• Home
  • »
  • News
  • »
  • nation
  • »
  • অৰবিন্দ কেজৰিৱালে আজি দিব সংখ্যাগৰিষ্ঠতাৰ পৰীক্ষা; প্ৰমাণ কৰিব যে সকলো আপ বিধায়ক তেওঁৰ সৈতে আছে

অৰবিন্দ কেজৰিৱালে আজি দিব সংখ্যাগৰিষ্ঠতাৰ পৰীক্ষা; প্ৰমাণ কৰিব যে সকলো আপ বিধায়ক তেওঁৰ সৈতে আছে

বিজেপিয়ে ‘অপাৰেচন লোটাছ’ৰ ষড়যন্ত্ৰৰে মধ্য প্ৰদেশ, মহাৰাষ্ট্ৰ আৰু কৰ্ণাটকৰ দৰে আপৰ চৰকাৰ পেলাবলৈ চেষ্টা কৰিছে- কেজৰিৱাল।

বিজেপিয়ে ‘অপাৰেচন লোটাছ’ৰ ষড়যন্ত্ৰৰে মধ্য প্ৰদেশ, মহাৰাষ্ট্ৰ আৰু কৰ্ণাটকৰ দৰে আপৰ চৰকাৰ পেলাবলৈ চেষ্টা কৰিছে- কেজৰিৱাল।

বিজেপিয়ে ‘অপাৰেচন লোটাছ’ৰ ষড়যন্ত্ৰৰে মধ্য প্ৰদেশ, মহাৰাষ্ট্ৰ আৰু কৰ্ণাটকৰ দৰে আপৰ চৰকাৰ পেলাবলৈ চেষ্টা কৰিছে- কেজৰিৱাল।

  • Share this:
দিল্লীৰ মুখ্যমন্ত্ৰী অৰবিন্দ কেজৰিৱালে আজি সদনত আস্থা ভোট গ্ৰহণ কৰি আম আদমী পাৰ্টিৰ (আপ) সকলো বিধায়ক তেওঁৰ সৈতে আছে বুলি প্ৰমাণ কৰিব যদিও তেওঁ দাবী কৰে যে বিজেপিয়ে তেওঁৰ দল ভাঙি তেওঁৰ চৰকাৰক উৎখাত কৰাৰ প্ৰয়াস কৰিছে।

অৰবিন্দ কেজৰিৱালে কয় যে তেখেতে সংখ্যাগৰিষ্ঠতাৰ পৰীক্ষা দিব বিচাৰিছে যাতে তেওঁ প্ৰমাণ কৰিব পাৰে যে তেওঁৰ দলৰ বিধায়কসকল কোনো কাৰণতে তেওঁক নেওচি প্ৰলোভনৰ বলি নহয়। তেওঁ অভিযোগ কৰিছে যে বিজেপিয়ে তেওঁৰ বিধায়কসকলক দিল্লীত "অপাৰেচন লোটাছ" ৰে তেওঁৰ চৰকাৰ ভংগ কৰাৰ পৰিকল্পনাৰ অংশ হিচাপে দল সলনি কৰিবলৈ আপৰ বিধায়কসকলক ২০ কোটি টকাৰ প্ৰস্তাৱ আগবঢ়াইছে।

মন কৰিবলগীয়া যে, বিগত সপ্তাহত অৰবিন্দ কেজৰিৱালৰ ঘৰত অনুষ্ঠিত হোৱা বৈঠকত দিল্লীত আপৰ ৬২ জন বিধায়কৰ ৫৩ জন উপস্থিত আছিল। কেজৰিৱালে কয় যে, বাকী থকা বিধায়কসকলে ভাৰ্চৱেলী অৰ্থাত্‍ ভিডিঅ’ৰ যোগেদি বৈঠকত যোগদান কৰিছিল আৰু পাছত তেখেতে বিধায়কসকলৰ সৈতে মহাত্মা গান্ধীৰ স্মাৰক ৰাজঘাটলৈ গৈছিল।

ৰাজঘাট ভ্ৰমণ কৰাৰ পাছত কেজৰিৱালে কৈছিল যে,আপৰ ৪০ জন বিধায়কক দল ত্যাগ কৰিবলৈ বিজেপিয়ে উৎকোচ দিবলৈ চেষ্টা কৰি থকা হৈছে বুলি তেওঁ শুনিবলৈ পাইছে, কিন্তু তেওঁ সুখী যে এজনো বিধায়কে হাৰ মানি লোৱা নাই।

