‘কাৰোবাৰ হেঁচাত নহয়, নিজ ইচ্ছাত গ্ৰহণ কৰিছিল ইছলাম ধৰ্ম’- কিয় ধৰ্ম সলনি কৰিছিল এ আৰ ৰহমানে? কৰিলে স্পষ্ট

News18 Assam | News18-Assam
Updated:January 6, 2021, 4:01 PM IST
‘কাৰোবাৰ হেঁচাত নহয়, নিজ ইচ্ছাত গ্ৰহণ কৰিছিল ইছলাম ধৰ্ম’- কিয় ধৰ্ম সলনি কৰিছিল এ আৰ ৰহমানে? কৰিলে স্পষ্ট
এ আৰ ৰহমানৰ বায়োগ্ৰাফী ‘নোটছ অৱ এ ড্ৰিম’ৰ পৰা জানিব পৰা যায় যে, প্ৰথম ছবি ৰোজা মুক্তি পোৱাৰ ঠিক আগে আগে ইছলাম ধৰ্ম গ্ৰহণ কৰিছিল শিল্পীগৰাকীয়ে।

এ আৰ ৰহমানৰ বায়োগ্ৰাফী ‘নোটছ অৱ এ ড্ৰিম’ৰ পৰা জানিব পৰা যায় যে, প্ৰথম ছবি ৰোজা মুক্তি পোৱাৰ ঠিক আগে আগে ইছলাম ধৰ্ম গ্ৰহণ কৰিছিল শিল্পীগৰাকীয়ে।

  • Share this:
সুৰৰ যাদুকৰ এ আৰ ৰহমানে আজি ৫৪ বছৰ বয়সত ভৰি দিলে। অস্কাৰজয়ী এইগৰাকী শিল্পীৰ সফলতাৰ আঁৰত আছে কঠোৰ সংগ্ৰাম। দীৰ্ঘদিনীয়া সংগ্ৰাম অন্তত সফলতা লাভ কৰিছিল শিল্পীগৰাকীয়ে। সংগীতৰ লগে লগে ইছলামৰ সন্দৰ্ভত এ আৰ ৰহমানৰ মনোভাব বা মতামতেও বিভিন্ন সময়ত গুৰুত্ব লাভ কৰে।

হিন্দু পৰিয়ালত জন্ম হৈছিল এ আৰ ৰহমানৰ। প্ৰকৃত নাম আছিল দিলীপ কুমাৰ। কিন্তু পিছত ইছলাম ধৰ্ম গ্ৰহণ কৰে ৰহমানে। ধৰ্ম সলনি কৰে তেওঁৰ পৰিয়ালেও। এ আৰ ৰহমানৰ বায়োগ্ৰাফী ‘নোটছ অৱ এ ড্ৰিম’ৰ পৰা জানিব পৰা যায় যে, প্ৰথম ছবি ৰোজা মুক্তি পোৱাৰ ঠিক আগে আগে ইছলাম ধৰ্ম গ্ৰহণ কৰিছিল শিল্পীগৰাকীয়ে। সেই সময়ত তেওঁৰ মাতৃ কৰিমা বেগমে অনুৰোধ কৰে, ছবিৰ ক্ৰেডিট যেন পুত্ৰৰ নতুন নামতেই থাকে। ছবিৰ একেবাৰে শেষ পৰ্যায়ত ধৰ্ম সলনি কৰিছিল সংগীত শিল্পীজনে।

ইছলাম ধৰ্ম গ্ৰহণ কৰিলেও, তেওঁ নিজৰ মতামত আনৰ ওপৰত কোনো দিন জাপি দিয়া নাই। এবাৰ এটা সাক্ষাত্‍কাৰত কৈছিল, ‘কাৰোৰে ওপৰত জোৰকৈ কিবা এটা জাপি দিয়াতো ভাল কথা নহয়। এয়া এক ব্যক্তিগত পচন্দ। নিজৰ ইচ্ছাত তেওঁ ইছলাম ধৰ্ম গ্ৰহণ কৰিছিল বুলি উল্লেখ কৰে।

ৰহমানে কয় যে, বহুতেই মন্তব্য দিছিল, ইছলাম ধৰ্ম গ্ৰহণ কৰি কি তেওঁ সফলতা লাভ কৰিছিল? এই বিষয়ে তেওঁৰ মন্তব্য- ‘বিষয়টো ধৰ্ম পৰিৱৰ্তনৰ নহয়। নিজৰ অন্তৰাত্মাক বিচাৰি পোৱাতো মূল। ধৰ্মগুৰু, ছুফিগুৰুৱে মোক আৰু মোৰ মাক যি শিকাইছিল, সেয়া স্পেচিয়েল। প্ৰতিটো বিশ্বাসত এটা বিশেষ বিষয় থাকে।

এ আৰ ৰহমানে অনুভৱ কৰে, যাৰ যি বিশ্বাস থাকে, প্ৰাৰ্থনা কৰিলে মনৰ শান্তি লাভ কৰিব। তাৰ বাবে নিজৰ ধৰ্মীয় বিশ্বাসক শ্ৰেষ্ঠ বুলি প্ৰতিপন্ন কৰিবলৈ গৈ আনৰ ওপৰত জাপি দিবলৈ চেষ্টা কৰিব নালাগে।
Published by: Himangshu Bhuyan
First published: January 6, 2021, 4:01 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading