বেংগালুৰুত নিখোজ অসমৰ ৬ বছৰীয়া শিশু, পৰি যোৱাৰ সন্দেহত ২০দিনে নলাৰ আগত পিতৃ–মাতৃ

News18 Assam | News18-Assam
Updated:July 31, 2020, 9:12 AM IST
বেংগালুৰুত নিখোজ অসমৰ ৬ বছৰীয়া শিশু, পৰি যোৱাৰ সন্দেহত ২০দিনে নলাৰ আগত পিতৃ–মাতৃ
যোৱা জুলাইৰ ১০ তাৰিখে নিখোজ হোৱা ভূমিকা দুৰ্ঘটনাবশতঃ  নলাত পৰাৰ আশংকা।

যোৱা জুলাইৰ ১০ তাৰিখে নিখোজ হোৱা ভূমিকা দুৰ্ঘটনাবশতঃ  নলাত পৰাৰ আশংকা।

  • Share this:
অসমৰ ধেমাজি জিলাৰ নিত্যানন্দ কুলি আৰু বনি কুলি যোৱা ২০ দিন ধৰি প্ৰত্যেক দিনাই থিয় হয় গৈ বেংগালুৰুৰ এটা নলাত । জানোচা তেওঁলোকৰ ৬ বছৰীয়া কন্যা সন্তানৰ কিবা বতৰা পাইয়েই । কুলি দম্পতীৰ জীয়াৰী ভূমিকা কুলি যোৱা ২০ দিন ধৰি নিখোজ হৈ আছে ।

বেংগালুৰু মহানগৰৰ Whitefield Divisionৰ মাৰাথাহাল্লী অঞ্চলত পিতৃ মাতৃৰ লগতে এটা অস্থায়ী আশ্ৰয়-স্থলীত বসবাস কৰিছিল কণমানি ভূমিকাই । ঘৰৰ সমীপতে আছে এটা নলা । নলাটোৰ মুখত প্ৰতিৰোধ প্ৰাচীৰ আছে যদিও প্ৰাচীৰৰ বহু স্থানত বৃহৎ-বৃহৎ ছিদ্ৰ । সেয়ে যোৱা জুলাইৰ ১০ তাৰিখে নিখোজ হোৱা ভূমিকা দুৰ্ঘটনাবশতঃ  নলাত পৰাৰ আশংকা কৰিছে নিত্যানন্দই ।

নিত্যানন্দই ইংৰাজী দৈনিক টাইমচ অৱ ইণ্ডিয়াক জনোৱা মতে ৬ বছৰীয়া শিশুটো নলাত পৰা সন্দেহ কৰি স্থানীয় National Disaster Response Force-এ ৬ দিন ধৰি নলাৰ ১২ কিলোমিটাৰ পৰ্যন্ত শিশুটি বিচাৰি চলাথ কৰিলে কিন্তু কোনো শুংসূত্ৰ নাপালে । সমীপৰ আৰক্ষী থানা সমূহেও পোৱা নাই কোনো সম্ভেদ ।

নিত্যানন্দই জনোৱা মতে পিতৃ-মাতৃ দুয়ো দৈনিক অপেক্ষা কৰে নলাটোৰ মুখত; জানোচা কিবা সম্ভেদ পায়েই জীয়ৰীৰ ।

৫ বছৰৰ আগতে কুলি দম্পতী বেংগালুৰুলৈ আহিছিল । প্ৰথমতে চহৰখনত দিনা হাজিৰা কৰি পেট মোকলাইছিল পৰিয়ালটোৱে । তাৰ পাছত এটা এপাৰ্টমেণ্টত হাউচ কীপিং ষ্টাফ হিচাপে কৰ্মৰত হৈ আছে দুয়ো । অসমৰ পৰিয়ালৰ লোকে দুয়োকে ঘৰলৈ গুচি আহিবলৈ জোৰ দি আছে । কিন্তু ভুমিকাৰ সন্ধান নোপোৱা লৈকে অসমলৈ নাযায় বুলি জানিবলৈ দিছে নিত্যানন্দই ।
First published: July 31, 2020, 9:12 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading