প্ৰধানমন্ত্ৰী মোদীক আমন্ত্ৰণ জনালে অৰবিন্দ কেজৰিৱালে, দেওবাৰে ল’ব মুখ্যমন্ত্ৰী পদৰ শপত

দিল্লী বিধানসভা নিৰ্বাচনত বৃহৎ জয়ৰ পিছত ১৬ ফেব্ৰুৱাৰীত তৃতীয়বাৰলৈ দিল্লীৰ মুখ্যমন্ত্ৰী হিচাপে শপত ল’ব অৰবিন্দ কেজৰিৱালে। শপতগ্ৰহণ অনুষ্ঠানলৈ প্ৰধানমন্ত্ৰী মোদীক আমন্ত্ৰণ জনালে কেজৰিৱালে। দিল্লীৰ ৰামলীলা ময়দানত আয়োজন কৰা হ’ব শপত গ্ৰহণ অনুষ্ঠানৰ।

দিল্লীৰ নিৰ্বাচনত ঐতিহাসিক বিজয়ৰ পিছতে প্ৰধানমন্ত্ৰী মোদীয়ে অৰবিন্দ কেজৰিৱালক জনাইছিল শুভেচ্ছা। মোদীয়ে টুইট কৰি লিখিছিল – ‘আম আদমী পাৰ্টী আৰু অৰবিন্দ কেজৰিৱালক দিল্লীৰ নিৰ্বাচনত বিজয় সাব্যস্ত কৰাৰ বাবে শুভেচ্ছা জনাইছো। মই আশা কৰিছো যে দিল্লীৰ জনতাই আশাবোৰ পূৰণ কৰিব।’

মোদীৰ টুইটৰ প্ৰত্যুত্তৰত কেজৰিৱালে লিখিছিল – ‘আপোনাক ধন্যবাদ ছাৰ। মই কেন্দ্ৰীয় চৰকাৰৰ সৈতে মিলি কাম কৰাৰ বাবে ইচ্ছুক। আমি দিল্লীক বিশ্বস্তৰীয় চহৰ হিচাপে গঢ়ি তোলাৰ বাবে কাম কৰিম।’