কেজৰিৱালে লগতে কৈছিল যে, তেওঁ বিজেপিৰ 'অপাৰেচন লোটাছ'ৰ বিফলতাৰ বাবে প্ৰাৰ্থনা কৰিবলৈ ৰাজঘাটলৈ গৈছিল। আপে অভিযোগ কৰিছে যে বিজেপিয়ে ‘অপাৰেচন লোটাছ’ৰ ষড়যন্ত্ৰৰে মধ্য প্ৰদেশ, মহাৰাষ্ট্ৰ আৰু কৰ্ণাটকৰ দৰে আপৰ চৰকাৰ পেলাবলৈ চেষ্টা কৰিছে।

এইখিনিতে উল্লেখনীয় যে, আজি কিছুদিন পূৰ্বে দিল্লীৰ উপ-মুখ্যমন্ত্ৰী মনীষ চিছোদিয়াই অভিযোগ কৰিছিল যে বিজেপিয়ে তেওঁৰ বিৰুদ্ধে ‘সকলো গোচৰ বন্ধ’ কৰাৰ প্ৰস্তাৱ দিছিল যদি তেওঁ আপ ত্যাগ কৰে আৰু বিজেপিত যোগদান কৰে।

মন কৰিবলগীয়া যে, চিবিআইয়ে শেহতীয়াকৈ দিল্লীৰ সুৰা নীতিত অনিয়ম আৰু দুৰ্নীতিৰ অভিযোগ সম্পৰ্কীয় এটা গোচৰত চিছোদিয়াৰ বাসগৃহৰ চলাইছিল। সুৰা নীতি উলংঘনৰ ওপৰত চিবিআইৰ এজাহাৰত নাম থকা আন ১৫ জন অভিযুক্তৰ তালিকাত চিছোদিয়া এক নম্বৰত আছিল। জানিব পৰা মতে, প্ৰৱৰ্তন সঞ্চালকালয়েও তেওঁৰ বিৰুদ্ধে এটা ধন ৰপ্তানিৰ গোচৰ ৰুজু কৰিছিল।

আপে কয় যে ২০২৪ চনৰ সাধাৰণ নিৰ্বাচনত কেজৰিৱাল আৰু প্ৰধানমন্ত্ৰী নৰেন্দ্ৰ মোদীৰ মাজত প্ৰতিদ্বন্দিতা হ’ব আৰু বিজেপিয়ে শিক্ষা আৰু স্বাস্থ্য খণ্ডত বৰ্ধিত জনপ্ৰিয়তা আৰু প্ৰশংসনীয় কামৰ বাবে আপৰ নেতাজনক বাধা দিবলৈ কেন্দ্ৰীয় সংস্থাসমূহৰ অপব্যৱহাৰ কৰাৰ অভিযোগ উত্থাপন কৰিছে।

বিজেপিয়ে আপৰ অভিযোগ অস্বীকাৰ কৰি আপে দিল্লী চৰকাৰৰ দুৰ্নীতিৰ পৰা সকলোৰে মনোযোগ আঁতৰাবলৈ চেষ্টা কৰাৰ অভিযোগ উত্থাপন কৰিছে। বিজেপিৱে ২০২৪ চনৰ সাধাৰণ নিৰ্বাচনত দলটোৰ বাবে মুখ্য প্ৰত্যাহ্বানকাৰী হোৱাৰ আপৰ দাবীও খাৰিজ কৰে আৰু কয় যে আপে আগতেও ডাঙৰ দাবী কৰিছিল কিন্তু প্ৰধানমন্ত্ৰী মোডীৰ সন্মুখত থিয় হ'ব নোৱাৰিলে।

উল্লেখযোগ্য যে, ৭০ জনীয়া দিল্লী বিধানসভাত আপৰ ৬২ জন বিধায়ক আছে য’ত বিজেপিৰ আঠজন বিধায়কহে আছে আৰু বিজেপিক সংখ্যাগৰিষ্ঠতাৰ বাবে ২৮ জন আন বিধায়কৰ প্ৰয়োজন।
Published by:Sanjay Kumar Das
First published:

শেহতীয়া বাতৰি