Omicron In India : ৰাজস্থানৰ জয়পুৰত একেটা পৰিয়ালৰে ৯জন অমিক্ৰন ভেৰিয়েণ্টৰ দ্বাৰা সংক্ৰমিত, দেশত আক্ৰান্তৰ সংখ্যা ২১লৈ বৃদ্ধি

ভাৰতত কৰোনা ভাইৰাছ (Corona Virus)ৰ অমিক্ৰন ভেৰিয়েণ্ট (Variant Omicron)ৰ সংক্ৰমণ দ্ৰুতগতিত বৃদ্ধি পাব ধৰিছে। দেওবাৰে ৰাজস্থান (rajasthan)ৰ ৰাজধানী জয়পুৰ (jaipur)ত ৯ জন লোকৰ দেহত অমিক্ৰন ভেৰিয়েণ্টৰ উপস্থিতি নিশ্চিত কৰা হয়। জয়পুৰৰ একেটা পৰিয়ালৰে ৪ জন লোক আৰু তেওঁলোকৰ আত্মীয়সহ মুঠ ৯ জন লোকৰ জিনম ছিকুৱেঞ্চিং (Genome sequencing) ৰিপোৰ্ট পজিটিভ পোৱা গৈছে।

বাতৰি অনুসৰি জয়পুৰৰ এই ৯টা নমুনাই দক্ষিণ আফ্ৰিকাৰ অমিক্ৰন ভেৰিয়েণ্ট বুলি নিশ্চিত কৰিছে। ইয়াৰে ৪ জন লোক দক্ষিণ আফ্ৰিকা (South Africa)ৰ পৰা উভতি আহিছিল। বাকী ৫ জন তেওঁলোকৰ সৈতে সম্পৰ্কলৈ আহিছিল। সংক্ৰমিত আটাইকেইজনৰ চিকিৎসা চলি আছে। সকলোৰে অৱস্থা বৰ্তমান স্বাভাৱিক বুলি জানিব পৰা গৈছে।

ৰাজস্থানৰ চিকিৎসা সচিব বৈভৱ গালাৰিয়াই কয় যে জয়পুৰত কোৰোণাৰ অমিক্ৰন ভেৰিয়েণ্টাৰ দ্বাৰা ৯ জন লোক সংক্ৰমিত হোৱাৰ পিছত বিভাগটোৱে ইতিমধ্যে দক্ষিণ আফ্ৰিকাৰ পৰা অহা এই পৰিয়ালটোক হাস্পতালত ভৰ্তি কৰিছে।

উল্লেখ্য যে সমগ্ৰ দেশত অমিক্ৰনৰ দ্বাৰা সংক্ৰমিত লোকৰ সংখ্যা ২১লৈ বৃদ্ধি পালে।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese