உங்கள் மாவட்டத்தைத் தேர்வுசெய்க

    • Home
    • »
    • News
    • »
    • nation
    • »
    • Heavy Rain in Maharashtra: ধাৰসাৰ বৰষুণত বিধ্বস্ত মহাৰাষ্ট্ৰ, ৭৬ জন লোক নিহত, এন ডি আৰ এফ–সেনাৰ ২১টা দল মোতায়েন

    Heavy Rain in Maharashtra: ধাৰসাৰ বৰষুণত বিধ্বস্ত মহাৰাষ্ট্ৰ, ৭৬ জন লোক নিহত, এন ডি আৰ এফ–সেনাৰ ২১টা দল মোতায়েন

     ৰাজ্যখনৰ নখন জিলাৰ পৰা প্ৰায় ৯০,০০০ লোকক উদ্ধাৰ কৰা হৈছে।

    ৰাজ্যখনৰ নখন জিলাৰ পৰা প্ৰায় ৯০,০০০ লোকক উদ্ধাৰ কৰা হৈছে।

    ৰাজ্যখনৰ নখন জিলাৰ পৰা প্ৰায় ৯০,০০০ লোকক উদ্ধাৰ কৰা হৈছে।

    • Share this:

    মহাৰাষ্ট্ৰত ধাৰাসাৰ বৰষুণৰ ফলত হোৱা বান আৰু ভূমিস্খলনৰ ফলত ৭৬জন লোক নিহত হোৱাৰ লগতে ৩৮ জন আহত হৈছে। আনহাতে এতিয়ালৈ ৫৬জন লোক সন্ধানহীন হৈ আছে। ৰাজ্যিক দুৰ্যোগ ব্যৱস্থাপনা বিভাগৰ মতে, বৰষুণৰ ফলত ৰায়গড় জিলা আটাইতকৈ বেছি ক্ষতিগ্ৰস্ত হৈছে আৰু শনিবাৰে মৃত্যুৰ সংখ্যা জিলাখনত ৪৭লৈ বৃদ্ধি পাইছে। ইয়াৰে টালিয়ে গাঁৱত ভূমিস্খলনতে ৩৭জন লোকৰ মৃত্যু হয়।


    ৰাজ্যখনৰ উপমুখ্য মন্ত্ৰী অজিত পাৱাৰে জনোৱা মতে, এতিয়ালৈকে ৰাজ্যখনৰ নখন জিলাৰ পৰা প্ৰায় ৯০,০০০ লোকক উদ্ধাৰ কৰা হৈছে। এই জিলাসমূহত যোৱা চাৰি দিন ধৰি ধাৰাসাৰ বৰষুণ আহিছিল। ৰত্নগিৰি জিলাৰ ৰায়গড় আৰু উপকূলীয় কোঙ্কন অঞ্চলৰ পশ্চিম মহাৰাষ্ট্ৰৰ কোলহাপুৰ জিলা বানপানীৰ দ্বাৰা আটাইতকৈ বেছি ক্ষতিগ্ৰস্ত হৈছে। তদুপৰি, সাতাৰা জিলাৰ বহু ঠাইত ধাৰাসাৰ বৰষুণে বিধ্বংসী ৰূপ ধাৰণ কৰিছে।


    উপ মুখ্যমন্ত্ৰীয়ে কয় যে ৰাষ্ট্ৰীয় দুৰ্যোগ প্ৰশমন বাহিনীৰ (NDRF) ২১টা দলে বৰষুণ প্ৰভাৱিত জিলাসমূহত সেনা, উপকূলৰক্ষী বাহিনী আৰু আন ১৪টা দলৰ সৈতে কাম কৰি আছে। উল্লেখ্য, যোৱা দুদিনত মহাৰাষ্ট্ৰত কেইবাটাও ভূমিস্খলনৰ ঘটনাকে ধৰি বৰষুণ সম্পৰ্কীয় ঘটনাত ১২৯জন লোকৰ মৃত্যু হৈছে। ৰাজ্য চৰকাৰে ইতিমধ্যে বান আৰু ভূমিস্খলনত নিহতসকলৰ নিকটাত্মীয়ক ৫ লাখ টকাকৈ অনুদান প্ৰদানৰ কথা ঘোষণা কৰিছে।

    Published by:Gautam Barman
    First published: