোনো প্ৰভাৱ নপৰে বুলি মন্তব্য কৰিলে সাংসদ শইকীয়াই ৷ শইকীয়াৰ মতে, টিকট বঞ্চিত হ'ব বুলি আশংকা কৰি দল এৰা মানুহৰ পৰা ক্ষতি দলৰ আগতেও হোৱা নাছিল, এতিয়াও নহয় ৷ দিলীপ শইকীয়াৰ কথাত প্ৰকাশ পোৱা প্ৰৱল আত্মবিশ্বাস নিৰ্বাচনী ফলাফলত মিলে নে নিমিলে সেয়া সময়েহে স্পষ্ট কৰিব ৷

    Published by:Gautam Barman
    First published: