• Home
  • »
  • News
  • »
  • nation
  • »
  • বিশাল সম্পত্তিৰ গৰাকী দেশৰ ৰাজনীতিৰ চৰ্চাৰ শীৰ্ষত থকা জ্যোতিৰাদিত্য সিন্ধিয়া, ৰাজ পৰিয়ালৰ আপুনি নজনা কথা

বিশাল সম্পত্তিৰ গৰাকী দেশৰ ৰাজনীতিৰ চৰ্চাৰ শীৰ্ষত থকা জ্যোতিৰাদিত্য সিন্ধিয়া, ৰাজ পৰিয়ালৰ আপুনি নজনা কথা

দেশজুৰি সিন্ধিয়াৰ সম্পত্তিৰ পৰিমাণ কেবা হাজাৰ কোটি টকা হ’ব। 

দেশজুৰি সিন্ধিয়াৰ সম্পত্তিৰ পৰিমাণ কেবা হাজাৰ কোটি টকা হ’ব। 

দেশজুৰি সিন্ধিয়াৰ সম্পত্তিৰ পৰিমাণ কেবা হাজাৰ কোটি টকা হ’ব। 

  • Share this:
এইমুহূৰ্তত দেশৰ ৰাজনীতিৰ শীৰ্ষত থকা জ্যোতিৰাদিত্য সিন্ধিয়াৰ নাম কংগ্ৰেছৰ পৰা বিজেপি সকলোৱে লৈ আছে। সিন্ধিয়া ৰাজপৰিয়ালৰ মধ্য প্ৰদেশত যথেষ্ট সন্মান আছে আৰু স্বাধীনতাৰ পিছৰে পৰা পৰিয়ালটো দেশৰ ৰাজনীতিৰ চৰ্চাৰ কেন্দ্ৰবিন্দু হৈ আছে। মানুহে সন্মান যঁচা পৰিয়ালটোৰ সম্পত্তিক লৈ আছে তীব্ৰ বিবাদ। ৪০হাজাৰ কোটি টকাৰ সম্পত্তিক লৈ বিগত ৩০বছৰে চলি আছে বিবাদ। জ্যোতিৰাদিত্য সিন্ধিয়া আৰু তিনিগৰাকী পেহীয়েকৰ মাজত এই সম্পত্তিক লৈ বিবাদ অব্যাহত।

২০১৭চনত জ্যোতিৰাদিত্য সিন্ধিয়াৰ তৰফৰ পৰা ক’ৰ্টত এই বিবাদ মীমাংসা কৰিবলৈ আৱেদন কৰা হৈছিল। ইণ্ডিয়ান লীগেল ৱেবছাইটত প্ৰকাশিত এক প্ৰতিবেদনৰ মতে জ্যোতিৰাদিত্য সিন্ধিয়াৰ আৱেদনত ক’ৰ্টেও কৈছিল যে এই বিবাদ ক’ৰ্টৰ বাহিৰত শিক্ষিত দুই পক্ষই আলোচনাৰ মাজেৰে মীমাংসা কৰিব পাৰে। সিন্ধিয়া পৰিয়ালৰ সম্পত্তিৰ বিবাদৰ গোচৰ বম্বে, দিল্লী, পুণে, জবলপুৰ আৰু গোৱালিয়াৰ ক’ৰ্টত চলি আছে। অৱশ্যে এতিয়ালৈকে ক’ৰ্টত ইয়াৰ কোনো সিদ্ধান্ত ওলোৱা নাই।

স্বাধীনতাৰ পিছত বৃহৎ সম্পত্তি

স্বাধীনতাৰ পিছত সিন্ধিয়া পৰিয়ালৰ ওচৰত ১০০ৰো অধিক কোম্পানীৰ শ্বেয়াৰ আছে। ইয়াত বম্বে ডাইঙৰ ৪৯শতাংশ শ্বেয়াৰো আছে। পৰিয়ালৰ ওচৰত কেৱল গোৱালিয়াৰত প্ৰায় ১০হাজাৰ কোটি টকাৰ সম্পত্তি আছে। ইয়াৰ ভিতৰত আছে কেইবাটাও মহল যেনে জয়বিলাস, সখ্য বিলাস, সুসেৰা কোঠি, কুলেঠ কোঠি। গোৱালিয়াৰৰ বাহিৰত পৰিয়ালৰ প্ৰায় ৩হাজাৰ কোটি টকাৰ সম্পত্তি আছে। ইয়াত শিৱপুৰীৰ কেইবাটাও মহল আৰু উজ্জয়িনীৰ এটা মহলো অন্তৰ্ভুক্ত। দিল্লীত পৰিয়ালৰ ওচৰত প্ৰায় ৭হাজাৰ কোটি টকাৰ সম্পত্তি আছে। ইয়াত গোৱালিয়াৰ হাউচ, সিন্ধিয়া ভিলা আৰু ৰাজপুৰ ৰোডত এটা প্ল’ট আছে।

উত্তৰ প্ৰদেশৰ বাৰাণসীৰ পৰিয়ালৰ ওচৰতো যথেষ্ট সম্পত্তি আছে। চহৰৰ পদ্মবিলাস নামৰ এটা মহল আছে। গোৱাত সম্পত্তিৰ কিছু অংশ আছে। ইয়াৰে মুম্বাইৰ এটা পৰিয়ালৰ ওচৰত ১২০০কোটি টকাৰ সম্পত্তি আছে।

মাধৱৰাওৰ ভগ্নী

জ্যোতিৰাদিত্য সিন্ধিয়াৰ পিতৃ মাধৱৰাও সিন্ধিয়াৰ তিনিগৰাকী ভগ্নী আছে। উষা ৰাজে, বসুন্ধৰা ৰাজে আৰু য়শোধৰা ৰাজে। পৰিয়ালৰ সৰহভাগ সম্পত্তিৰ মূল দাবীদাৰ হিচাপে য়শোধৰা ৰাজেই দাবী কৰিছে। সকলোতকৈ জ্যেষ্ঠ ভগ্নী উষা ৰাজেই বিয়া কৰাই নেপালত থাকে আৰু তাতেই তেওঁৰ আছে বিপুল সম্পত্তি। বসুন্ধৰা ৰাজেৰ ক্ষেত্ৰতো একেই কথা।ধৌলপুৰৰ ৰাজপৰিয়ালত বিয়া হৈছিল বসুন্ধৰা ৰাজেৰ। কিন্তু য়শোধৰাৰ বিয়া লণ্ডনস্থিত এজন চিকিৎসকৰ সৈতে হৈছিল। বিবাহ বিচ্ছেদৰ পিছত তেওঁ মধ্য প্ৰদেশলৈ ঘুৰি আহে। বৰ্তমান তেওঁ শিৱপুৰীৰ পৰা ভাৰতীয় জনতা পাৰ্টীৰ বিধায়ক।

কিয় সম্পত্তিকেন্দ্ৰিক বিবাদ

এই বিবাদৰ কাহিনী বুজি পাবলৈ হ’লে গোৱালিয়াৰৰ ৰাজপৰিয়ালৰ ইতিহাস জানিব লাগিব। মধ্যপ্ৰদেশৰ ৰাজনীতিত মাধৱৰাও সিন্ধিয়া আৰু জ্যোতিৰাদিত্য সিন্ধিয়াৰ দপদপনি থাকিলেও জীৱাজিৰাও সিন্ধিয়া, ৰাজমাতা বিজয়ৰাজে, য়শোধৰা ৰাজে সিন্ধিয়া আৰু ৰাজস্থানত বসুন্ধৰা ৰাজেই এই পৰিয়ালৰ এনে চেহেৰা য’ত হিন্দু মহাসভা, জনসংঘ আৰু এতিয়া বিজেপিত থাকি কংগ্ৰেছ বিৰোধী ৰাজনীতিক ৰূপে চিহ্নিত হৈছিল।

ৰাজমাতা বিজয়ৰাজেৰ ৰাজনৈতিক জীৱন আৰম্ভনিতে কংগ্ৰেছৰ জৰিয়তে হ’লেও পাৰ্টী এৰাৰ পিছত তেওঁ কেতিয়াও কংগ্ৰেছৰ সৈতে বুজাপৰা কৰা নাই আৰু এমপিত কংগ্ৰেছ চৰকাৰৰ পতন পৰ্যন্ত ঘটাইছিল। মাত্ৰ ৪৮বছৰ বয়সক জীৱাজি ৰাওৰ নিধন হৈছিল। ৰাজমাতাই অকলেই বংশধাৰা, পৰিয়াল আৰু ৰাজনীতি চম্ভালিছিল। বৰ্তমান ভাতৃ ধ্যানেন্দ্ৰ সিং, বৌয়েক মায়া সিং, কন্যা বসুন্ধৰা ৰাজে সিন্ধিয়া আৰু য়শোধৰা ৰাজে সিন্ধিয়াই বিজেপিৰ পৰা তেওঁৰ ধাৰা অব্যাহত ৰাখিছে। আনহাতে জ্যোতিৰাদিত্য সিন্ধিয়াই পিতৃ মাধৱৰাও সিন্ধিয়াৰ বিচাৰধাৰা আগুৱাই নিছিল।

১৯৮০ত মাতৃ–পুত্ৰ মাজত সংঘাত

১২ অক্টোবৰ, ১৯৮০ত ৰাজমাতাৰ ৬০সংখ্যক জন্মদিনত এটা অভ্যৰ্থনাৰ আয়োজন কৰা হৈছিল, য’ত তেওঁ মাধৱৰাও সিন্ধিয়াৰ সম্পত্তিৰ ভাগ বটোৱাৰাৰ কথা উল্লেখ কৰিছিল। ইয়াৰ পৰাই মাতৃ আৰু পুত্ৰৰ সম্পৰ্ক ইমানেই বেয়া হৈ পৰে যে ৰাজমাতাৰ বেমাৰৰ সময়তো মাধৱৰাৱে তেওঁক লগ কৰিবলৈ নাহে। ২৫জানুৱাৰী, ২০০১চনত ৰাজমাতাৰ মৃত্যুৰ পিছত তেওঁৰ ইচ্ছাপত্ৰত মাধৱৰাও আৰু জ্যোতিৰাদিত্যক কোটি কোটি টকাৰ সম্পত্তিৰ পৰা বেদখল কৰাৰ কথা প্ৰকাশ পাইছিল। এই ইচ্ছাপত্ৰত তেওঁ নিজৰ তিনি কন্যাক সকলো গহণা–গাঁথৰি আৰু অন্যান্য মূল্যৱান সামগ্ৰী দিছিল। আনহাতে সম্ভাজী ৰাও আংগৰেক বিজয়ৰাজে সিন্ধিয়া ন্যাসৰ অধ্যক্ষ কৰা হৈছিল।

সম্পৰ্ক ইমানেই বেয়া হৈ পৰিছিল যে তেওঁ গোৱালিয়াৰৰ জয়বিলাস পেলেচত থকা পুত্ৰ মাধৱৰাও সিন্ধিয়াৰ পৰা এবছৰৰ ভাৰা বিচাৰিছিল। মাধৱৰাওক লৈ ৰাজমাতা ইমানেই ক্ষুণ্ণ আছিল যে ১৯৮৫চনত তেওঁ নিজ হাতেৰে লিখা ইচ্ছাপত্ৰত মাধৱৰাওক অন্তিম সৎকাৰত অংশ ল’বলৈও বাৰণ কৰিছিল। অৱশ্যে তেওঁৰ অন্ত্যেষ্টিক্ৰিয়া পৰৱৰ্তী সময়ত পুত্ৰ মাধৱৰাৱেই কৰে।
Published by:Tulika Devi
First published: