ৰাতিটোৰ ভিতৰতে ভাগ্য ফুলিল এগৰাকী ৮৮ বছৰীয়া বৃদ্ধৰ; জিকিলে ৫ কোটি টকাৰ লটাৰী

ৰাতিটোৰ ভিতৰতে ভাগ্য ফুলিল পঞ্জাৱৰ ডেৰাবাচীত বাস কৰা এজন ৮৮ বছৰীয়া বৃদ্ধৰ। প্ৰকৃততে, এই ব্যক্তিজনে ৫ কোটি টকাৰ লটাৰী জিকিছে। বুধবাৰে অঞ্চলটোত এই বাতৰি বিয়পি পৰাৰ লগে লগে উদযাপনৰ পৰিৱেশ দেখা যোৱাৰ বিপৰীতে মানুহে তেওঁক অভিনন্দন জনাবলৈ আৰু আনকি তেওঁক মালা পিন্ধাবলৈ তেওঁৰ ঘৰলৈ আহিছিল। এই সন্দৰ্ভত বৃদ্ধ ব্যক্তিজনে কয়, ‘‘মই এই পৰিমাণটো মোৰ পুত্ৰ আৰু মোৰ 'ডেৰা'ক বিতৰণ কৰিম।’’

সংবাদ সংস্থা এএনআইৰ প্ৰতিবেদন অনুসৰি, লটাৰী বিজয়ী বৃদ্ধ লোকজনৰ নাম মহন্ত দ্বাৰকা দাস। তেওঁ কয় যে, ‘‘মই বৰ সুখী অনুভৱ কৰিছো।’’ তেওঁ কয় যে তেওঁলোকে বিগত ৩৫-৪০ বছৰ ধৰি লটাৰী ক্ৰয় কৰি আহিছে। তেওঁৰ নিজৰ দুই পুত্ৰ আৰু তেওঁৰ 'ডেৰা'ৰ মাজত বিজয়ী ধন বিতৰণ কৰিব বুলি জনাইছে। মহন্ত দ্বাৰকা দাসৰ পুত্ৰ নৰেন্দ্ৰ কুমাৰ শৰ্মাই কয়, ‘‘মোৰ দেউতাই মোৰ ভতিজাকক তেওঁৰ বাবে লটাৰী টিকট কিনিবলৈ টকা দিছিল। তেওঁ ইয়াক জিকিছিল আৰু আমি সুখী।’’

উল্লেখ্য যে, পঞ্জাৱ ৰাজ্যত লোহৰী মকৰ সংক্ৰান্তি বাম্পাৰ লটাৰী ২০২৩ৰ ফলাফল ১৬ জানুৱাৰীত ঘোষণা কৰা হৈছিল। এই ফলাফলত দ্বাৰকা দাসে ৫ কোটি টকাৰ প্ৰথম পুৰস্কাৰ লাভ কৰিছে। সহকাৰী লটাৰী সঞ্চালক কৰম সিঙে কয় যে, নিৰ্ধাৰিত প্ৰক্ৰিয়াটো সম্পূৰ্ণ হোৱাৰ পিছত, ৩০ শতাংশ কৰ কৰ্তন কৰি পৰিমাণটো দ্বাৰকা দাসক দিয়া হ’ব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।